الي يبي يفصل تفصيل وخياطه حلوه والقماش فيه حسب رغبة الزبون والاسعار حلوووه تقريب ال70 و80 والتفصيل افضل من المحلات الي تغريك بانوارها
الموقع في البطحاء داخل الاسواق الي في شارع الدركتر الي يعرفه وهو الشارع المزحوم بالعماله

دائم افصل عندهم وتفصيلهم واسعارهم حلوه لكن البعض يستعيب الموقع

لفيت كل المحلات الفاخرة وغيرها وتكون عندي قناعة ان الأقمشة ما تفرق كثير عن بعضها . فصلت في الغالي والرخيص لقيتها كلها حلوة لمدة ستة أشهر وبعدين ينتهي الثوب ويتغير لونه وتصير كلها زي بعض .

بعد ذلك رحت لمحل الثوب السعودي ( الجاهز) في جدة طبعا ما هو خياط ، هذا زي الدفة والسفير والأصيل ، لكن سعره رخيص الثوب ومع القماش جاهز مفصل ب75 ريال فقط ، والقماش ياباني والتفصيل راقي جدا .

ويتميز بالتنوع ، وكل ما بدأ الثوب يتغير أمر عليهم أخذ واحد وكذلك ، ثياب الحرمين ، أخذت منها ثوب ملون ما شاء الله رووعة ، وخاصة أنه ما يحتاج تكويه كل مره يحتفظ في الكويه بقوة .

جربوها عساها تكون حل للغلاء وتساعد على تخفيض الأسعار

المشاركة الأصلية كتبت بواسطة مقاطع11

بدون مبالغه انا كل 6 شهور افصل 4 ثياب بسعر 300 ريال فقط مع القماش اختار الي ابي والتفصيل وذا ماعجبك ارجعه ويعدل فيه

داري أن الموضوع قديم بس ممكن تدلنا على الخياط مشكور أنا كنت أخيط ثيابي عند خياط باكستاني بالعريجاء من كنت صغير بعدها توفى ثم صرت أفصل عن واحد يمني أسمه أمين خياطته ممتازه بعدها رجع لليمن وبعد ما أنتقلت لحي العزيزية وإلى يومك هذا من خياط لخياط وأغلبهم خياطته فاشله طحت لك مره عاى خياط يمني بالبطحاء فصل لي ثوب خامة القماش والتفصيل ممتاز بس الظاهر الجوازات سفروه