ااااااه يالقهر في وطني اشتغل للاجني واسكن الاجنبي بمسكني وارضي وبقوة القانون وراتب يفوق راتبي انا الجامعي وهو دبلوم ولما اسالهم له قالوا غريب عن بلاده ولازم ندعمه ونرجع نقول لهم طيب واحنا ما لنا رب في الدعم منكم يقولوا عندكم حكومة تدعمكم في المدراس والمستشفيات والمنح وغيرها .
عقدة الاجنبي اكل رزقي الا استحقها ولهذا طاعت ارضي وبيتي واشترها الاجنبي.

يامدور الهين ترى الكايد احلا000
اول ما ابتدي انا ولله الحمد والفضل والمنة مواطن من هذا البلد المعطاء بلد الخير ولست ضد ابناء ديرتي لكن والله العظيم اني معهم قلبا وقالبا0
المشكلة ياأخوان مش اجنبي شرى بيت شعبي ولا قصر 0اشتراة بشطارتة وهذا حق يكفلة الشرع (ولايكفلة النظام )(بس ترى النظام عندنا مطاطي)
الأجانب عندنا أربعة انواع000
ألأول = الطبقة الماسية (High class) عيون خضر وشعر اشقر لقمة الواحد بعير كامل (اخاف اعلق اكثر من كذا) النسبة 100%
الثاني=الطبقة الذهبية وهي نوعين :أ-المقيمين العرب النسبة تقريبا 60%
ب- المقيمين الأجانب 30 %
الثالث= الطبقة الفضية وهي نوعين:أالمقيمين العرب 30 %
ب- المقيمين الأجانب 30 %
الرابع= الطبقة الخشبية وهي نوعين أ- المقيمين العرب 10 %
ب- المقيمين الأجانب 40 %
ارجع واقول الطبقة الماسية حسبتها لوحدها يعني= تقريبا= متساووين في الدخل ويشملهم جزء بسيط من العرب
اما الطبقة الذهبية هم من اصحاب الشركات والمصانع وبعض شركات المقاولات تصنيف درجة اولى 0واصحاب المناصب فيها من المدراء والرؤساء التفيذذين والبركة في النعاج اللي مايثق الا في الزلم 0
الطبقة الفضية وهم اصحاب المصانع الصغيرة والمخارط ومن المقاولين المعماريين واصحاب ورش الميكانيكا
والحدادة والالمنيوم 0وكل شهر والكفيل الهطف يدربي كرشتة ياخذ المقسوم (ما يعبي عربية من مقاضي بندة)
الطبقة الخشبية والاخيرة اقدر اقول انها نوعين الاول العمالة السايبة ابو مئتان كل شهر وهم بعد نوعين الحرامية ويعملون في السرقات مثل السكراب والتشاليح وصنع الخمور والدعارة00 ألخ
النوع الثاني المساكين وهم فقط اللي تجوز لهم الصدقة مثل عمال النظافة والحمالين وغيرهم000
هذا تصنيفي للاجانب حسب خبرتي البسيطة والله اعلم0
اما السعودييون وما ادراك ما السعوديون0000
سامحوني وبدون زعل
حسب الاحصائيات الرسمية للدولة فان عدد سكان المملكة 60 % من الشباب تحت 25 سنة
يعني لو نقول عدد السكان 20 مليون ماني متأكد لان الرقم هذا من عندي قبل التعداد
10 مليون رجل +10 مليون امرأة0
بحسب الرجال فقط 4مليون شايب بين موظف ومتقاعد 6 مليون شاب منهم 40 % عاطلين كم يطلع الحساب
6000000 تقسيم 100*40= 2400000 مليونان واربعمائة الف
هلحين بتكلم عن العاطلين فقط من حملة الشهادات والدبلومات واللي اقل درجة 0بعد ماشفت بعينك وسمعت باذنك محد قلك وش تنتظر ان السماء تمطر ذهبا0 الاجانب هللي اشتروا بيوت ترى ماورثوا الاف وملايين هذي الفلوس حصلوا عليها من جدهم وصبرهم وعملهم اللي حنا محتقرينة وبمباركة من ابناء هذا البلد والمثل يقول ماحك جلدك مثل ظفرك وقالوا جداني الاولين رحمهم الله من لا عفر شاربة ما دسمة يعني اللي مايغبر على يدية من العمل لايستطيع ان ياكل دسما 0اقول نصيحة لوجه الله تعالى خلوا عنكم شغل المكاتب والمكيفات وشغل يدينك وابدا مشروعك ترى الامور سهلة اذا استسهلتها والعكس صحيح 0 واحد يقول الرجال هذا فاضي مايعرف كوعة من بوعة واكيد انة ولد نعمة مايحس في اللي حنا فية0اقول الشغل ترى ماهو عيب حتى لوتسوق قلابي ولا تشتغل في ورشة ولا في المقاولات ترى خبرة ستة شهور تطلع احسن مقاول والعب بالملايين0
اسف على الاطالة فان اصبت فمن الله وان اخطأت من نفسي ومن الشيطان

سلمت يا اخي وسلم لي على اهل قطر يالحبيب