سؤال حيرني وابي اجابه وافيه ..!! - الصفحة 5

**الحل الصعب** · 23-05-2009, 12:54 AM

اقتباس:

المشاركة الأصلية كتبت بواسطة m r . m e

رأي للاخ الحل الصعب واي احد يقول الاسعار عندنا مي غالية

انا مستعد اشتري لاندكروزر 2009 في اكس ار فل ابشن بـ 300000 من عبداللطيف جميل

بس اسألك بالله هل المواصفات عند ابوجميل نفس المواصفات الي عند الفطيم ؟؟؟

اذا اثبت لي انها نفسها وان الجيب لم يطاله اي تعديل وان القطع كلها اصلية من اليابان وخصوصا
(الجنوط,الكشافات,التخشب,المسجل,المرايات......الخ)
انا اشتريلك واشتري لقبيلتك

.

.

.

.

...ما عندك رد بتأكيد

.

.

في قد قلك (لايكثر) او لاعاد تفكر ولاعاد تفكر انك تفكر انك تسأل

وش فيك معصب ياخوي ..انا طاب على بيتكم ومصحيك من عز نومك وسائلك ..!!

المنتدى مفتوح للنقاش وكل واحد يطرح رايه ..الدعوه مب انطحني وانطحك

وبعدين ياخوي انا قلتلك اتكلم عن سعر سياره بغض النظر عن المواصفات

انا معك ان المواصفات هنا الزباله لكن ماباليد حيله

طيب ياخوي شف الكزس او الانفينيتي او حتى نيسان وهوندا نقس السعر بالسعودية او بطشقند !

هذا محور نقاشنا !

**الحل الصعب** · 23-05-2009, 01:00 AM

اقتباس:

المشاركة الأصلية كتبت بواسطة Oz

كاد المريب أن يقول خذوني

اقتباس:

المشاركة الأصلية كتبت بواسطة ابو هذال كاويهم

المشكلة انكم تردون قبل لاتفهمون السؤال لانك ماشاء الله عليك تشاركين 100 مشاركة بالدقيقه

هنا وضح واتضح لي انه مقهور من المقاطعه

هههههههه يعني اذا قلت الحقيقه صرت مقهور من المقاطعه واحد موظفين ابو جميل !

دنيا !
لكن الي مايعرفك صحيح مايثمنك

**بندوري** · 23-05-2009, 01:47 AM

يمكن الاف جي خارج القاعده لكن باقي السيارات نفس السعر

ليش عباللطيف بيغش بنوع واحد فقط ههههههههههههه
يعني الاف جي حالة استثنائية
يعني انت تاكدت ان فيها غش صح

دام نوع واحد مغشوش
اظمن ان الوكيل بيغش بكل الانواع
فالشر يعم يغالي
ومراح يقتصر على نوع واحد

فارجوك ريح عمرك وريحنا
انا حاس انك يوم تكلمت جوا النصابين وقاموا يحمسونك انت فتحت لهم باب لهم
لاكن مراح يغيرون شيء

لاكن ريح عمرك تراك تتكلم بشيء مفروغ منه

وخلوها تصدي

وواتمنى حذف الموضوع

**جمرة غضا** · 23-05-2009, 05:58 AM

اقتباس:

وبعدين ياخوي انا قلتلك اتكلم عن سعر سياره بغض النظر عن المواصفات

انا معك ان المواصفات هنا الزباله لكن ماباليد حيله

وسعر أي سلعه يكون على مواصفاتها
إلا أن كنت تشتري فقط الإسم !

**dr.mazag** · 23-05-2009, 11:05 AM

اقتباس:

ههههههههههه ياخوي مشكلة الي ماعتنده لغه >>>تكفى

أول شي مو أنت وأمثالك اللي تقيمني

أنا لما قلت يجي نواع واحد يمكن اني استعجلت لأن طريقة العرض لـ اف جي غير طريقة عرض باقي السيارات (باقي السيارات يصفها لك أول ماتطلب الأنواع)

وتأكدت من الموضوع صار على كلامك يجي ثلاث أنواع في الموقع وفيه إختلافات في مواصفات الدفع الرباعي واختلافات في المكينة

وعند معزبك يجي ماكينة وحده وملفق له كم قطعة ويبيع بأعلى سعر

اقتباس:

يمكن الاف جي خارج القاعده لكن باقي السيارات نفس السعر

هههههههههههههههههههههههههههههههههههههههه ومازال الضحك مستمر

ما رديت علي عن الكامري السودانية؟؟؟؟؟

**dr.mazag** · 23-05-2009, 11:10 AM

اقتباس:

انا حاس انك يوم تكلمت جوا النصابين وقاموا يحمسونك انت فتحت لهم باب

هههههههههههه
طلع خوينا مهف واحنا نناقشه من أسبوعين

الله يعطيك العافية أخوي بندوري

اتمنى قفل الموضوع ويكون للأطلاع فقط
وضحنا كل شي في هالموضوع

وخلوها تصدي

كيموس القديم · 23-05-2009, 02:34 PM

اقتباس:

اتمنى قفل الموضوع ويكون للأطلاع فقط
وضحنا كل شي في هالموضوع

وليه يقفل الموضوع؟؟؟

انت وضحت وهو وضح وبالعربي انت ماقدرت تنطقها وتقول السعر هناك هو نفس السعر هنا جلست تلف وتدور وتقول لا القطع ولا المواصفات ولا مدري وشهو والصور والمقاطع ومواقع الشركات الرسميه كلها بصف كاتب الموضوع وانت ماعندك الا كلمه يقولوا في عرض وسمعنا بعرض وحلمنا بعرض...

الكامري السودانيه ودك فيها بـ 150 الف ريال سعودي بالقليل ؟؟؟
انت تقرا كل الردود بعقل والا ردودك بس وتغمض عينك وتقول خلوها تصدي ومن ثم تسكر الموقع ؟؟

يارب تصدي وتعفن بمحلها ماتفرق معاي المهم عندي المصداقيه والمصداقيه فقط واذا تبي تكسب العقلاء بصفك فاقل شي تخاطبهم بمستوى عقولهم مو تدور لي على الببغاوات اللي خسروا بالاسهم ومساهمات سوا والمساهمات العقاريه ومزايين الابل والغنم والتيوس والديوك وبعدها طاحو بمكائن السنجر وانتظر اي كذبه جديده وتلقاهم يهرولوا من جديد مايكتفوا بالصفعات اللي تجيهم وحده ورى الثانيه الا لو انك هامور ومستفيد منهم عاد من حقك...

**الحل الصعب** · 23-05-2009, 04:12 PM

مازلنا مع الخيل ياشقراء الى الابد ..غمض عيونك وامش يابعدي ..ألي يجوزلك اسمعه والي ماتبيه سكر اذانك بعد

مشكلتنا مشكلة عويصه ..قال ايش قال معزبك يخسى لا هو ولا عشره من امثالك ..فتحت موضوع للنقاش

حصلت ناس ندمت اني تنزلت ورديت عليهم!

واحساس ان ابو جميل ذابح واحد فيكم ..كل ماغيرنا الشركه رجعتونا لبنت الكلب تويوتا! كن مافيه شركة غيرها

على العمووم اسف على الحقيقه الي ازعجتكم فيها ..ولو دريت ان فيه ردود تنزل للمستوى هذا كان مافتحته من الاساس لكن يالله شكوانا لك ..

وبالتوفيق

**panadol** · 24-05-2009, 12:34 AM

الحل الصعب

بعيد عن الطاااخ والطيييييخ

انت وش تبي توصله...؟

يعني بتثبت ان عبداللطيف جميل انسان يرضى بالربح القليل وانسان لا ياكل اموال الناس بالباطل ... ؟

**panadol** · 24-05-2009, 12:36 AM

الحين بيقول ليش عبداللطيف جمييييييييييل

ودي تقولها علشان ارجع لموضوع والصق لك الف الف يعني مليون دليل عن حبك لابو جميل

نصيحه قبل ترد شف وش كاتب انت واي مثال طارح للنقاش