المشاركة الأصلية كتبت بواسطة جمرة غضا

كرتوت مبارك ليس تاجر شجع ولم يرفع اسعاره كغيره
بل كان ملجأ للكثير من نار الغلاء ...

أن كنت ختمت جملتك يا كرتوت بعلامة تعجب واحده
فأنا !!!!!!!!!!!!!!!!!!!!!!!
نعم أحسنت عنيزة بحجم قبضة اليد ونعم نحن أهل عنيزة قبضة اليد واحدة لم ولن نتفكك
نعم مبارك القحطاني ليس من أهل عنيزة .. لكن أهل عنيزة أحبو أخ اسمه مبارك ....
لن ننسى تبرعه للجمعيات الخيرية .. ولن ننسى دعمه للأيتام
نعم سنتبرع
وبالأصح سنرد جميل مبارك على عنيزة وأهلها
كرتوت موضوعك يدل على أنك جاهل بعنيزة وأهلها وبمبارك
مبارك ليس بتاجر الجشع ... بل بهذا الزمن مبارك أختار أن يربح القليل ويغتني بدعاء الكثير
و أمّأ جهلك بعنيزة وأهلها وتصغيرك لها فهذا شيء يخصك
لكن والله إنها لعظيمة الشأن عندنا ولا نبيعها بزهيد
كيف نبيعها ونرخص ثمنها وهي أرض الأجداد واخرجت لنا الشيخ بن سعدي والشيخ البسام والشيخ بن عثيمين
الآن وقت الوفاء يا اهل الوفا .. يا أهل عنيزة ردوا الجميل لمبارك

اذا كان ما تقولين صحيح فأنا اعتذر ولكن معلوماتي غير ذلك

قال البطل الشاعر : علي بن رشيد الخيّاط ( راعي البندق )يفتخر بأهل عنيزة ورجالها . سنة 1270هـ

يادارنا لا ترهي يومك سعيد=حنا حماة الدار.. وشبّ اشعالها
هذي عنيزة ما نبيعه با لزهيد=لافرّعنّ البيض نحمى جالها
دونك ودون الغيد مخضر الجريد=نروي من الضد الحريب سلالها
يا ما ذبحنا دون غضّاتٍ تميد=جنايز ترمى ولا احد شالها
لو جبت عناز وشمّر والرشيد=ونجدٍ جميعه دقّها وجلالها
جبته وخلّيته كما حلقة حديد=شرق وجنوب وغربها وشمالها
الدار دونه لا بةٍ تحمى الطريد=صعب على كل العدا منا لها
كم سابق يوم اللقا جريه يزيد=عاد اتنا ضربه وضرب امثالها
تا طا حديد وفوق راكبها حديد=توطّته مركوبته بنعالها
عيّنت وين الجرو تكفى لا تحيد=قل لي تعشّته الضّرا وعيالها
ياشيخ ياللي ما طلع مثلك وليد=لا رفّعنّ الخيل شهب اذيالها
الشيخ مثلك ما يحايد من بعيد=يارد على دارٍ بكو نزالها
لي بندق ترمي اللّحم لوهو بعيد=ما وقّفت با لسوق مع دلاّلها
خماسي رصاصهْ ستّة اشبارٍ تزيد=ملح الجريف محيّلٍ يعبا لها
ربعي هل الطولات والباس الشديد=خطرٍ عزايمها تهدّ جبالها
اولا د علي هم عما عين الضديد=عقّا لها يوم الوغى جهّالها
وان كان تبغى الحكم فالراي السديد=ادحم على الديرة وحضّب جالها
قطع النخل مهوب عيب والوقيد=العيب با للي ما يتمّ اقوالها
الله يجازي كل جبّار عنيد=منّا ومنكم يوم عرض اعمالها

الي يسمعكم تتكلمون عن عنيزة كذا يقول وش ذي الامبراطوريه؟؟
والله ما فيها الا الفقر ديرتي واعرفها؟؟

أنت في قلوبنا

لأنك تنتمي لهذه الامبراطورية العظمى

يازين عنيزة ومن سكن فيها

المشاركة الأصلية كتبت بواسطة cocarasha

الي يسمعكم تتكلمون عن عنيزة كذا يقول وش ذي الامبراطوريه؟؟
والله ما فيها الا الفقر ديرتي واعرفها؟؟

خلها لنا

المشاركة الأصلية كتبت بواسطة cartoot

اذا كان ما تقولين صحيح فأنا اعتذر ولكن معلوماتي غير ذلك

هلا بك كارتوت ...
نعم ما اقوله عن مبارك القحطاني صحيح
ويذكر في عنيزة أن بن عثيمين زاره في مركزه بعد حادثته الأولى وطالبه بإعاده فتح السوق لما فيه من توسيع على المسلمين ..وايضًا يقال أن التجار ذهبوا لابن عثيمين يشكون مبارك فردهم بقول أن مبارك يخرج الزكاة مضاعفة
الله يبارك لكل تاجر سمح ويخسف بكل تاجر شجع لص

يا الأخوان ترى عنيزة مهب الموضوع
خلوها بعيد هي وبقية المدن بالسعودية
وكل السعودية بعيونا
==========================================

لو حصل حادث لأحد التجار المعروفين بالجشع وفتح له التبرع هل تتبرعون ؟
أو هل تساعدونه بالشراء من منتجاته ومحلات ؟
عني أي تاجر جشع لو يخسر أو يحصل له حادث والله لن أعينه بقرش واحد
وادعي على كل تاجر بأن يذوق ما اذاقه للفقراء والأيتام والأرامل

لا تفتحوا مجال للتبرعات
أي صاحب محل تجاري كبير ( عندما يحترق مركزه ) نعمل إعلان لجمع التبرعات

هناك أسر أحترقت بيوتهم بالكامل لم يدعمهم أحد من الشعب إلا عدد قليل فقط .

من صاحب فكرة جمع التبرعات ؟

المشاركة الأصلية كتبت بواسطة هامور صغير

هناك أسر أحترقت بيوتهم بالكامل لم يدعمهم أحد من الشعب إلا عدد قليل فقط .

من صاحب فكرة جمع التبرعات ؟

...........

المشاركة الأصلية كتبت بواسطة هامور صغير

لا تفتحوا مجال للتبرعات

أي صاحب محل تجاري كبير ( عندما يحترق مركزه ) نعمل إعلان لجمع التبرعات

هناك أسر أحترقت بيوتهم بالكامل لم يدعمهم أحد من الشعب إلا عدد قليل فقط .

من صاحب فكرة جمع التبرعات ؟

أهل عنيزة هم أصحاب الفكرة
ولم يطلبوا من الشعب التبرع
الفكرة ابتدأت في عنيزة وتنفذ هناك
ولا نطلب من بقية المدن والمحافظات التبرع

وع فكرة مبارك لم يطلب التبرع له
ولن يقبله
لكن هذا وفا من اهل عنيزة