الحمد لله على سلامة الأهل وآجرك الله في مصيبتك وعوضك خيراً منها ...

اخي الكريم اسل اللة لك التوفيق والسداد ورب ضارة نافعة وكم اتمنى مساعدتك ولكن ليس لي من
اسمي نصيب اخوك سوبرمان

وش صار
نبي نهاية الموضوع حتى يستفيد الجميع في مثل هالحالات
مع تحياتي لك وتمنياتي بالتوفيق

السلام عليكم ورحمة الله
في البداية أعتذر أشد الإعتذار عن التأخر والتغيب
وأشكر كل من ساهم بكلمة طيبه ودعوة طاهرة بالموضوع أو في ظهر الغيب


أعووووود من جديد لوضعكم في قلب الحدث
على فكرة في ببالي شغله ( أحتاج فزعتكم و وقفتكم معي ) بس بعد ما أخذ القرار !!

( تمت الجلسة الثــانيــة )

وجلبت معي كل ما أستطعت إحضاره في شنطة دبلوماسيه مسوي نفسي محامي محترف

من ضمن الموجودات معي قرار خطي مني للجفالي أطلب فيه دفع مبلغ تقريبي
كمساعدة على الخسائر التي فقدتها في البيت
وكنت محترم وطيب ومتساهل وطلبت مبلغ 50 ألف ريال.

وقلت لهم ان ثلاجتكم يالطيبين حرقت بيتي وخسرت الاول والتالي ولا أريد ذكر تفاصيل الخسائر ( عشان لا أثقل على شركة الجفالي )

ومن الطريف أنهم أرسلوا لي خطاب كالتالي :



أنهم يأسفون على الحريق , وأنهم يأكدوووون أن الثلاجات المصنعة لديهم أو المستوردة من قبلهم تخضع لرقابة صارمة من قسم الجودة والنوعية وووو
وأنهم لا يعتقدون أن إلتماس في أسلاك الثلاجة يحدث كــــل هذة الأضرار.
وأنهم يقولون أن الحريق ( لا بــد ) أنه أتى من مصدر أخر غير الثلاجة كالتوصيلات او الأفياش الموجودة بالمطبخ ..

اللي يسمعهم يقول انهم يختبرون كل ثلاجة وليس أخذ عينه فقط !!

طبعا عشان تشوفون الأفياش ... إنها بريئه من إتهام شركة الجفالي
تعالوا نشوف هذه الصور الجميلة





تلاحظون يا شباب الأسلاك كيف إنها محتفظه بألوانها حتى
يعني أسلاك المطبخ برررريئة من إتهام المحللين الجفاليين

طيب ...

والمصيبة الأكبر والأدهى والامر والأقبح والأخزى وووو المشينه
إنهم عند الجلسة الثانية تقدموا بخطاب للقاضي يذكرون فيه
((( أنهم لا يصنعوا الثلاجات وليس لهم علاقة بالصنع ))) !!!
يعني الحمد لله أني أحتفظ بهذا الخطاب اللي من عندهم بإثبات تصنيعهم وإستيرادهم - ان كان به إستيراد - ليثبت إنعدااام المصداقية ومحاولة التهرب من المسؤلية في ظل نوم و مرض هيئة حماية المستهلك واللي ينطبق عليهم مقولة
( جيتك يا عبد المعين تعين لقيتك يا عبدالمعين تنعااان )أو وجعان مرضان


هذا الى الأن وأقف عن المواصلة لمدة بسيييطة وأكمل المعاناة
وبصراحة ما توقعت الإقبال على الموضوع كذا وبالحماس والمتابعة
عسى الله يكفينا وإياكم المشاكل والمصائب بس حلو الواحد يأخذ فكرة
فقد تكون أنت المنقذ لأي شخص متضرر لا سمح الله

وتعليقاتكم هي دافع إهتمامي

واصل أخوي ولاتنازل عن ريال واحد
وإن شاء الله أنت الكسبان للقضية

ألف شكر لك يا بو سلام
وعسى الله يجزاك خير
ويمنع عنك كل شر وبلاء

لاتتهاون نهائياً , المستخديمن لثلاجات جنرال اكتريك اشهر ثلاجات العالم , اجتمعوا في امريكا ( لتدمير ) الشركه ومقاضاتها بسبب صمام امان المياه في الثلاجه فقط !

الشركات هذي تكسب مئات الملايين في السنه وفي الأخير يطلعون لي في التلفزيون ويشوهون سمعة الشاب وابن الوطن بأنه كسول ولا يعمل , اجل انتم وشو ؟ جيتوا من القمر ؟ مو عيالكم وعيال عمكم برضوا والا احنا عيال الشغاله !

وحدهم في احسن الأحوال دعم البرامج التافهه والهايفه المغامرات وغيرها بدل العلوم والتعليم في القنوات الإم بي سي ( برعاية الجفالي وبطيخ وزرنيخ ) ومئات الآلاف تدفع شهرياً لهذا الدعم , وانسان ضيعتوا مستقبله واشغلتوه في شقته المحروقه وهو توه متزوج , ووالله ادري ان الواحد ماينام الليل وهو يأثث ويحترق قلبه الف مره في اليوم , والجفالي وشلته ياكلونه بارده مبرده ولا همهم اي شي ...

اطلب منهم بس يعطونك راتب ( سواق ) الجفالي لشهر واحد , وبترجع اتعاب المحامي وتعويضات الشقه , وعلى فكره هذول الجماعه الكبيره محترفين سرقه ونصب ومحاكم , قبلك ناس كثير رفعوا على كثير من التجار قضايا , والجفالي وجماعته ولا سائلين ولا مهتمين , ومعتبرينك ( زبون ) آخر يريد سرقتهم , الله يسرقهم !

نشر على صفحة مقاطعه على الفيس بوك

هلا بك يا خبير المكيفات ... إنت خبر نفسيات

ههههههه

بصراحة كلامك وكلام الشباب اللي معنا بالموضوع
برد خاطري وحمسني للمواصلـــة وعسى الله لا ينصر المظلوم

والله تذكرت كلمة قالها محامي الجفالي , يقول : إن الجفالي له باع طويل في الأعمال الخيرية
ويدعم الشباب وووو إلخ عاد ما ادري وش مناسبتها هالإشادة بس افتكرتها لم تفضلت بها يا خبير
وحقيقة انت ضربت ع الوتر الحساس لما قلت : ووالله ادري ان الواحد ماينام الليل وهو يأثث ويحترق قلبه الف مره في اليوم , والجفالي وشلته ياكلونه بارده مبرده ولا همهم اي شي ...

أشكرك أستاذي الخبير ولا تحرمنا مرورك وتواجدك و وجهة نظرك
بس تابع الموضوع وأتمنى من الكل يتابع بالردود وليس المشاهدات فقط
كلماتكم دعواتكم توجيهاتكم مواساتكم همساتكم والله تعني لي الكثير
أسأل الله لي ولكم التوفيق والنجاة من النار والتجار

عزيزي ( مشرف مقاطعـة في الفيس بوك )
بصراحة ما فهمت الرسالة
مع العلم اني تواجدت في صفحتكم الرائعة وما لاحظت الخبر او اني ما عرفت اوصل له
فهل يمكن التوضيح!!