شركة تسرق الناس جهارا نهارا
و
لا تنسون ايضا شركة الكهرباء
وما فيه احد احسن من أحد

غاب الرقيب فسرح الذيب

خلونا واقعيين شويه .. دائما أغلبنا يلقي باللائمة على شركاتنا الوطنية في الأتصالات عموما ... في حين يكون الخلل منا نحن كعملاء لهذه الشركات ... يعني الشركات ماقصرت وفرت الخدمة الرئيسة اللي كنا نحلم بها قبل 20 سنة تقريبا وقائمة على مساندتها عبر بواباتها الالكترونية ومراكز الخدمة فاتحة سماعاتها .. طبعا كل شركة بطريقتها ... واعزززززززي من مساندة .. ويجلس العميل طول اليوم يتصل فاتح عشرين طلب لدرجة انه ينسى ايش طلب وايش خلى .. لدرجة فيوزات الأجهزة تضرب قبل فيوزات موظفينهم عندها تتلخبط الاوامر المدخلة بانظمتهم وتختلط عليهم فيكون احسن حل لعلاج هذه الاشكالات التي سببها العميل هو الصاقها بظهره .. لذلك بعد ان تتحدث مع او تكون في مركز لاي شركة طل على ظهرك بالمراية شوف فيه شي معلق على اكتافك قبل لاتتورط .. يعني اقصد اقول انه هذا حالهم يجعلون حل المشكلة على ظهر العميل ..

باختصار من بدايتها طالما ان الشركات الوطنية ليست بحجم المسئولية في تنفيذ الخدمات وينتج عنه ماينتج من مرافعات واتهامات ومدافعات وجنود مجندة بكل موقع للمحاماة عن سلبهم ونصبهم حتى وهم يعرفون انها بالباطل ... دعونا من المطالبات والتداعيات لأنها كثرت بدون نتيجة حتى والله انها اصبحت تذكرني بقضية فلسطين مع فارق الوضع .. لكن يكتفي الواحد فينا برقم يؤسسه جديد من احد هذه الشركات ويصبر عليه فاتورة يقعد يشيك خلالها على الخدمات المضافة لديه ويبقي مايحتاج ويلغي مالايحتاج ثم يتحرص على جواله لايسلمه احد ويسدده في وقته ، ويحذر من طلب اي خدمة الا بطلب يدوي خطي وياخذ منه صورة ... هذا هو اللي ينفع عندنا لانها شركات لم تصل للعالمية بعد .. كل مانسمع عنه هو من نسج افكارها وعالمية على نفسها في النصب والاحتيال ... المهم هذه الطريقة التي اتبعها ولدى اشتراكان عند الشركتان ومع هذه السياسة ابشركم في خير .. الموظف يقول ارسل الرقم كذا للرقم كذا ... لا مااعرف ... اطلب من مركز الخدمة ... مااعرف .. اعرف وجه لوجه فقط .. لدرجة اقوم بتفقيط او تدوين الخدمة المطلوبة واكتب بعد مسماها فقط لاغير واوقع بالأقفال من بدايته ونهايته وآخذ صورة حتى لو مارضي الموظف آحاجه هذا أسمه عقد لابد يكون مع الطرفين .. .. صحيح رجعت 40 سنة ورى .. لكن هاذي السواة ريحتني كثير ..
على فكرة هذه الطريقة اذا تم الرجوع اليها من الكل بها نضمن وظائف لشبابنا لديهم لمواجهة تسيير الأعمال الكتابية بدلا ان يسرقونا باعمالهم الألكترونية .. وسلامتكم . نعتذر لسؤ التنسيق لكن اتمنى الفكرة وصلت ... مستعجل اتابع هزيمة السعودية من سوريا تسجيل ... بغرض التحليل في الأستراحة الشهرية منتصف الأسبوع .

ويا قلب لا تحزن ويا عين لا تدمعين

أنا لي فتره وأنا اسدد لهم رسوم ابواب جعل الأبواب تنصك على رقاب هالشركه ... مرة سددت خمسين ريال قلت يمكن اني استخدمت ابواب وانا مد ري ومرة ثمانين والمرة الأخيره ميه وخمسين ريال صار الوضع لا يحتمل ... يعني سرقه عيني عينك وببجاحه مفرطه ... يعني جوالي يوصل الحد الائتماني ويقفل الارسال عندي بغير وجه حق بسب رسائل ابواب اللي ما استخدمها بتاتا ... استهتار واستلعان ماله حد

الاتصالات معروفة من يومها شعارها النهب والسلب والنصب على المواطنين وانا وغيري كثير انقرصنا منهم وياما سرقونا ان شاء الله كل ريال اخذوه يتحول نار تاكلهم انا قليل مااستخدم الجوال وتطلع فاتورتي كل شهر 1200 حتى وهو مفصول ماتغير هالرقم ولا مشتركة باي خدمة واي رسالة تجيني لخدماتهم امسحها المهم نصحوني كثير اترك الاتصالات وبالفعل مادفعت اخر فاتورة وطبعا نفس الرقم 1200 واشتركت بشركة اخرى

والله العظيم انا وكل صديقاتي شفنا الفرق وتوضحت الصورة القاسية لسنين النهب ليتهم مايتهنون فيها
اول مرة جتني رسالة الفاتورة من الشركة الجديدة فتحت فمي تدرون كم طلع لي؟ والله 45 والشهر اللي بعده 60 واللي بعده 55 ريال والله انا الحين لي 8 اشهر معهم ماتعدت فاتورتي ال100 كيف هالحرامية الاتصالات الف وفوقها الله لا ييكسبهم لا دنيا ولا خرة

واللي جالس يدافع عنهم اقول اسكت الكل يدري عن سرقاتهم حتى الطفل الصغير واكيد انه من موظفي قصدي من حرامية الاتصالات

ولكم الشكر

الحمد لله إني لقيت فرصة أبرد حرتي في ذا الشركة سرقتني من أول ماوفرو الإتصالات 10000ريال خط الجوال وصار وصار وخلها في القلب تحرق مابقى وحولت خطي لشركة غيرها بعد ماأكتشفت ضحكهم علي الأخير وهو جوالي مستخدم أو غير مستخدم نفس الفاتورة !!
والشركة الجديدة الثانية المحترمة أنصدمت يوم دقيت على خدمتهم وردوا علي في أقل من ربع دقيقة بعد ماكنت أنام مع الجوال لين يردون والصدمةالثانية اللباقة من موظف الشركة الجديدة شيء عجيب والصدمة الثالثة والثابته فاتورتي مع الشركة الجديدة ماتجي ولا ربع الفاتورة مع شركة الإتصالات أجل وين كانت تصرف مع الإتصالات!!!
شركة وبإختصار فاشلة من جميع النواحي همهم الأول والأخير كيف يسلب المواطن والملاحظ أن أغلبهم ان لم يكن جميعهم دخلوا بالواسطة وهذا نتيجة وضع الرجل الغير كفؤ في المكان الكفؤ فلوا كان هناك موظفين لم يأمنوا العقوبة لكان عملهم بجد وإجتهاد ويتنافسون على الريادة
مع السلامة بلا عودة يا شركة الإتصالات السعودية

البطانه البطانه ياشباب على قولة واحد من اعضاء المنتدى ياحبيله

لو تكتب عن شركات الاتصالات في السعوديه الثلاث تلقي الي ينتقدها او يمدحها

لاكن التجربه خير برهان انا تركت stc من زمان والله العظيم فرق كبير جدا ولا يقارن

ومصداقيه لم اجدها في stc

وكل انسان حر في ماله لمن يدفعه

الشركة الاتصالات نار على علم في الاختلاسات ومماطلة العملاء

وما يحتاج الى دليل
لأن ما في مواطن إلا انقرص منها ...