صراحه خلودي يوم قريت الموضوع

حسيت ان واحد معطين كف من الصدمه

شاكر لك هذا التوضيح

أخوي كلامك جميل ونشكر لك أنك من التجار المعتدلين ولكن بالمقاطعة أخي الكريم نجبر التاجر على عدم الشراء من السلع التي ارتفعت ومن ثم نجعل أصحاب الشركات والمؤسسات أن يركعوا لمطالبنا ...
بالتوفيق إن شاء الله ...

اشكر الجميع على المرور وعندي اشياء كثيرة جدا سأخرجها لكم خلال اليومين هذي

الحقيقة وزارة التجارة وهيئة المواصفات ايش عملهم ابي افهم ؟
ليش وزارة التجارة تسحب البضائع المقلدة من المحلات ؟
هل علشان انها مقلدة ؟ لماذا ادخلوها اذن من البداية لماذا سمحوا لها بالدخول
والله ثم والله لو جلسوا 100 سنة على طريقتهم هذه ماراح يقدرون يتحكمون بالسلع المقلدة والمغشوشة ولا راح يقدرون يخلصون عليها ستضل منتشرة في المحلات
والسبب عارفيين ليش ؟
راح امثل لكم مثال
هل يعقل انه لوفيه خزان ماء عمومي ورئيسي وكبير جدا والماء تتسرب منه
لوجت الجهة المسؤلة ونظفت الماء الي غرق البلد والشوارع من تسريب الخزان مرة ومرتين و100 مرة هل راح ينصلح الحال طبعا لا انما الحل السليم ماهو
الحل السليم اصلاح الخزان الرئيسي
يعني لو وزارة التجارة وهيئة المواصفات قاموا بعملهم والبائع الي قاعدين كل يوم بالجرايد يصرحون ويقولون صادرنا بضائع مقلدة ومغشوشة من المحل الفلاني في المنطقة الفلانية او هيئة المواصفات القلم الفلاني الحذر منه اومعجون الاسنان فيه مادة سامة
لو انهم طبقوا عملهم من الاساس ومنعوا دخول هذه البضائع كان ماتلقى بضائع مقلدة ومغشوشة وغير مطابقة للمواصفات
اريد توضيح نقطة مهمه وزارة التجارة ومصلحة الجمارك هم سبب من الاسباب ايضا في زيادة الاسعار تقولون كيف ؟
اذا فرضنا وزارة التجارة او الجمارك سمحت لبضاعة صينية مكتوب عليها فرنسي او اي صناعة اوروبية وهي مقلدة
على سبيل المثال كريم اساس ماركة ماكس فكتر يوم كنت اشتريه وهو مسجل عليه صيني كنت اشتري الدرزن 50 ريال ويوم كتبوا عليه صنع في فرنسا صار اشترية 130 ريال
طيب الزيادة هذي صارت على ميين والارتفاع هذا موب على المستهلك
طيب وزارة التجارة يوم تسحب وتصادر بضاعة من محل يشتري من السوق اخذت منه بضاعة مثلا بقيمة 2000 ريال من المؤكد ان التاجر راح يعوض خسارته طيب كيف يعوضها راح يزود في الاسعار علشان يعوض الخسارة منين الي تضرر المستهلك هو الضحية
يوم بعض الافراد من الجمارك الله يهديهم ويصلحهم وهم فئة قليلة ان شالله علشان يدخلون بضاعة من غير ماتمر على وزارة التجارة وهيئة المواصفات وياخذون اجر مافعلوه
التاجر راح يحط الي دفعه فوق ضهور المستهلكيين
هيئة المواصفات عندما تصرح ان القلم الفلاني فيه مادة سامة او مضر وتجي وزارة التجارة وتسحب من المحلات هذا الصنف راح التاجر يعوض خسارته بأن يرفع الاسعار على المستهلك من هنا ابتدت زيادة الاسعار
لما تهمل وزارة التجارة عملها ولا يوجد رقابة على الاسعار من المؤكد جميع السلع راح تزداد اسعارها
الخلاصة اذا كانت وزارة التجارة لاتريد انتشار البضائعة المقلدة الى البلد امنعي دخولها موب اذا دخلت قعدتي تجمعيين وحتى اذا جمعتي والباب مفتوح راح يدخل اشكال واصناف
اتمنى من الجميع فهم مااقصدة

كلامك جدا صحيح 100% ولكن السبب الحقيقي هو الاجانب وانا شخصيا اعرف اكثر من تاجر
مندوبيهم للصين اجانب وايش تتوقع طبعا كل مصائب البلد ما دخلها الا الاجانب التجار اكيد بيطمع
مندوبه جاب له المواصفات وبسعر اقل هكذا ؟؟؟

الاجانب سبب حقيقي ولكن ؟
صدقوني لواخبركم بأشياء كثيرة تشيب الراس منها لواقولكم ان من اكبر الشركات في السعودية صاحبها كندي وشركة اخرى صاحبها مصري وشركة اخرى صاحبها سوري
وابتدت الزيادة في الاسعار من عندهم طبعا هذا في مجال الادوات الصحية

الاجانب سبب حقيقي ولكن ؟

صدقوني لواخبركم بأشياء كثيرة تشيب الراس منها لواقولكم ان من اكبر الشركات في السعودية صاحبها كندي وشركة اخرى صاحبها مصري وشركة اخرى صاحبها سوري
وابتدت الزيادة في الاسعار من عندهم طبعا هذا في مجال الادوات الصحية

حبيبنا خلودي

مرة واحد من مفتشي وزارة الصناعة راح معاه زميله يفتشوا على مصنع يملكه واحد سوري
داعور مدري دافور
طلع ليهم وسبهم وقال اي واحد يحاول يقرب المصنع مرة ثانية العن اللي خلفوه

المساكين رجعوا على ادبارهم وانقلبوا عائدين بالخبر على سعادته
ضحك سعادته وقال طيب خلاص اتركوه !!

وفيه واحد فلسطيني صاحب مصنع بالشرقية ما خلا احد ما تحداه
ولا عين عنده ولا موظف سعودي
وعامل تخزين بالحديقة حقت المصنع

وامس لقيت واحد فلسطيني يبيع
ايش يبيع هيا افتكروا!
يبيع عطورات مقلدة عيني عينك
طيب وين؟
بمنتدى وحاط اسمه ورقم جواله
وايميله ويطق باصبع ويتحدى
ويقول مستعد اعطيك العطر اللي تبغاه من الماركات العالمية
ويدّعي انه يحضرها بعبوات كبيرة من فرنسا ويحطها بقوارير
واللي يباع ب 350 ريال يبيعه ب 45 ريال
ويعطيك ضمان انه نفسه نفس تركيبة العطر
طيب وين التجارة والغش التجاري عنه؟

كيف اذا هالمواد ضارة او تركيبات مسممة من مواد كيماوية ؟!!
واللي ما يصدق مستعد احط له الرابط للموضوع

ياناس البلد ما ادري ايش صاير لها!!!

اخوي ماعندك احد ذكرتني في مواطن جاء ودخل محل كبير جدا في الرياض وله سمعته في تجارة الادوات الكهربائية قالهم المواطن قش المكيف الي خذته منكم هذا ليتها ارخص منكم برا بشعرة ريال بالحبة تتوقعون وش رد عليه صاحب المحل انا كنت حاضر الموقف هذا صاحب المحل حضرمي قاله اطلع برا مادامك شريت واستلمت بضلعتك انا حر ارجع او مارجع ولا راح ارجع قال المواطن ابي اروح اشتكي رد عليه صاحب المحل وقال اذا ماعرفت طريق وزارة التجارة علمني علشان ادلك
قسم بالله العظيم هذا صار قدامي ومع الاسف استغربت تعاملهم مع المواطن بهذه الطريقة ذهب المواطن وبحكم معاملتي معهم واشتري منهم بضائع كبيرة سألت صاحب المحل بطريقة اني اضحك ومازحه قلت ابوعبدالله لاتزعل نفسك الدنيا ماتسوى اهم شيء صحتك قال جننوني الزبائن يشترون وبعد مانسجل فاتورة وياخذون البضاعة يرجعون لنا ويقولون نبي نرجع قلت يمكن فعلا كانت غالية او الزبون ماحتاجة او او قال ارجع ليش والفاتورة مين يعوضني حقها اذا رجعت البضاعة اندهشت من كلمته هذي علشان كم هلله موراضي يرجع البضاعة
ويعلم الله لي اكثر من سنتيين قطعت معاملتي معهم على انهم يوجد بعض الاصناف هم وكلاء لها ولاتوجد عند غيرهم
والمحلات هذي مشهورة ولها افرع كثيرة منها في الملز ومنها في الغرابي ومنها في الوزير وايضا في شارع انكاس

ابشركم سعر كفر السيارة الي اسمه يوكاهاما الجاباني زاد بعد ماكان 210 ريال اليوم 250 ريال

بارك الله فيك خلوودي....وعلى حرصك...
اتمنى ان يصل صوتك واصوات المواطنين المضحوك علينا
فالامل ما زال موجود بحكومتنا الشريفة لوضع حل جذري لهذه التلاعبات