انتبهوا من كل شي يقولون عنه امريكي اليوم !
كل الثلاجات تتجمع خارج امريكا ...
في السعوديه يستورودن لنا مليون بنقالي براتب رخيص مايعرف راسه من رجوله واسمه محمد ولا عمره صلى ويشغلونهم في هالمصانع وشيل يالمستهلك السعودي مخلفات وطقطقة البنقاليه على روسنا ..
لاعمرك تشتري اي شي امريكي لين تسألهم : متجمع في امريكا ؟ بيقولون لك مجمعينه في جده في ورشة بنقاليه , قول لهم : اجل اشبعوا فيها !
مابقي امريكي إلا الغسالات والنشافات الحراريه , والباقي طقطقة بنقاليه في الصناعيه ...
والغسالات الأمريكيه والنشافات الأصليه ممتازه بالذات جنرال الكتريك وميتاج ...
الله يستر لايجمعونها البنقاليه في الصناعيه السنه الجايه بسبب جشع التجار ..
كلفينيتور اسوأ الثلاجات من عشر سنين وهي تتجمع في السعوديه ومشاكلها هي نفسها ... وورش تصليح المكيفات يشتكون من نوعين من الثلاجات , الصينيه والسعوديه وسابقاً كانوا يشتكون من الإيطاليه بس اختفت من السوق وماعاد احد يشتريها ...
"تسريب" فريون , عمرك شفت ثلاجه تسرب فريون ؟! حشا مكيف هذا , ثلاجة كالفينيتور تسرب فريون !
من السمعة ال جي ثلاجات ممتازه , وسامسونغ افضل منها , والأمريكيه الأمريكيه إن كان بقى منها في السوق فهي الأفضل , وهيتاشي اسد وجباره في بيت ابو زوجتي ثلاجه هيتاشي لها ثلاثين سنه ومعها ثلاجه سانيو خضرا قديمه يمكن بعمرها او اقدم ! ...
انا عندي توشيبا لها سبع سنين الحين نقلتها من البيت القديم , حرام ارميها وهي شغاله زي الحلاوه ما اشتكيت منها ..
نصيحه ... كل انواع المكيفات في العالم جيده , ماعدا التجميع السعودي والصيني !
افضلهم سعراً وجوده الكوريه والتايلندي , ممتازين ولاشفت واحد بالنت او برا النت يشتكي منها , إلا من شغله وحده الي يتفلسفون بثلاجاتهم ويجيب لك جراشة ثلج وبرادة مويه ومش عارف ايش , هذول شوي يشتكون ...
او الي رفوفها بلاستك هذول برضوا يشتكون من تكسر اطرافها البيضه اذا حطيت بطيخه مثلاً على لارف بقوة تسمع طقطقه البلاستك بدأ ينكسر , على ان كلام العالم البياعه يقولون لك الرف يتحمل 110 كليو ! ابوك يالنصب ... وهذا عيب ال جي والسامسونغ الوحيد , غير كذا ثلاجاتهم ممتازه ...
اما الثلاجات الساده , التايلندي والكوري ممتاز , وعلى فكره التوجه الأمريكي الحين ان يتم تصنيع الثلاجات في خارج امريكا حتى جنرال الكتريك بكبرها تصنع ثلاجاتها في المكسيك ..
انا اشتريت توشيبا وممتازه معي , ولو رجع بي الزمن بشتري هيتاشي , شفتها بالمعرض , رفوفها حديد قويه , تشيل آدمي , حتى حديدها سميك , انصحك فيها لك وللعمر وسعرها مره مناسب ...
|
12-06-2010, 10:16 PM
العرض العادي
