المشاركة الأصلية كتبت بواسطة GENERAL65

صاحب المحل عنده عامل يغير الزيت والسيفون ، وانا توي جاي من عنده .

قريت الموضوع في منتدى اخر كان مسجل رقم جوال ابو علي

كلمته وصفني بالمحل وجيته ، وفعلاً اسعاره تفرق عن السوق بواجد

زيت فوكس سوبر جيتي الاسود في البناشر اسعاره ( 14-15-16 ) ريال متفاوته

وعنده بـــ 11 ريال ، والسيفون أصلي 15 ريال ، شغل اليد 5 ريال



GENERAL65

جزاك الله خيرًا على الإفادة
الإخوان اللي يقولون ما لقينا المحل يتصلون على رقم أبوعلي وهو موجود في الإعلان

اليوم ابروح له واجرب حظي

أجور اليد العاملة لتغيير الزيت مجانا مجانا مجانا .. لانها داخلة في سعر العلبة بما فيها أجر تغيير السيفون ايضا مجانا ... في جدة ماذكرت من بعد ارتفاع اسعار الزيوت دفعت اكثر مماهو مدون على العلبة إطلاقا .
ايش 5 وايش 10 ... لايكون الأخوان بنشرجية .. أقصد أصحاب بناشر .

تم الذهاب للمحل



والمحل صغير وليس محل بنشر بحفرة بل غرفه صغيره


الوصف تدخل شارع امية وتصير متجه شرق وتروح لين يجي على يسارك مسجد كبير وسط ساحة ديور من عندها وتتجه غرب امش شوي شوي وبتلقى المحل



وترى يغير الزيت بالعفريته وافضل حل انك تشتري وتغير عند اقرب بنشري بـ 5 فقط


والاسعار 11 ريال للزيت والسيفون 15 ريال









والخبر اللي نفسي اقوله


علبة زيت القير موتر كرفت عنده بـ10 ريال


وبالخارج على حسب الاول لقيته بــ 15 ريال

والثاني 25 ريال

واللي عند البيت 35 ريال




استغلال




وتحياتي لكم

اليوم الصباح رحت له ( الأحد 26 / 2 / 1432 هـ )

لقيت سعر زيت Castrol GTX الأخضر العلبة بقيمة 13 ريال

والسيفون بقيمة 15 ريال

شريت خمس علب زيت وسيفون بس للأسف العمال قليلين خبرة في السيارات الغير معروفة .. فأنا سيارتي جيب Captiva شفرولية .. قلت له غير لي الزيت قال الصباح مانغير زيت تعال العصر .. فرحت لبنشري واتفقت معه على 15 ريال يغير الزيت .. جا يركب السيفون طلع مايركب فشريت واحد من عنده وأعطيت الأول لواحد من الشباب عنده يوكن جديد ويركب عليه

سألته عن القيمة الموجودة في كرت الدعاية حقهم بأن الزيت ب 11 ريال قال الإعلان قديم والان ب 13

أخوي دكتور X





أنا رحت له بسبب زيادة السعر عنده اللي تقول عنده







ويوم سألته وقلت له ليه ارتفعت




جاوبني ان الارتفاع بسبب ارتفاعه جمله





وصاحب المحل أبو علي وراني الفواتير اللي عنده




زيت كاسترول 10W30 سعره بـ13 ريال عنده ليييه لإنه يشتري الكرتون بـ300 ريال يعني العلبة بـ12 ريال ونصف ويبيعه بـ13 ريال



يعني ربحه نصف ريال فقط بالله عليك كم تبيه يربح!!!!!!!!!!!!!!




وكاسترول 20W50 يبيعه بـ12 ريال



وأنا سألت بنشري يمني لقيته يبيعه بـ 17 ريال



ويبيع سوبر جي تي فوكس بـ 11 ريال وزيت تويوتا حسب ضني 12 ريال


وقلت له أنك اشتريت من عنده سيفون ما ركب قال ليه ما رجعت له وأخذت فلوسك




وأنا يا صاحبي اخاف اليمني نصب عليك عشان تشتري من عنده




مثل واحد من الشباب شرى من عنده زيت وراح برى لقى اليمني يقول منتهي صلاحيته الزيت


رجع الشاب للمحل وراعي المحل رجع فلوسه وقال وين انتهاء الصلاحيه وبالاخير رجع اخذها الشاب منه












وأحب أضيف أن عنده سوبر جي تي التقليد ويقول لك تقليد وله زباين ويبيعه بـ 8 ريال وعند ابو يمن يبيعه 14 ريال على أنه أصلي



فرق كبير وربي





برى المويه المقطره بـ 3 ريال وعنده ريالين











يالغالي مربحه في كاسترول 10W30 نص ريال وأنت زعلان








يعلم الله هذي الحقيقة كلها ولا لي أي معرفه به واول مقابله لي له اليوم

كم الاسعار الآن عنده بعد الغلاء الي لا حسيب ولا رقيب لجميع الانواع لان الاعلان قديم

وايضا ممكن شراء الزيوت بالجملة أرخص

تحياتي

تمام .... الله يوفقه اسعاره معقوله
بس الي ارخص منه للي ف الرياض - الصناعية القديمة
هناك محلات جملة للزيوت ياكثرها تحصل بسعر مرة ممتاز اقل من ابو علي وغيرة
وعند تغيير الزيت شغل اليد ف اي ورشة مو اكثر من 10 لغيار الزيت واذا مع السيفون 15
الي بيقولي شغل يد اقل من كذا اشوف انه غير مجزيء لان الشغله مو مستاهله و10 ريال لشغل اليد منطقي وعادل اما 5 ريال كنها قليلة شوي ......... واللهم ارزقني وارزق مني

اللي فيهم خير ويدورون على المكسب البسيط واجدين وأنا أعرف شخصياً واحد من منطقة تبوك ممكن يكون تقريباً نفس صاحب الروابي والشهادة لله انا اشتري معه زيووت لسيارتي وسيارة الوالد من حوالي اربع سنين وما عمره رفع علي سعر ولا غشني في اي نوع والكل يمدح فيه وانا تعرفت عليه عن طريق واحد من الزملاء واللي يبي يتأكد من كلامي هذا رقم جواله 0543401544 وينادونه ابو محمد. وللمعلومية يبيع الفوكس سوبر جي تي الأصلي ب11ريال
والسوبر شل الأصلي ب10ريال والفرامل الأصلي 21 ب5ريال والجربوكس الأمريكي الأصلي ب10ريال .