ما ذكرت ايش السبب انهم ما رضوا انك تنقل. اللي اعرفه (قال لي موظف موبايلي في عام 2007 عندما انتقلت انه لازم تسدد الفاتورة كاملة، و ما تستخدمه، و ارجع لنا بسرعة ننقله لك. و فعلا، تم).

المهم، اذا غثوك اكثر من الغثاء نفسه، روح موبايلي و اطلب لك رقم مفوتر و ارسل لكل اللي تعرفهم رسالة (لكن من جوال الإتصالات اللي لا زال معك) تنبهم للرقم الجديد (حق موبايلي). لكن الله يعينك تغيره (الرقم القديم) عند البنوك و ما شابهها من الشركات الأخرى اللي يصرون على ان رقمك يكون عندهم.

وترى موبايلي جربتها في مستشفى بخش بجده ما تشتغل (قبل حوالي شهر) لكن الإتصالات و زين البرج كامل عندي (اذا ابحث عن الشبكة يدوياً) لكن ما يشبكوا معي. و كذلك الحال قبل سنة تقريبا في مستشفى التخصصي في الرياض، لا في الطواريء و لا في الدور الثاني (العمليات) و لا في المستشفى كله (الا اذا رحت عند بعض النوافذ) بالرغم من ان الإتصالات تظهر كاملة القوة.

حسبنا الله و نعم الوكيل. اللهم اصلح الحال و كون على الظالمين و من يساندونهم أو يتقاعسون عن كبحهم.