AS Received

وصلني عبر الايميل
السلام عليكم ورحمة الله وبركاته جبت لكم هذا الخبر اللي اتوقع قليل اللي يعرفونه وقليل جداً بعد كنت في جده قبل أسبوع وسمعت صوت تنسيم بالكنداسة طبعاً سيارتي شبح موديل 96 المهم رحت لمحلات الشكمانات اول واحد قالي الحمها لك بـ30 ريال والثاني قالي لازم تغير هذي الكنداسه وتركب فلاتر لأن هذي حقت بلادها ترجع الحرارة على المكينه وتخفظ عزم السيارة قلت كم الفلاتر قالي بـ100 ريال قلته وريني إياها (الفلاتر) يوم شفتها شكيت بالموضوع لأن من شكلها (الفلاتر) انها تكلف اكثر من الـ100ريال رحت لمحل ثالث قالي غير وركب فلاتر قلت كم قالي بـ220 ريال بعدها تأكدت ان الموضوع ماهو طبيعي رحت لواحد رابع وبدأت تنكشف اللعبه قالي غير وركب فلاتر قلت له مو مشكله اغير بس لاتقولي أكثر من 50 ريال قالي ترا اللي عندك تحتاج فلترين قلت له خلاص لاتقول أكثر من سبعين قالي خلاص 70 ريال دخل السياره قلت له شوف يابن الحلال اخر كلام كم قال انت قول قلت خمسين قال دخل السياره عاد هنا تأكدت ان الموضوع ماهو طبيعي أبداً ..

قلت يامعلم ترا القديم ابي اخذه قال لا القديم من حقي عرفت الحين السر انه في القديم قلت طيب لو أخذ القديم كم تغير قال بـ400 ريال قلت له طيب اعطيك القديم كم اخر كلام قالي راس براس من هنا عرفت الشغله زين قلت له مع السلامه ..

الآن تجيكم الزبده انا داري اني طولت عليكم بس زي ماصبرت انا على هذولي العمال انتم اصبروا علي . رحت للمحل الخامس والأخير قلت له ابي اركب فلاتر بدل الكنداسه قالي بـ100ريال قلت له شوف يابن الحلال فيه واحد قالي اغيرها لك راس براس انت وش تقول قال روحله قلت له مع السلامه قال اصبر شوي خلاص زي ماقالك ذاك قلت لاتزيدني قال كم قلت 100ريال قالي كثير قلت كيفك ابي امشي قال خلاص دخل السياره والله ياشباب انه اشتغل بالسياره من بعد صلاة العصر الى بعد العشاء يمكن بحوالي ساعه حتى الصلاه ماصلى وانا صليت جمع وقصر عنده داخل المحل لأني ماني من أهل جده والصراحه اني خفت اخلي السياره عنده وهو ماراح يصلى بعد ماخلص وطلعت السياره قلت له هات ال100 قالي خذ طبعاً من غير نفس عطاني ال100 وقالي اول مره يمر علي واحد مثلك دايم الزباين خاصة اصحاب الفرد سياراتهم فيها اربع كنداسات ماهو اثنين مثل سيارتك يغيرون عندي ويدفعون لي فلوس ويمشون وانت تغير وتاخذ فلوس ..بعد كذا دريت ان الكنداسات حقت السيارات الأمريكية يستخدمون الماده اللي من داخل الكنداسة في تصنيع اصياخ اللحام ويبيعون هذي الماده الكنداسه الوحده بـ250ريال عاد لا احد فيكم ذحين يقول انت قلت سيارات امريكيه وانت معك مرسدس الماني ابي اقوله سيارتي صح الماني بس استخدام امريكي على العموم انا طولت عليكم بس حبيت انقل لكم الصوره واضحه للاستفاده ويعلم الله اني ماكتبت هذا الموضوع الا من باب قول المصطفى عليه الصلاة والسلام (لايؤمن أحدكم حتى يحب لأخيه مايحب لنفسه

وللجميع تحياتي وتقديري

((وصلني عبر الايميل))

جزاك الله خير على التنبيه

ترى قطع غيار السيارات المستعملة لها قيمتها ((للأسف الأجانب يعرفون عنها أكثر منا))
-بعضها يمكن أعادة أستخدامه بصيانة بسيطة
-بعضها يمكن أستخدامه بدون صيانة (غالباً بالنصب على صاحب السيارة ودفعه لتغيير قطع سليمة)
-بعضها يمكن تفكيكه الى قطع أصغر ثم تجميع السليم منها من عدة قطع تالفة لبناء قطعة غيار يمكن أستخدامها
-وأخيراً أعادة بيعها كمواد خام (سعر طن الحديد الأن 3000 ريال تقريباً وقس على ذلك بقية المعادن)
.................................
المشكلة الكبيرة هي أعتمادهم في هذه التجارة على جهل المواطن بهذه التفاصيل وكيفية الأستفادة منها

فتحت الموضوع على بالي موضوع الكنداسة اللي في جدة " المجسم" اللي في طريق الملك...ولقيت الموضوع ماأفهم فيه بس ضروري أخلي أخوي يطلع عليه لأن له خبرة بالسيارات ماشاء الله عليه...وأعطيكم التعليق...