لن انسى مقولته المشهورة على شاشة التلفاز - الصفحة 2

**Bin Nasser** · 17-06-2009, 04:02 AM

اقتباس:

المشاركة الأصلية كتبت بواسطة azeez55

اخواني

فك الشفرات للقنوات الفضائية كثيرة لكن ابحثوا عن المضمون ... منها مايعتمد على النت نوع الdsl حتى تضمن الجودة لابد وجود الدنقوا(( وهذا نظام جديد))حتى لاينقطع الارسال

ويوجد نوع لايعتمد على النت وهو عن طريق القمر التركي اي يعتمد على طبقين طبق على القمر التركي وطبق على عربسات ونايل سات ويجمعهم على مقسم واحد هذا يحتاج الى فني شاطر
وهذا يكلف حوالي الف ريال

يالغالي
تقدر تحط شرح موسع اكثر ياليت لو يكون مدعم بالصورة بخصوص قطعة الدنقوا؟

لاني سمعت عنها منول ولا عرفت لها

وبعد لو تشرح لي وش نظام القمر التركي ووش اللي يفتح معه؟

لك خالص الولد يالغالي

abuhisham · 17-06-2009, 08:08 AM

صدق من قال ... يا من شرا له من حلاله علة.

الحمد لله .. ما احب الكورة ولا أدانيها و أكثر ما يهمني في الموضوع كله هو مواعيد المباريات المهمة .. عشان أنزل أتسوق و انا مروق .. لا زحمة شوارع و لا زحمة أسواق.

**مقاطع اول** · 17-06-2009, 08:21 AM

اقتباس:

المشاركة الأصلية كتبت بواسطة abuhisham

صدق من قال ... يا من شرا له من حلاله علة.

اقتباس:

المشاركة الأصلية كتبت بواسطة abuhisham

الحمد لله .. ما احب الكورة ولا أدانيها و أكثر ما يهمني في الموضوع كله هو مواعيد المباريات المهمة .. عشان أنزل أتسوق و انا مروق .. لا زحمة شوارع و لا زحمة أسواق.

الا وأنت الصادق أهل العقول في راحه ولا اقصد بذلك الذم في احد فلا احد يزعل فكلاً حر في نفسه ولا احد يلومه على ما يحب او يكره 0
اي والله انك صادق انا مثلك دائماً انبسط اذا فيه مباريات للمنتخب والا مباريات مهمه تفضى لك الشوارع والاسواق والمستشفيات كأنك لحالك عايش في الارض 00 اما اللي يبغى المباراة فأقترح عليه يروح لبعض المقاهي اللي مشتركه في القنوات هذي ويشوفها وبلا اشتراك وتضييع دراهم على حاجه ما تستاهل وحرام 0

**سندوتش شكشوكه** · 17-06-2009, 09:02 AM

خذ جهاز دريمر (( جبار وخطير )) وفيه نوعين او بالأصح موديلين
DR900
DR1100
بدون نت ولا DSL
ركب وتفرج على صالح كامل وقنواته
وما جاك عندي

**hamehash** · 17-06-2009, 06:56 PM

اقتباس:

المشاركة الأصلية كتبت بواسطة لا تدف

اشهرها دريم بوكس قيمته حوالي 800 ريال وهو اللي ضرب قنوات صالح كامل

معاك حق اخوي انا شريته من محل بالرياض ب 700 ريال وجميع القنوات المشفره يفتحها ولا احلى وصافيه جدا

وخل صالح كامل يحك راسه بالاسفلت ههههههههههههههههههههههه

كيموس القديم · 17-06-2009, 08:02 PM

هذا المنتدى فيه كل ماتحتاجه عن التشفير وفك الشفرات والاشتراك معاهم....

مجربه سنه الى الان وماشاء الله عليهم قمة في التعامل والالتزام والصدق...

http://www.pinsat.com/vb/

الدريم بوكس باشتراك 6 شهور فقط بـ 550 ريال...

واكبر ميزه مايفتح القنوات اللي على القمر الاوروبي..