المشاركة الأصلية كتبت بواسطة مقصود

اللهم لا شماته
• توقعات بتأخر طرح الموديلات الجديدة لشركة تويوتا خلال العام الجاري.

يتوقع أن يتأخر طرح الموديلات الجديدة لشركة تويوتا اليابانية لصناعة السيارات خلال العام الجاري.
حيث أن عدم التوصل إلى حل للمشاكل الناجمة عن استرجاع السيارات لأسباب فنية قد يتسبب في تأجيل طرح الموديلات الجديدة. وتعتزم تويوتا طرح موديلات جديدة في أوروبا لسيارات أوريس بنوعيها ،العادي والهجين وكذلك السيارة (راف 4) .
وسحبت الشركة في أنحاء العالم أكثر من 8 ملايين سيارة لعلاج أخطاء في دواسة البنزين والفرش الأرضي أسفل الدواسات وسط تقارير عن سقوط عدد أكبر من الضحايا في السوق الأمريكية نتيجة لهذه الأخطاء

لو غبنوني بمال , المال يعوض ..لكن الروح وش يعوضها لو راحت !
تويوتا اخطات وعليها ان تتحمل اخطائها
حياك مقصود

المشاركة الأصلية كتبت بواسطة ابوسريع

بوركتم وبارك الله سعيكم .

خلوها تصدي حسبي الله عليهم

حياك ابو سريع
و بوركت جهودكم

المشاركة الأصلية كتبت بواسطة nodobt

بارك الله فيكم

انا امتحنوني رسايل على الجوال

بدون دفعه بدون كفيل الظاهر كم يوم ويصير بدون ماتدفع بس تعال

لكن مافي امل اشتري قرمبع من عندهم

الله يخلي المستعمل

ياكثر النظيف والرخيص

اجل اخذ يارس النتفه اقساط حول السبعين

الحمد لله والشكر

ولا تنسى بدون مصاريف ادراية
خلهم يحرجون على سياراتهم

المشاركة الأصلية كتبت بواسطة رجل المواقف

شركة تايوتا لديها القدرة على تحمل أعباء أكثر من ذلك . شركة نيسان تنازع قروض من البنوك
وصاحب الشركة لديه مستشار هو مالك الشركة الحقيقي . هل تعلم؟؟؟
وهذا السؤال انكرة مالك الشركة (الصورة) حتي لا تعود الشركات الى أخوته المحترمين

نحن هنا نقول اننا مستمرين بالمقاطعه لجميع الوكالات .. ومقاطعتنا اخفضت واراجعت المبيعات ...
ومنطقيا تجارة بدون عملاء لا قوة لها

.............................


اخوي لاحظت عليك بكم رد تجيب سيرة نسيان وعروضها وتشبه قسطها كانه سعر خروف ! وتمدح تويوتا وموظفينها !
نورنا يا اخوي وش العلوم



.

المشاركة الأصلية كتبت بواسطة بسبوسه

سبحان الله وبحمدة.... سبحان الله....
اما بالنسبه للمقاطعه/ من وجهة نظري المتواضعه..
تويوتا( عبداللطيف جميل)...الله يهديه ...
لاعب علينا من زمان...
ولكن لاحسيب ولارقيب من وزارة التجارة وهيئة المواصفات..و...

حياك بسبوسة
نوضح للكل ان المقاطعه شاملة وعامه على الوكلاء ..

مشكور وجزاك الله خير

جزى الله الجميع على مافعاوه
كيف يكون طريقة التعامل من قبل شركات السيارات بعد وقوع في العميل في مثل هذا العيب المصنعي لايتم تأمين سياره له ولايتم تعويضة عن العيب المصنعي الموجود بالسياره ومماطلة الى انتهاء فترة الضمان ومن ثم يبداء بالسحب من جيب المواطن سواء من الصيانه إو قطع الغيار اين الخدمات البديله والتعويظات لسوء التصنيع هل وضع قطعة خلف دعاسة البنزين لحل المشكلة الي انتهاء فترة الضمان او تغير اقمشة الفرامل والهوبات لسيارات الكوريلاز
اين موقف وزارة التجارة السلبي الذي لم نراه اين قسم الجودة والمتابعه اين قسم الحفاظ على المواطن والمستهلك
حسبنا الله ونعم الوكيل

والله شبعنا نصب يا عبد اللطيف جميل
سيارته كلها تايلنديه واستراليه
ونص قطع غيارها ملفق شي صيني وشي سعودي وشي مايعرف هويته
والاغرب من هذا اسعاره خياليه يعني لو هي يابانيه نقول يمكن نتقبل ارتفاع اسعاره
بالنسبه للاخوه المقاطعين والا الي حابين يقاطعون بس يبغون بديل
بدال الكامري
هوندا اكور يابنانيه 100%100
والي يحبون السيارات الحوض
عليهم بالجمس الحوض افضلهم من الشاص
وبالنسبه للجيوب عليكم بجيب نيسان او مستبيشي والله جبار
ولا تتعب حالك وتشتري منه ولا اطلع برى السعوديه اشتري لك سيره من برى وخلو سيارته له لانه مصخه بسراحه
انا بالنسبه لي كنت اقدر الكامري وبعد ماعرفت انها استراليه وقطع غيارها تايلندي
غيرتها واشتريت هوندا اكورد
والي كرهني بالكامري اعزكم الله
غيرت فحمات لها من الضحيان وكيل معتمد لهم واخذت الاصلي
ولمن ركبت الفحمات خلال ثلاث ايام الا الفحمات لها صوت
ورحت للوكاله قلت شكل الضحيان ضحك علي واعطاني تقليد للاصلي
واشتريتها من عبد اللطيف جمبليز وخرط الهوبات قلت ممكن عشاني ماخرطها بالمره الي فاتت وماخذت معاي اسبوع الا وصوت التصفير طالع
الاكيد اني كرهت السياره وبعتها
واستبدلتها بالهودا اكود وريحت راسي وتوني مغير فحماتها من الوكاله 230 بس ياباني اصلي لها شهر معاي ولا صوت ولا شي احسن من فحمات عبد اللطيف جميل تايلنديه
190ريال بالوكاله
وختام كلامي احييكم يا مقاطعة الشركات النصابه والمتلاعبه بجودة المنتج
وارجو منكم وضع لنا بديل لهذا الشركات الغشاشه المتلاعبه بالجوده وبالمواصفات والمقاييس تحياتي لكل مقاطع

المشكله رئيس شركة تويوتا اعتذر امام الكونجرس الامريكي عن العيوب المصنعيه اللي وجدوها في السيارات .. وعبداللطيف جميل يكابر بأن السيارات لا توجد بها عيوب نهائيا ...

قمة التبجح والتفاهه والاستهتار بالمواطن لابعد الحدود ..

الحمد لله .....................