الرياض (سبق) أحمد العضيب :
أثار حكم بسجن ولدي متوفى كان مدينا بقرض لمصرف الراجحي جدلاً واسعاً بين الورثة خصوصا وأنهم ابدوا استعداداً لبيع منزل لسداد المتبقى من القرض .

وحكم القاضي خلال جلسة عامة بسجن ولدين من ورثة المتوفي الذي كان قد أخذ القرض من مصرف الراجحي لبناء منزل لاسرته.

وطالب المصرف بتسديد قيمة القرض رافضا إعفاء الأسرة من المديونية بحجة وجود بيتين في تركة المدين .

ولم تمانع أسرة المتوفى في بيع أحد البيتين لسداد المبلغ ، لكن القاضي قرر سجن ولديه القاصرين ( 16 – 14 عاما ) لمدة شهرين حتى سداد المديونية ، ما سبب صدمة قوية للأسرة التي أطلق بعض أفرادها صيحات غضب داخل أروقة المحكمة.

ويحاول وكيل الورثة حالياً عمل ما يلزم لإيقاف الحكم على الشقيقين القاصرين قبل التنفيذ وأكد استعداده بالكفالة الحضورية والغرامية إنقاذا لهما وحفاظا على بقية الورثة .

لاحول ولاقوة الا بالله.

أجمعوا الدراهم ياراجحي وخذوها معكم للقبور حسبنا الله.
اللهم اقض الدين عن المدينين آمين.

?????????????????
صورة مع التحية للي يحسبون الراجحي ترك لهم قسط رمضان؟

لاحول ولاقوة الابالله لم يشفقوا على الاولاد لا وابوهم ميت بعد يعني ايتام والشريعة والدين ..آآآآل بنك اسلامي آآآآل...طير لاعبين في الشعب لعب تلبسوا بلباس الدين والله حتى الموظفين يشتكون منه.

بنك يقال إنه إسلامي و على أبواب رمضان يطلع منهم كل هذا.

يعني موت و خراب ديار على الأيتام المساكين.

حسبنا الله و نعم الوكيل.

رجعت ثانية للموضوع ، صراحة ضيق صدري

الحين قانونا وشرعا مهوب المفروض تمشي القروض زي ماكانت في حال الوفاة والا اذا مات الواحد يطالبون ورثته بكل الدين مرة وحدة؟؟؟


شلت هم عيالي الله يخليني لهم ولا يردهم للراجحي يارب <-- خنقتني العبرة

وين الي يقولن يسقط القرض عن المتوفى !!

وبعدين اي اسلامي واي خرابيط .. ما فيه بنك اسلامي عندنا ، كلهم يخبصون في الربا

كفااااااااااااااايه اقساط يا ناس .. البنوك ما ترحم

حسبي الله على هالقاضي

شكله مدهون سيرة من الراجحي

وإلا وش ينقص الراجحي إذا اعفى عن المتوفى

عزي للشابين القاصرين

فاقدين ابوهم ............. وفاقدين الحرية .... وفاقدين احد بيوتهم

حسبي الله ونعم الوكيل



مالوم الشركات الاجنبيه لو ماتدخل السوق لانهم يقولون ماعندكم قضاء واضح
او دستور للقضايا الماليه ....




وش هالقاضي ؟؟؟

انظمة حامورابي

هذا الراجحي يحلب النمل ويطلع منه سمن
الريال ابوه وامه

لاحول ولاقوة الا بالله.... اطفال قصر يدفعون الثمن....

وين الراجحي الا مافيه جمعية الا يتبرع لها تبرعات معلنه... والا كله رياء ونفاق

وكيف القاضي يأمر بسجنهم؟؟؟؟!!!! وين حقوق الانسان اللي بالسعوديه ازعجونا بقضية زواج القصر

وسجن القصر لاحس ولاخبر!

حسبنا الله ونعم الوكيل مين اللي بيأخذ قرض منزل من الراجحي بعد اللي سواه