مقال يستحق القراءة .. يفند مزاعم المراعي عن الخسائر وارتفاع التكاليف:


هل تتجه شركات الألبان إلى الإفلاس؟!

https://www.mqataa.co/vb/showthread.php?t=43522

حسبي الله و نعم الوكيل فيهم..

أنا تركت المنتج الوحيد اللي كنت أشتريه منهم.. لأن السعر مبالغ فيه بشكل لا يطاق..

الشركات الثانية لابد إن عندهم أسعار أقل و جودة أكبر..

وايش هو هذا المنتج؟

يمكن نقدر نساعد في ايصالك للبديل الكناسب

كلنا مقاطعين بعون الله .. بحاول أسوي جوله بكره وان شاء الله أجيب لكم كم صوره

المشاركة الأصلية كتبت بواسطة abuhisham

وايش هو هذا المنتج؟

يمكن نقدر نساعد في ايصالك للبديل الكناسب

جبن الشرائح قليل الدسم



كنت أستخدمها كثير.. بس من كم شهر توقفت عنها.. (نسيت سعرها.. يمكن 7 ريال لـ 10 شرائح)..

أنا ساكنة في محافظة من محافظات الرياض.. و أغلب السوبرماركتس عندنا تجيب المراعي.. لذلك أضطر أشتريها

احتمال إنها كاسدة عند المحلات بسبب إقبال الناس على غيرها.. بس أنا دايم من (نحسي) إني ألقاها قدامي فأشتريها

طبعاً هي طعمها قوي شوي.. بس كان يعجبني لأني أخففه بالسلطة..

ما جربتي منتجات بريزيدان الفرنسية؟

ماني متأكد هل عندهم شرائح قليلة الدسم لكن منتجاتهم جازت لي رغم إن اسعارهم في نفس مستوى المراعي .. بس نقول بعذرهم لأنها تعتبر مستوردة.

قااااااااطعوووووهههههممممممم

موضوع مستعار من منتدى مجاور..

**************************************


السلام عليكم ورحمة الله

من يوم السبت الماضي
إبنتي الصغيرة
التي تدرس في المرحلة الرابعة الإبتدائية ( أهلية )

تقول لي يا بابا المدرسة تعطينا حليب ولبن

سألتها ليه وش المناسبة يابنيتي ؟

قالت يقولون علشان تتعلمون تفطرون

قلت بيني وبين نفسي يمكن ليه لا

أمس الأحد قالت نفس السالفة

مدري ليه جت في بالي شركة المراعي

قلت يابنيتي شوف بكره إذا أعطوكم وش مكتوب على الكرتون

اليوم الله يصلحها جت من المدرسة وقالت يابابا مكتوب على الكرتون

"المراعي"

المراعي أمممممممم
أجل كذا


يوزعون لبن وحليب طازج فقط
بالمجان


طيب ليه ما يوزعون طويل الأجل ؟


شكل لبنهم وحليبهم الطازج يرجع لهم

وقالوا نوزعه على الأطفال

منها نتخلص منه

ومنها نخلي الأولاد يتعلقون فيه
ويضغطون على أهلهم إذا راحوا تسوق ما يشترون إلا إلى مكتوب عليه المراعي

سياسة صهيون
حسبي الله عليهم


لكن مقاطع مقاطع

لو بنيتي تنام جنب ثلاجة المراعي ما شريت من منتجاهم


هالمرة مقاطع وبقوة

خاصة أن البدائل على قفى من يشيل

ولو تصير أسعارهم بقروش ما شريته

خلاص بطلنا للأبد

http://www.hawamer.com/vb/showthread.php?t=1135202

المشاركة الأصلية كتبت بواسطة abuhisham

ما جربتي منتجات بريزيدان الفرنسية؟

ماني متأكد هل عندهم شرائح قليلة الدسم لكن منتجاتهم جازت لي رغم إن اسعارهم في نفس مستوى المراعي .. بس نقول بعذرهم لأنها تعتبر مستوردة.

وَ الله للأسف أنا حاولت أبحث عن أي شركة.. بس أغلب اللي يصادفني المراعي..

المراعي تحاول ضرب المقاطعة بنشر التبريرات ومحاولة تكذيب مقاطع الفيديو عبر حسابها في تويتر.

لكن المقاطعة مستمرة ولكل منتجات المراعي..





وقبل ما يقول أحد ايش دخل دجاج "انتاج" في الموضوع..

شوفوا الصورة التالية:





و للتوضيح أكثر شوفوا هذي كمان:






يعني دجاج "انتاج" ممكن نعتبره من بنات "المراعي" .. على وزن بنات المؤذن.