السلام عليكم ورحمة الله وبركاته

تبي الحل وانا اخوك

صور كل الاوراق وقدم شكوي في الامارة الحقوق الخاصة في الدور الارضي ترى فيه قسم هناك خاص بمكاتب الاستقدام ومشاكلهم وعلى فكرة ترى لهم مبلغ مالي محجوز من قبل الامارة على حسب نشاط المكتب لمثل هذه المشاكل وبعد صدور الحكم ضدهم يتم صرف المبالغ منه

تحياتي

كيفك اخوي انا من ضحايا المكتب وابشرك فيه غيري كثير والمكتب الحين مقفل

من مدة وصاحب الكتب يقولون مسافر بالخارج بس كلنا اجتمعنا وراح نقدم شكوى جماعية ليت اخوي تنظم لنا

السلام عليكم

أنا من المتضررين عطيته مبلغ التأشيرة وأجور الاستقدام علشان يقاله هو اللي بيطلع التأشيره وأكثر من خمس شهور ولا طلع تأشيره ولا شئ

حسبي الله عليه الله لايوفقه

وعلى ماسمعت انه من ضمن المتضررين محامي وهو اللي ماسك القضية

وازيدك من الشعر بيت الرجال لاهف دراهم أكثر من 50 واحد

على العموم أنا قدمت شكواي على الامارة وعلى شرطة الروضه

والله يرد حقوق المسلمين

هذا موضوع عنه أيضًا ....
حسبي الله ونعم الوكيل بهالمكتب ..
اخذوا الفلوووس ونصبوا علينا (مكتب الصهيبي لللاستقدام)

حط لك محامي وخذ حقك وزياده عن الاضرار النفسية والتأخير وماتشوف شر .

اضف لذلك مكتب عبدالله المشرف في الرياض الدائري الشرقي بين مخرج 12 و 11

نصب عليه لمدة سنة ، ويقول الخادمة جاهزة ، رحلتها يوم كذا ، ولما طالت السالفة رحت للمكتب ، قالوا لي
الخادمة هربت من المعسكر من اول يوم .

قلت لهم طيب ليش تكذبون عليه وتقولون رحلتها اليوم الفلاني ، سكتوا !!

المهم قلت وين المدير قالوا في الطريق ، وتأخر سعادته ، لكن بقيت في المكتب إلى ان حضر .

بعدها دخلني المكتب وكأن شيئ لم يحصل ، وقال اعطوه فلوسه .

المسؤول عن كل شي مصري ، وفيه اثنين شباب سعوديين استقبال منطلين اشمختهم تقولون في عزبه ، والمكتب يعلوه الغبار ، والملفات محيوسة .

هذا تحذير من واقع تجربة

نيشان للاسف بعد احنا من الضحايا ,,,
متووورط ... لا الكلب مو مسافر بالخارج .. مسكوه الشرطة والحين اطلقوا سراحه الشرطة .. ما دام الضابط خويه في الشرطة طلعه منها وقلنا اللي عنده شئ يروووح للمحكمة ...واحنا معاكم ...
الصقر الله لا يبارك فيهم ... نهبوووا العالم والله لا ليلي ليل ولا نهاري نهار...وين حقوق المواطنين
وياليت اعرف من اللي قال هذا المثل الخايب\
الشرطة في خدمة الشعب .. الا خدمة انفسهم والنصابين ,,,,

أشكر جميع المعلقين على المشاركة وتضامنهم الغيرمستغرب بارك الله فيكم
وأعتذر على التأخير بالمرور على الموضوع بسبب إنشغالي
بالنسبة للأخوة الذين أبدو نصائحهم فما نستغني عنكم بارك الله فيكم مع أمنياتي أن لاتقعون بمثل ماحدث لنا
أما الأخوة الذين وقعوا ضحية لهذا المكتب نسأل الله العلي القدير أن يعوض علينا
ويبدوا أن بعض الأخوة خسارتهم 8500 ريال بسبب إعطاء المكتب رسوم التأشيرة
أما من أستخرج التأشيرة بنفسه فبإمكانه إلغائها من مكتب الأستقدام واسترجاع الرسوم
على العموم أعطيكم آخر الأخبار عن هذا الموضوع
مثل ماقلوا الأخوان الموضوع طلع أو بمعنى أصح تنصلت شرطة الروضة من القضية وعند مراجعتي لهم قالوا رح أشتك للمحكمة الجزئية أمام مؤسسة النقد بقرب شارع الوزير على شارع الخزان وهذا ماحدث بالنسبة لي حيث تقدمت بشكوى على المكتب في المحكمة وتم إعطائي موعد لنظر قضيتي لدى أحد المشائخ وتم إعطائي ورقة مراجعة لأسلمها للشرطة لتسلمها بدورها لكفيله في القسم ويبدوا أن صاحبنا لديه معارف في الشرطة وإلمام تام بالنظام السيء اصلاً وجالس يحاول النفاذ مع كل نقطة ضعف يجدها وعلى حسب علمي أن عدد ضحايا يقارب 200 ضحية لا نقول إلا (حسبنا الله ونعم الوكيل)
أمنياتي أن تنتهي معاناتنا بإذن الله وأن يتم الألتفات من قبل المسئولين لتحسين النظام الخاص بمثل هذه القضايا وإيقاف المتلاعبين بأموال الناس وسأحيطكم علماً بآخر المستجدات عنها قريباً .
أتمنى من بقية الأخوة أن يخبرونا بما يستجد لديهم وإذا هناك أي تجمع لمناقشة هذه القضيةإبلاغي عن طريق الرسائل الخاصة حتى أنظم لهم
للجميع خالص ودي واحترامي

احنا اشتكينا للامارة والامارة بدورها حولتها على الشرطة ... يعني الله يخلف ...
ورحنا المحكمة وعطووونا موعد بعد شهر .. ولحد الان ما ندري ويش نسوووي ...
وما نقووول الا حسبي الله ونعم الوكيل...

وااحنا على فكرة دافعين 9000 لاف ريال ... جعلها نار في بطنه ...