المشاركة الأصلية كتبت بواسطة ام العيال

والله ماودي ادعي عليك الله يبلاك ؟؟

لالالالالالالالالالالالا تكفين لاتدعين علي ترا والله الحال واحد

يعني تحسبين ان الناس مرتاحه انا للحين افحط بديوني مع البنوك من عشرين سنة اطلع من نقرة واطيح بدحديرة كلة للعيال وام العيال

الله يعيني وخلص لهم البيت وعقبها اتقرقش كفني ورح لبيتي

اسمحولي

المشاركة الأصلية كتبت بواسطة مقاطعتهم&حارقتهم

ربي يفرجها على خير يا ام العيال
هذا طبع عنده
لكن انت قبل يوم 24 اسحبي اللي بحساب كله
خليه يشبع بالسالب حتى يعدل البرنامج

ايه انا اسوي كذا ، بس هالمره الي سووه لاختي انهم سحبوا القرض مرتين تخيلي ،بس ابشرك رجع اليوم الصباح (24 ساعة يمديهم ضاعفوها)

يقلون ان البنوك تشتري المديونية مثل بنك الامارات وغيرها
بس ما ادري عن حكمها في الشرع وكيف طريقتها
لا ماودي ادخل نفسي بشبهات هانت ان شاء الله


وقع عليك الاختيار لقرض جديد وماتسددين
هذي لكل العملاء المقبوض عليهم بالاقساط
او بس اختيار لبعضهم
بس ميزة حلوة للي يبي يشتري ارض او بيت
بس لا يحطها في اسهم
وكم النسبة برضوا 4.5% او اقل

مدري عن النسبة ماعطيتها فرصة ودي افتك منهم بسؤرعة بس يقولون انهم خفضوا النسبة 3،95

هوني عليك يااختي
المشاكل التقنيه تحدث في جميع البنوك وليس الراجحي وحده
روحي للفرع اللي فيه حسابك وقدمي اعتراض
وان كان لك حق بيرجع لك ان شاء الله

اخوي المنعفط ماقلنا شي المشاكل في كل مكان
وحقنا بناخذه بس بعد ايش؟
يعني يوقفون رصيدي بدون اي سبب يومين وبعدين يرجع ولا كانهم سوو شي؟؟افرض كنت بحاسب في مستشفى او بشتري علاج؟؟ او حتى في مطعم مع عيالي بدون ابونا ؟؟؟؟؟؟؟؟

الله يعينك اختي الكريمه

دائما اسمع عن اعطال فنيه ببنك الراجحي

والحمدالله وبإذن الله ماراح اخذ قرض من اي بنك لو عندي راتب

بخصوص الشكوى اقترح تعرضي مشكلتك على مدير الفرع

والله الراجحي بالذات تعاملات بقاله مو بنك

ولاعندهم اقل درجات احترام العميل......... والمحظوظ اللي يحول راتبه لبنك ثاني

ام العيال .. ما شاء الله عليتس ما عندتس وقت .. على طول من مؤسسة النقد للملك .. وبعدين وش فيه ابو العيال يوم ما تاخذينه معتس انتي والعيال للمطعم .. أكيد يغثتس (تغطي عن القرسون , لا تبسمين له , ليش يجي من عندتس , شعرتس طالع , والا عشان ما يبصبص , والا سافهتس وشغال بلوتوث) ....

هدهد سليمان والله انك صادق وانت ياجباية المستهلك تماما بقاله بس مهوب اي بقاله

كاااااااااش كالعادة خارج عن الموضوع ..وبعدين للتوضيح انا اقول لو اني رايحة بدونه على اني مااسويها كثير

وبعدين من مؤسسة النقد للملك لاني فعلا احس مايقدر على الراجحي الا الملك

ومن عادات الراجحي السيئه حجز سيولة المحفظه الاستثمارية بالويكند وعدم امكانيةالوصول الى اللنك الخاص بالمحفظه او عدم امكانية التحويل والعذر القديم أن ماخانتني الذاكره هو صيانة للسيرفر وكانت مشكله دوريه بكل ويكند.
وحسب معرفتي بمتنفذين بنفس الشركه وصلني خبر تشغيلهم لسيولة العملاء بالاسواق الخارجيه.
هذا عند الحديث عن ايقاف الحساب
وعند الحديث عن مشاكل التداول يصعب وصف المعاناة وخصوصا عند حدوث الارتفاعات القوية او الهبوط القوي حينها تجد أنك بلاحول ولاقوه لاتستطيع الشراء ولا البيع والمعاناة تطول.

الحمد لله يافيتو يعني مهوب انا لحالي الي اقول انهم يسوون شي بالويكند؟؟

الله لا يحللهم