ياشباب أمي جزاها الله الف خيرعطتني لسته مقاضي يحبها القلب تقول انها لرمضان ....السؤال وين اجيب ها المقاضي منه مع اني اتقضى دائما ولكن بعد ارتفاع الاسعار ما ادري وين اروح له ...مع العلم انني في الرياض : واليكم بعض من هذه المقاضي :
1 - كرتونين فيمتو ( تقول السنه هذي حر ) .
2 - كرتون شوربه كويكر .الظاهر الكرتون 36 حبه .
3 - كرتون تانج برتقال .
4 - كرتون مكرونه سباقتي .
5 - تشكيله من المكرونه اشكال بحدود كرتونين .
6 - كرتون كيري .
7 - كرتون زبده .
8 - كرتونين كريم كارمل ( الكرتون 36 مغلف ).
9 -صلصه .
10- كرتون عسل ...مع اللقيمات .
11- كرتون قشطه . للحلى .
12- كرتون دريم ويب .
13 - كرتون قصدير .
14- مناديل ( علب - لف ) .
15- ورق عنب اورلاندو 5 علب .
16- كيس سكر عدد2 ........45 ك.
17 .صدور دجاج عدد 12 صحن .
18- شعيريه نصف كرتون .
19- كرتون ماجي كبير .
20- جبنه موزاريلا كرتون وزن 200جم.
21- جبن كاس كرتون .
22- جبن علب كرتون .
23- طحين الكويت او الحميضي في حدود 20ك .
24- ارز مصري صنوايت 10ك.
25- لحم مفروم طازج في حدود 10 ك حاشي .
26- لحم عدد 2 هرافي .
صدقوني هذي المقاضي اللي تبي الوالده اذا كنت ما انقصت منها فلم ازد عليها شئ ..........بالله عليكم كم تكلف هذه المقاضي .

هذه هي مشكلتنا ... الإفراط في الإستعداد لشهر يفترض أن نتذوق فيه الحرمان و الجوع.

لستة مقاضي رمضان هذه تكفي سنة كاملة (ماشاء الله تبارك الله).

الحل هو أن تبحث في دعايات المحلات و المراكز التجارية عن العروض الرمضانية و تشتري كل صنف على حده.

عندك مثلا الفيمتو .. أتوقع الأسبوع القادم أو إللي بعده راح تبدأ تنزل عروض عليه بحكم قرب شهر رمضان فلا تستعجل.

قشطة الحلى دور أرخص نوع لأنه مع الحلى ماراح يبان أو يتعرف إيش نوعها .. عندك لون و الخير و الطائي (مجربه).

باقي الأمور .. هناك خيارات قد توفر بضعة ريالات للفرد .. منها لاتشتري المنتج المعلب إذا وجدت منه أكياس .. مثل عصير التانج يوجد منه علب و قوارير و أكياس و الأخيرة تفرق في السعر بشكل ملحوظ .. خذ الأكياس و عبيها في العبوات الفاضية إللي في البيت.

والله يكون في عونك أخي الكريم.

التنويع من أماكن التسوق



على حسب وقتك

بإمكانك تقسيمها على زملائك ممن سيشتري هذه السلع وأنت تشتري له

بالنسبة للقشطة

فيه أنواع الحبة بريالين ونص وأحيانا بريالين

جيدة في الطبخ

مثل الطائي


::::
الزبدة
فيه أصابع صغيرة على ريالين

المراعي بريالين ونص

مثل نادك - ندى

ولو شريت سطل فهو أرخص لكن يمكن صعب التعامل معه وكذلك العسل

::::::::::
خابر الشركات الكبيرة لها عروض في الشهر الكريم تنافسية جدا

::::::::::::::
بالنسبة لشرائك للكرتون تأكد فعلا أنه أرخص لك لا يكون الفرق بقيمة باهته ما تسوى
:::::::::::::::
جرب تروح لمحل الجملة العثيم أو بلشرف وخلهم يسعرونها لك . دورر وقت ما يكون فيه زحمة

شكرا لمروركما على الموضوع

الحمد لله الوقت انا عندي وقت فاضي كثير .

وعندي كذلك سواقيين 2 يعني اركب مع واحد منهم ويوديني للي ابغى بس فيه تباين كبير في الاسعار بين محل وا اخر ...لذلك بصراحه فيه نصب من بعض المحلات .

مره اخرى اقول جزاكم الله خير

بالنسبة للكراتين بلشرف أرخص من العثيم

واذا كان بالحبة كارفور أو جيان أو بنده

أخوي القاصي ..

المهم إنك تبدأ في هالأسبوع لأن الأسواق كلها بدأت في عروض رمضان
ومر عليها واحد واحد وقارن بالأسعار وإذا حصل " البروشورات " الدعائية تسهل المقارنة
وفرصة لك دامك في الرياض عندنا أكثر من 6 مراكز كبيرة المنافسة بينها قوية

مع ملاحظة إن الأسعار في السلع تزيد كل اسبوع ريال .. مثال توضيحي
الشوربة - الفيمتو - لقمة القاضي كلها تبدأ بسعر ولا يدخل شهر رمضان إلا وهي صايرة دبل

نسيت أوضح لك تقديري لتكلفة المقاضي ..
مع إني ما أقدر أحكم هل هي كثيرة أو لا حسب عدد أفراد الأسرة ..
ويمكن يكون بيتكم هو بيت العائلة والجمعة فيه يومياً في رمضان لكن أتوقع وبحسبة سريعة
حدود الــ 4700 ريال ونصيحتي تصنف بعض المقاضي على فترتين خصوصاً اللحوم
والمبردات من صدور وذبيحة ولحم مفروم ..

ما شاء الله تبارك الله

أنا ما أدري كم عدد أفراد الأسرة , ولكن مثل هذه الأغراض تكفي

لإسرة مكونه من 15 شخص الى عشرين خلال شهر رمضان

والله يا أخي الكريم نصيحة عن التبذير , وعلى مايبدو لي من كتابتك

للموضوع أنك صغير بسنك ولكن فيك البركه ويبدو أن الأمر ليس بيدك

ولكن إنصح ما تستطيع النصح به عن المبالغه في المصاريف الغير

ضرورية وزيادة الأغراض التي ربما ترمى قبل أن تفتح أو يؤكل منها

شيء , أنا رب أسرة مكونه من ستة أشخاص , على سبيل المثال

من علبة الى علبتين شوربة والله تكفي شهر رمضان وتزيد علمآ أن

الشوربة شيء أساسي على مائدة الإفطار وبشكل إجمالي وبحمد الله

لا يتجاوز ما أضيفه للمصاريف في شهر رمضان أكثر من 300 ريال

كحد أعلى , ولا يوجد هناك إضافات إلا أشياء بسيطه جدآ

كالشوربه , الحلويات , أنواع المشروبات ,فيمتو ,برتقال , سمبوسك

وما دعاني لكتابة هذه المداخلة الكمية التي تريد شراءها , ولا أعلم

كم عدد أفراد الأسره حفظكم الله بحفظه وهدانا وأياكم لما يحب ويرضى

ولكن ربما هذه الكلمات التي كتبتها يستفيد منها أحد للإقتصاد في

مصاريفه , وأن يضع له طريقه يخفف على نفسه من عبء المصاريف

والإبتعاد عما يغضب الله سبحانه وتعالى في التبذير

وآآآآسف على الإيطاله , وسلامتكم جميعآ ,,,,,,,

عددنا كالتالي ابوي وأمي وانا واخوي
وتجينا أختي وزوجها ومعها 3 عيال واحد في الثانوي و2 في الابتدائي تقريبا يوميا
وبعض المرات اخواني الكبار مثلا مرتين في رمضان
وثلاث شغالات + 2 سواقين
لكن الحمد لله ما نرمي شئ ابدا مثلا عامل المسجد نفطره وبعض العماله اللي عند ابوي

شكرا للجميع

شباب تنبيه
للتفريق فقط بيت اهلي هو اللي يتكون مما ذكر سابقا ( لان الاخ مشاري هو اللي عقب . وقلت له اكتب بمعرف جديد لك ، لانه قال ابوي وامي وانا واخوي .....هذا بيت اهلي )
اما انا فلي بيت مستقل انا وعائلتي الصغيره .
بس انا متكفل بالتموين لبيت اهلي
من الآن وصاعدا لن يكتب الاخ مشاري اي تعقيب باسمي .

تحياتي