السلام عليكم ورحمة الله وبركاته
الموضوع ليس فقط ارتفاع الاسعار الموضوع اكبر من هذا وصلة السالفه الى الاستخفاف بالعقول عيني عينك . هذي قصه حلوه صارت لي مع ملمع الانوار بالرياض ( ابو يمن )
عندي انوار السياره مرمله شوي قلت بروح المعهم سويتها قبل كذا الواحده ب 15 ريال بالدمام
يعني شغل مشي حالك . المهم سالته بكم تلمع الانوار قال خارجي النور 40 ريال واداخلي 200 ريال - حاولت ينزل لي بالسعر لاني ابي داخلي وخارجي رفض اليمني قلت ماشي 200 ريال امرنا لله وش نسوي .
ارسلني لمحل ثاني المهم وصاه علي ( يعني يقالي معرفه ) بدى ابو يمن بالشغل ولحيته ماشاء الله عليها واصله لصدرمن طولها . المهم لمع لي خارجي تلميع ممتاز بصراحة وقال مايحتاج تلميع داخلي . قلت حلو بعد ماخلص كم حقك يابو يمن قال 200 ريال .( ول . ول ) هذا وانا واقف على راسة قلت ماسويت داخلي خارجي بس وسعر الخارجي 40 ريال قال انا اقدر اضحك واطلع الانوار وارجعها مره ثانية واقول سويتها داخلي وخارجي واخذ 200 ريال بس ماحبيت انصب عليك . قلت ليتك سويتها عيني عينك وهذا وانا واقف على راسك . المهم بدية انا وياه نقاش حاد ورجعنا للمحل الثاني وقلت التلميع الخارجي بكم قال 40 ريال قلت علم خويك ليه يسوي خارجي ويقولي 200 ريال . نهاية الموضوع عطيته 100 ريال . ومشيت عن ابو يمن وانا مقهور بلي صار لي .
والله ياشباب في الكويت يمكن السوالف هذي نادره ولما اسولف حق ربعي هناك يضحكون علي ويقولون انتم يالسعوديين صرتم نفس المصريين . الدوله مهمشتكم والاجنبي يستغلكم ولا يحترمكم ويطقكم قلت مو الاجنبي بس الي مايحترمنا . ؟؟؟!!!

وشكراً للجميع ،،،

وقلت التلميع الخارجي بكم قال 40 ريال قلت علم خويك ليه يسوي خارجي ويقولي 200 ريال . نهاية الموضوع عطيته 100 ريال

طيب ليش تعطيه 100 ريال !!!!!!!!

أنا دائما تحصلي بعض المشاكل مع أبو يمن و غيرهم
لكن أبشركم أني ألعب حديد وياويل واحد يفكر يضحك علي
أنا مره حاول تركي يصلح سيارتي المرسيدس ويضحك علي
لكن صلحت له خشمه بكف علشان يعرف أن الله حق
الواحد يحاول يشد عليهم