المشاركة الأصلية كتبت بواسطة prime

أصلاً لو ما يزيح ، تسحب الرخصة فوراً ويحرم من القيادة لفترة من الوقت .
ورجال الاسعاف هم من يأخذ رقم السيارة المخالفة .

هو موضوع انساني قبل سحب الرخصة وأخذ رقم السيارة ,

المسألة ثقافة شعب ..
شكري اخوي خالد1 مع مروري .

المشاركة الأصلية كتبت بواسطة خالد 1

والسبب .. عندنا فضول عجيب .

والمفروض نكون افضل منهم في مساعدة اخواننا المصابين .

تصدق يا خالد ما ودى أمة محمد في داهية الا هالنرجسية الغبية المتكررة في حياتنا .

المفروض حنا ، والمفروض نكون ، وحنا مسلمين ، وحنا ما ني عارف ايش ، وحنا وخر عن دربنا ، وحنا الحرس حنا ، ومدري وشو ......................... الخ

هذا اللي ضيّع الأمة . لو نفتك من هالأسلوب ، يمكن ، يمكن ، نتغير .

قال عز من قائل سبحانه وتعالى : (كنتم خير أمة أخرجت للناس )

ما قال : (أنتم خير أمة أخرجت للناس )

لكن حنا جالسين نقول : حنا ، ونحن ، والمفروض نكون ، وهم لا يكونون .... وهلم جره .

المشاركة الأصلية كتبت بواسطة ابوطلال

المسألة ثقافة شعب ..

القوانين تصبح جزء من الثقافة ، أكثر الناس فوضوية في العالم هم شباب الغرب ، لكن ، بتكرار وإلزامية اتباع القوانين وتطبيق العقوبات على اللي يسوى واللي ما يسوى ، تصبح .... ثقافة .

زي ربط الحزام عندنا بعد 20 سنة تصبح ثقافة . والأفضلية في الدوار للقادم من اليسار (اذا تم تطبيق عقوباتها) بعد 50 سنة ... تصبح ثقافة ... وهكذا ، عشان كذا نقول الغرب سبقونا . ليتهم سبقونا فقط بالفضاء .. واليوم بيطلقون آخر رحلة لديسكوفري ، وبعدها بيحولونه للسكراب .

لأ . نتكلم فقط بالشوارع . بالشوااااااارع . بس برضه نقول حنا ، والمفروض نكون ... طيب ورى ما كنت ؟ او أصبحت .

أو أمسيت ؟ أو شفت لك حل ؟

قد شفت العميد المقبل من مسك المرور يقول احترموا سيارة الاسعاف ؟

جالس مدوخنا بنظام ساهر له شهور على هالفضائيات . وتقل ما فيه في هالدنيا في أنظمة المرور إلا (ساهر) .

مره شفت الحادث يوم يجي الملك والله ان مركز الاسعاف يمكن بعده 10 متر
وساعه على بال ماتحركوا
الناس اللي طلعوآ الرجال وفصلووآ البطاريه
وبعد التجمهر والتصوير جو الاسعاف
انا ودي ندرس ظاهرة التجمهر والتصوير احسها شماته يالربع
عيب والله وقلة ادب الرجال يمكن يكون ميّت كلن يبي السبق الصحفي له
حسبي الله وكفى

والله شي !!الشغلة قبل ماتكون نظام هي حضارة وثقافة وتربية منذ الصغر
عصر امس فوق كبري الخليج جيب مرور مزعج الناس بونانه والطريق مصتك وطبعا يبغى الناس يفتحوا له الطريق الظاهر عشان حادث تخيلوا يدخل بين السيارات كنه داب وخلفه ولاصقه فيه 3 سيارات وين مايروح خلفه !! طبعا يلعب فيهم وشفته هو يبتسم لانه مكيف ومبسوط انه يلعب بمراهقين مثله مع انه المفروض يوقفهم واول واحد خلفه يعطيه مخالفه صارمه لكن لاحياة لمن تنادي..