البلدية تغلق مطاعم الرومانسية فرع الروابي "صور" - الصفحة 4

**جمرة غضا** · 29-07-2010, 05:18 AM

اقتباس:

المشاركة الأصلية كتبت بواسطة cnc99

يستاهل

المفروض يقفلوا المحل للأبد

حياك ما منح مخالفه الا وهو يستحق المخالفه ..ولكن
هل البلدية تضع المنشاه اللي سبق وخالفت تضعها تحت المجهر ؟ اما مخالفه وعدي ؟

**جمرة غضا** · 29-07-2010, 05:24 AM

اقتباس:

المشاركة الأصلية كتبت بواسطة boycut

مع احترامي ياجمرة

اذا كان هذا عذرهم
فهو عذر اقبح من فعل زي مايقولو
الشوارع مليانه من العاطلين ولو ماحصلو عاطلين الطلبه يمكن يقومو بالواجب
لان العمل الرقابي لايتطلب دكتوراه ولا حتى شهاده
اي واحد يقدر يعرف المطعم نظيف والا لا
اي واحد يقرا ويكتب يقدر يعبي نماذج ويكتب وصف لمايراه بعيونه
ويخلي صاحب القرار بالصوره
ليش ماكل مراقب في البلدية ياخذ معه جيش من الشباب
ويوزعهم على المطاعم والله يقلبو لك المطاعم كلها في يومين
خصوصا في هالصيف والمدارس مقفله
بدل مايدوجو في الشوارع
يسووا خير وبفضحوا المطاعم اللي تسمم الناس

فاضت البيوت من العاطلين ,, ياليت يوظفونهم مراقبين للتجارة وللبلدية
ولو كانت المالية تعترض على استحداث وظائف
فلا اعتقد ان من الصعوبة ان تستحدث وظائف برواتب محدوده ويمنحوا اضافه للراتب نسبة من قيمة الغرامات ...

**جمرة غضا** · 29-07-2010, 05:27 AM

اقتباس:

المشاركة الأصلية كتبت بواسطة مرمر

وع مالت على المطعم وراعيه

راعية اتمنى ان يشدد الرقابة على عمالته ومطاعمه

**جمرة غضا** · 29-07-2010, 05:29 AM

اقتباس:

المشاركة الأصلية كتبت بواسطة madar9

قاطعوهم يامال العافية وترى أكل البيت مافيه مثلة الا أن حدتكم الظروف عاد ويش السواة

غلاء ووساخة وعدم ألتزام بالشروط الصحية

ترى بعض المشتغلين بالمطاعم بعضهم كانوا سباكين وحلاقين وخياطين وعمال بناشر وتغيير زيوت

مادام الرقابة غايبة

يبارك بك .. اغلب المطاعم قمة في القذارة ولا يخدعونكم بالنظافة الظاهريه امامكم البلا من الداخل.. واي مطعم يقولوا انه نظيف فليضع كاميرات بمطابخه امام الزبائن
خلونا نشوف مطابخهم

**جمرة غضا** · 29-07-2010, 05:32 AM

اقتباس:

المشاركة الأصلية كتبت بواسطة ليل المشاعر

مساءكم سعيد. اللهم بارك لنا في شعبان وبلغنا رمضان. اخواني اخواتي الحديث عن ابويمن يطول ويبدو انه متخصص في الاحتكار ورفع الاسعار. وتدرون؟ انا شان حملة ومقاطع اي محل يبيع فيه يماني وحاولت واقنعت زملاء العمل والشلة والبعض منهم كان يتهمني بالعنصريةووو....... الخ لحد ماطلبت منهم كذا شغله وتأكدوا بانفسهم. ياجماعة الخير ابويمن لعب في الديره لعب.وزي ماذكرتوا موضوع الرز رفع السعر ومازال مرتفع رغم الانخفاض وغير هذا كله نقص في الحجم.كلنا يذكر حجم الصحن السفري حق نصف الدجاجه؟ اللي هو نفسه الان يبيعونه بيت الشوايه.الان ابويمن يبيع لك اصغر مقاس وبسعر مرتفع؟؟؟؟؟؟؟؟؟؟؟ هذا غير البقالات وخصوصا حقة المحطات اتحدى اذا ابويمن مايزيد ريال الى ريالين في اي بضاعة ناهيك عن محلات الزيوت والتشحيم...الخ وبمناسبة الحديث عن المحطات اعرف هندي قديم هنا شغال في المشاحم. يقول نستاجر بمئة الف ويحلف يجي ابويمن يدفع 160 الف وينقد حق سنة كاملة. يقول انا اعرف وش تطلع المشحمه ولو زاد علي المالك طلعت بس ابويمن هذا وشلون يدفع هالمبلغ ويكسب؟ وتبون الجد بديت اشك ان ابويمن يفتح محلات لغسيل الاموال. بتضحكون صح؟ كلام غريب صح؟ طيب محد منكم لاحظ ان ابويمن تلقاه فاتح محل زاويه ودافع اجار عالي وتلقاه خياط ولاتشوف زباين بذيك الكثرة ومع كذا مازال فاتح ومستمر سنين؟ لاحظوها خياطين وغيره حتى عند بيتي مغسله رفع المالك الاجار من 25 الى 70 الف ومع هذا ابويمن قاعد ماطلع. شي غريب فعلا واتمنى نخصص موضوع عن ابويمن بصراحة لانه تمادى بشكل سافر

اخيرا من يسال عن واحد فول انا افطر عنده دايم والاحظ ان راعي المحل مسنتر ماشالله ويدير المحل بنفسه وحاط له مكتب داخل. وسبحان الله تلاحظ ابويمن اللي يشتغلون معه مالهم نفس ومكشرين وواضح انهم يشتغلون براتب. وابويمن مايبي هالنظام يبي محل له ويلعب ويغش على خلق الله بكيفه وتوقعت والله مايطول لان ابويمن ياتسلمه المحل ولابينحاش. هذا توقعي والله اعلم وعذرا على الاطاله

حياك اخوي
مهنا اسهل من ردعهم .. اي شخص يرفع السعر اتركوه واتركوا محله وبضاعته ..

**جمرة غضا** · 29-07-2010, 05:35 AM

اقتباس:

المشاركة الأصلية كتبت بواسطة marwan22

يا اخوان ما يصير نظلمهم انا صار لي عندهم اكثر من عشر سنوات ما عرفنا عنهم الا انهم افظل من غيرهم بكثير

بلخير
وين الظلم وانا اختك ؟ وهل نحن من ظلم ام البلدية ام بانفسهم ظلموا انفسهم ؟؟؟
ماشفت يا اخوي ملصق البلدية مصبوخ صبخا على الباب ؟هل البلدية تتجنى عليهم ؟؟
وياليت تخبرنا كيف هم افضل من غيرهم ؟ برفع السعر او بتقليل الكمية ؟؟؟