وانا اقول وش سالفة صفة الصيدليات اللي في هالشارع
طبعاً شارع الشيخ حسن بن علي بن حسين يفصل بين حي الحمراء واشبيلية حوالي 8 إلى 9 صيدليات في مسافة اقل من 2 كيلو متر من جامع المحيسن ( الكلباني) الى اشارة ماكدولندوز

وتجي عندهم ما تحصل العلاج اللي تبي يقول فيه بديل اخر له وكلهم على هالحال

تحياتي ,,,

السلام عليكم ورحمة الله حيا الله الربع
أولا ابشركم طالما انكم كارهين البوانص لدي الدرجة ترا صدر قرار في الاشهر الماضيه بإلغاءها
وفي رأيي هذا مهو فصالح الصناعة ولا فصالح البلد

افهمكم
زي ما اتفضل واحد من الاخوان كل دوا له عدة بدائل، توصل لاكثر من عشرة فبعض الادوية
وعلى فكرة بس ، البدائل هادي ما يتم ادخالها السوق الا بعد وجود دراسات سريرية تؤكد فعاليتها ، الشغلة مهي بطاطس ووزارة الصحة ما كانت تلعب ، والان هيئة الغذاء والدواء افضل واكثر تطورا وابشرو بمستقبل باهر فيما يخص الادوية في البلد
المهم نرجع يا سيدي ، عندك عشرة بدائل للبنادول مثلا ، مافي صيدلية ولا مستشفى حتقدر توفر البدائل كلها ، غير منطقي
اللي يسير انهم يختارولهم ثلاثة اربعة بدائل يجيبوها
فـ في رأيكم اذا ما قدمت الشركات والمصانع بوانص لمجموعات الصيدليات وتخفيضات للمستشفيات ولـ (هيئة الشراء الموحد لمستشفيات المملكة مستقبلا ) كيف حيتم التفاضل بينها ؟؟؟

حتقلي طيب خليهم ياخدو بونص بس يخفضو سعر الدوا بالمقابل
حأقلك أولا ماللصيدليات ولا المصانع ولا الشركات اي علاقه فتسعير الادوية
والتسعير اللي تحطه وزارة الصحة بناء على اللائحة التنفيذية لنظام المنشات والمستحضرات الصيدلانية الصادر من وزارة الصحة
مستقبلا حيكون بيد هيئة الغذاء ، ويظل ليس بيد الشركات ولا المصانع ولا الصيدليات
السعر لو ما كان مطبوع طباعة على علبة الدواء يمنع بيعه ولو بلغت على صيدلية تبيع أدوية غير مطبووووع عليها السعر طباعة يتجازى صاحب الصيدلية

اما لو قلتلي ليش ما يبيعوها ارخص من السعر المطبوع طالما انهم قاعدين ياخدو بونص
اقلك في بعض الصيدليات تسوي كده
لكن هادا مهو فمصلحة السوق ولا فمصلحة البلد
لانو ما حيقدر يخفض السعر الا اصحاب المجموعات الكبيرة اصحاب البوانص العالية
اما اللي زيي وزييك وطالب كلية الصيدلة حديث التخرج واللي يبغا يفتح صيدلية يبدا فيها حياته ما حيكون له بوانص عالية وبالتالي محا يقدر يخفض السعر
بعدين ايش اللي حيسير تدري ؟؟

تدخل طال عمرك المنتدى تنزل موضوع تقول فلان صاحب الصيدلية الفلانية حرامي ما يخفض اسعاره
قاطعووه
ويتحمسو الناس كعادتهم ويقاطعو اصحاب الصيدليات الصغيرة وما يبقا في السوق غير الهوامير اللي انت اصلا زعلان من انهم محتكرين السوق


خلاصة الكلام
التسعيرة الثابته للدواء في مصلحتي ومصلحتك ومصلحة الشركة والصيدلية والبلد
وكون فلان ياخد تخفيض لانه يشتري بكميات اكبر هادا حقه المشروع المكتسب ، الله يباركلهم ويباركلك

قلي ليش لما تشتري كيس الرز الكبير يطلع عليك صافي قيمة الكيلو ارخص من الكيس الصغير ؟
وليش درزن المناديل تطلع فيه صافي قيمة الحبة ارخص من لما تشتريها قطاعي
ولا حلال علينا وحرام عالتجار ؟!

كلام ولا أحلى من كده أخي صيدلي.

و فعلا .. لو كانت هناك تسعيره (عادلة) من جهة مستقلة للأدوية راح تكون المسألة أريح للجميع.

المشكلة الآن تكمن في كون بعض الصيدليات فعلا أسعارها تفرق كثير عن الصيدليات الأخرى .. تجد مثلا حليب أطفال ماركة X في صيدلية بـ 49 ريال و في صيدلية أخرى بـ 55 ريال .. مهو معقول إن البونص إللي بتحصل عليه الصيدلية الأولى يعطيها القدرة على البيع بفارق السعر هذا .. بمعنى .. لو كان الفرق ريال أو ريالين كان قبلنا حجة البونص و تأثيره .. لكن فرق كبير مثل هذا يعطي إيحاء بأنه إما الصيدلية الثانية حرامي و رافع الأسعار بغير حق أو الصيدلية الأولى جايب حليب مغشوش بيصرفه بهذا السعر على الناس.

اخي الفاضل صيدلي

فسر لي لم سعر الدواء لدينا عشرة اضعاف سعره ببلدان مجاورة يفصلنا عنها ساعة بالطيارة

ياليت فيه صيادلة سعوديين الواحد يثق فيهم صراحة
وياليت ينشال البوانص علشان الناس تفتح صيدليات مو محتكرة لبعض السلاسل التي تختار شارع زاوية او اغلي شارع و6 فتحات لدرجة احد السلاسل عندنا فاتح ثلاثة فروع في شارع واحد ,
وياليت الواحد يشتري الدواء على قدر مايحتاج واللي يحدده الطبيب مو تكون الثلاجة مليانة من الادوية من البواقي وبالاخير ترمي في الزبالة .. في الدول المتقدمة يعطونك العلاج بقارورة بالحبة .. انا شاري مسكن للاسنان وللاسف يجي 40 حبة! بـ 60 ريال!