بيض الله وجهك على هالنصيحه


وايضاً هناك سوق المربع للأسماك اسعاره ممتازه .

مشكور وماقصرت

بارك الله فيك وكلنا ارباب اسر
ومحتاجين لهالااسعار

بارك الله فيك

وفيكم جميعاً.
شكراً

بيض الله وجهك على هالنصيحه

ووجهك أخي الكريم.

مشكور وماقصرت

حياك الله.
شكراً

السلام عليكم
انا مسجل في المنتدى من مده طويله واتابع الاخبار ومااعلق بس اللي خلاني بشده اليوم اشارك موضوع الاخ
اولا سوق اللحوم اللي في الحلة انا مستغرب من البلديه كيف موافقه عليه بالشكل الحالي
قبل ماتدخل لازم تدق اللطمة + تلبس 4 كمامات ثنيتن تحت الشماغ وثنتين فوقه وتحط يدل بعد على خشمك وعساك تسلم من ريحة الخياس
لحوم فاسده وراوائح منتنه تشمها من الشارع اخر مره دخلته قبل سنة وكنت باستفرغ من شدة الرائحة ؟
حدثني صديقي عنه قبل سنتين وقال ان سعر التيس ب 350 ريال قلت له مستحيل لو انه حتى مسروق ماراح يباع ب 350 ريال ورحت السوق وشفت التيوس طبعا انا والحمد لله عندي خبره لاباس بها في اللحوم وانواعها واسنانها
شفت التيس معلق والراس بشعره سالته بكم التيس قال 350 استغربت تاكدت من ان الراس متصل بالذبيحة وبعدين قلت له ممكن اشوف سنه قال لي توكل على الله مايصلح لك ؟؟
طبعا السوق يحتاج للنظافة والاهتمام بها لان طريقة التخزين خطا وجاتني الان فكره اني اكتب موضوع كامل عن اللحوم وكيف تشتريها
اذا كان فيه رغبه من الاعضاء في المنتدى انا مستعد اكتب موضوع مفصل
لكن باختصار اذا تبي لحم صح اطلع السوق واشتر لك ذبيحة بس في مشكله ثانية هههههو هي مشكلة كيف تنتقى الذبيحة والاسعار وكيف تفتك او تتحايل على ال (بودي قارد) حق سوق الغنم عفوا البياعين اللي شوي وبيطقك هههههههه
بانتظار رد الاعضاء

مشكور وبارك الله فيك

حياك الله:

اولا سوق اللحوم اللي في الحلة انا مستغرب من البلديه كيف موافقه عليه بالشكل الحالي

هذا ما شاهدته:
بالعكس لم اشم أو اجد ما تقول بل مرتب ترتيب ممتاز وتحت اشراف البلدية وتذبح في مسلخ البلدية وعليها ختم ذبح اليوم وغنم محلي وبلدي.وهناك سيارات للبلدية واقفة عند السوق.
بل لا يسمح بالتدخين داخل السوق وهذا ما شاهدته الذي يدخن يذهب خارجاً عند البوابة ويدخن وهناك مكتب للبلدية داخل السوق.

لحوم فاسده وراوائح

لم ارى لحوم فاسدة اواشم روائح خلال ذهابي للسوق اكثرمن مرة بل ذبح اليوم ومختوم من قبل البلدية في مسلخ البلدية بالختم الأزرق.

حدثني صديقي عنه قبل سنتين وقال ان سعر التيس ب 350 ريال

نعم هناك سعر كيلو اللحم 20 ريال ومهما بلغ حجمه سيباع بالكيلو صغير او كبير لوكان وزنه 10 كيلو سوف تأخذ 200 ريال.

حدثني صديقي عنه قبل سنتين وقال ان سعر التيس ب 350 ريال قلت له مستحيل لو انه حتى مسروق ماراح يباع ب 350 ريال ورحت السوق وشفت التيوس طبعا انا والحمد لله عندي خبره لاباس بها في اللحوم وانواعها واسنانها
شفت التيس معلق والراس بشعره سالته بكم التيس قال 350 استغربت تاكدت من ان الراس متصل بالذبيحة وبعدين قلت له ممكن اشوف سنه قال لي توكل على الله مايصلح لك ؟؟

وما المانع اذا كان سنه ثني او رباع أوسديس أو تام اليس لحماً يؤكل وبلدي ومذبوح محلي وسعره مناسب ومنافس. والشياه والمعز اليست تأكل. بل اكثر لحماً واغض من لحم الخرفان واذا كانت حيل ازين/ بالمناسبه هناك خرفان بأذنابها منسوفة على ظهرها نعيم برأسه وقرونه.

اذا تبي لحم صح اطلع السوق واشتر لك ذبيحة

نعم هرفي 1200 ريال وزنه بعد ازالة الجلد والكرشة والمعلوق والكرعان والذنبه يصبح وزنه 8 كيلو.
8%1200= 150 ريال للكيلو.
اذا كنت انت تستطيع أن تشتري خروف من السوق فالحمدلله غيرك لا يستطيع ولايأكل لحماً الا من العيد للعيد.
وسوق اللحوم مناسب له يقدر يشتري لحم كل يوم ويشوي منه ويطبخ منه ويحمس ويقلقل ولا يتحسف من السعر ويقول حمدلله رب العالمين.
شكراً

اشكر لك تعقيبك اخي رب اسرة
لكن للمعلومية اكثر اللحوم الموجوده تعتبر مثل الاستوكات يعني ياكبير بالسن او مريض
اطلع السوق بنفسك واسال عن السديس وشف كم سعره مستحيل اقل من 450 ريال
وانت تعرف الامثال الشعبية عن الجزارين واحترافهم في الغش
شوف الان مطاعم الكباب اللي يحطه قدامك ويفرم اللحم ويعطيك كلهم يغشون اللحم
خويي كان عنده محل وباعه بعد مااكتشف الغش
لو تبي لحم صح اشتر من المبرد الباكستاني بنفس السعر
وبقول شي واعرف ان اكثر اللي بيعلق ماراح يصدق انت تدري ان بعض الذبائح يشتيرها الجزار عالمسلخ تعرف وش على المسلخ ؟؟
يعني يقول لراعي الحلال ان قبلها المسلخ وذبحها او رجعتها لك لان المسلخ احيانا يرفض ذبحا لشدة مرضها
وايضا ماادم الكلام عن المسلخ مع احترامي لوجهات النظر الاخرى
اللي يذبحون في المسلخ ماعندهم خبره في الذبح والتعامل مع اللحم
شوف كيف يسدح اكثر من ذبيحة فوق بعض ويذبح هذي فوق الثانية وانت تعرف النهي عن ذبح الشاه والاخرى تنظر لها اضافة ان شدة الخوف (تشوف الذبيحة ترجف من الخوف ) يخلي الدم متشت في الذبيحة ومايخرج الدم وبعدين الحبابيب الجزارين يروشون الذبيحة بالماء كل شوي وذا اكبر سبب يخرب اللحم لو تبي تعرف الذبح واصوله وفنه اسال الذباحين حق المندي يعلمونك سر المهنة

المشاركة الأصلية كتبت بواسطة البرفسر

بيض الله وجهك على هالنصيحه


وايضاً هناك سوق المربع للأسماك اسعاره ممتازه .

الا نار الله الموقده اسعاره نار

ماتلاحظون الفترة الاخيرة انتشرة الملاحم .اعتقد لان هامش مطاط


واقول للاخ رب بيت بالعكس الاسعار ممتازه . وهذا هو المنطق .....
وبالنسبه لاسعار السمك بالمربع غاليه مره .