اسرار وخبايا عالم قطع الغيار ومكاسب خرافية على قفانا!!!!وادفع !!! - الصفحة 3

**رحال الشرقية** · 19-03-2009, 02:24 PM

اقتباس:

المشاركة الأصلية كتبت بواسطة evolution

السلام عليكم

بصراحة اهنيكم على هادا المنتدى الرائع

وحبيت اسردلكم بعض الحقائق عن قطع المرسيدس بحكم تجربتي خمسة سنوات

أولاً. معظم قطع السيارات الالمانية تصنعها شركات خارجية والفرق بين قطع الوكيل وبين قطع الشركات انو بس عليها ختم شركة السيارة .

اعطيكم بعض الامثلة

المساعدات : المساعد الواحد عند الجفالي تقريبا 800 ريال ولو فكيت مساعد الوكيل تلاقي مكتوب عليه SACHS وعليه ختم مرسيدس، ومساعد SACHS نفسو عند قطع الغيار قيمتو 250 ريال.
وعلى فكرة ترى كل كم سنه تتغير الشركة لأنو أول كانت مساعدات الوكيل من Bilstein

الدينمو : دينمو الكهرباء قيمتو في الوكالة تقريبا 1900 ريال وماركتو بوش ومختوم عليه ختم بوش ومرسيدس ، أشتريتو من محلات قطع الغيار، بوش نفس الامبير ب 950 ريال.

حساس الهواء (Air Mass Sensor) : وهادا يخرب كتير في سيارات المرسيدس والبي ام دبليو، قيمتو في الوكالة تقريبا 1600 ريال وبرضو بوش، اشتريتو من محلات قطع الغيار ب 750 ريال.

الكومبريسور : قيمتو في الوكالة قريب 2800 ريال طبعا تصنيع شركة DENSO اليابانية وفي منو DENSO تقليد كمان ، المهم انا اشتريت دينسو الأصلي ب 1500 ريال من محل متخصص في قطع غيار التكييف في جدة ، وفي وكالة لشركة دنسو كمان في جدة تبيعو بسعر قريب.

البواجي وفلتر الزيت : الفرق مو كبير في السعر بس المهم انو في فرق في السعر بس عشان العلبة والختم. البواجي مثلا اشتري الاصلية ب 12 ريال الحبة ومختوم عليها بوش واشتري بوش من محلات القطع ب 8 ريال نفس البوجي وكمان الفلتر موجود منو بوش وموجود منو ماركة اسمها KNECHT طبعا الاسعار دي صرلها فترة، عاد دحين كلهم رفعوا الاسعار بحجة انو اليورو طلع واليورو نزل .

وغيرو وغيرو زي السيور وطرمبة الموية وفلتر البنزين ..

نصيحة لكل واحد يبغا يشتري قطعة مرسيدس. على نفس القطعه تلاقي رقم القطعه حق الوكالة وتحتو بالزبط تلاقي BOSCH PART NUMBER مثلا
اللي هوا رقم القطعه حق الشركة المصنعه اللي هيا في دي الحالة BOSCH، وانا اتكلم عن معظم قطع السيارة مو كلها.
بالرقم دا تقدر تروح تشتري نفس القطعه بس مايكون عليها ختم مرسيدس.
وغير كدا في محلات تجيب نفس قطع مرسيدس بس من المانيا مو عن طريق الجفالي
يعني تلاقيها بكرتونة مرسيدس وعليها ختم غريب زي الاكس كدا ، يمكن علامة الوكيل عندهم وسعرها طبعا ارخص بكتييير.

وانتبه تشتري أقمشة فرامل غير حقت مرسيدس لأنك حتسمع اصوات ناس بتزعق جوة الكفر.

طبعا لا تستغربوا الاسعار شوية رخيصة بالنسبة لمرسيدس بس سيارتي قديمة موديل 96.

يلزمنا شوية وعي ونقدر ندمر اللي مايخافوا الله اصحاب الوكالات.

آسف عالاطالة واتمنى من اخواني التصحيح ليا اذا في اي غلط.

وصلى الله على سيدنا محمد وعلى اله وصحبه اجمعين

الله يعطيك العافية ،، ماشاء الله عليك

من لهجتك من الكتابة ،، سوري

**evolution** · 20-03-2009, 07:51 AM

اقتباس:

المشاركة الأصلية كتبت بواسطة رحال الشرقية

الله يعطيك العافية ،، ماشاء الله عليك

من لهجتك من الكتابة ،، سوري

هههههههههه
الله يحيي اخواننا في سوريا

أخوك سعودي من الحجاز
وتحديدا من المدينة المنورة :d

**nabiel** · 05-02-2009, 08:39 PM

للعلم الكلام يشمل قطع غيار المعدات والاليات والمكائن وغيرها

**مقاطع عنيد** · 05-02-2009, 09:16 PM

تسلم على الموضوع

لما اشتري اسعر في الشركه(فورد) والموزع (نفس الشركه الفرق يعطيك خصم اكثر) وعنده قطع نفسها صناعتا من امريكا وكندا والمكسيك يعني ادخل المحل اقله اعطيني قطعه حقت الشركه(اللي يبيعها الوكيل) السعر ماعجبني حتى بعد الخصم اقله غالي يقلي خذ هاذي واشوف الفرق شاااااسع سألته يقلي انا اعطيك شيء نظيف وأصلي وكلها زي بعض اختلاف الكرتون وهاذي من الوكيل وهاذي من شركه وجربت وطلعت الحمدالله كويسه واقوا من حقت الوكيل (جودتها )
وتقبل مروري

**nabiel** · 06-02-2009, 12:34 AM

شكرا لمرورك الكريم وتفضلك بالمشاركة المفيدة وان استغرب اخي الفاضل سلبية من لا يشاركون واعتبرها ظاهرة نفسية يلزم تحليلها وعلاجها وتنم عن السلبية المقيتة والتي اوصلتنا الي ما نحاول تصحيحه وتغييره اتمني من السلبيون المشاركة ولو بكلمةة بس علي الاقل نحس معنا احد نخاطب بشر

**squall** · 06-02-2009, 01:44 AM

موضوع جدا رائع ومفيد

**alzuhary** · 06-02-2009, 07:32 AM

مشكور اخي على التوضيح

رفع الله قدرك

**nory** · 09-02-2009, 10:52 AM

اخي في

nabiel

والله ان كل ماقلته صحيح فقد تعطل في سيارتي الباكم حق البريك ودخلت في دوامه مع الوكلاء وكل واحد يعطيني سعر وكلها فوق 1300 وبعد ان تعبت في الحصول على القطعه بسعر اقل جائتني فكره بان اتصل على احد اقربائي في الرياض والله سيفاجئ الجميع فوجدتها باقل من النصف في احد قطع الغيار وفي الصناعيه فذهبت الى الرياض فقط لاتاكد وهناك والله تفاجئت بانها نفس القطعه واخبرني ورايت بعيني فاتوره شراء لنفس القطعه من احد الوكلاء اشترى من نفس المحل طبعا بالجمله اقل من الفاتوره ب 100 ريال وهو يقوم ببيعها بمبالغ خياليهة استغفالا للمواطنين وهذا غيض من فيض اخوتي جاء اليوم الذي نقتص من هؤلاء وموقفهم عند حدهم نصيحه للجميع لا تستعجل في الشراء وابحث عن البدائل

**nabiel** · 13-02-2009, 10:51 AM

توجد مواقع علي النت لبيع قطع الغيار سعر القطعة الاصلي بها مع الشحن تقريبا ربع الي نصف سعر الوكيل

**nabiel** · 17-02-2009, 09:11 PM

شكرا لكل من تكرم بالرد والمشاركة