1- سوي لك حفرة جنب بيتك لتغيير الزيت

2- اشتري لك شطرطون تفلون عشان تلفه على السرة لمنع تسرب الزيت

3- ولا تنسى الوجه لإحكام ربط السرة

4- العدة ياشباب والمفاتيح

5- خلي معاك سره احتياط يمكن تكون السرة القديمة خربانة

6- ذكرتوني عدة خرط السرة يمكن تكون السرة اللي معاك لازم لها طلبيه ومعدومة في السوق

7- واذا كانت السرة خربانة ومصديه مافي الا حلين ياتسخنها عند الورشة وترجع السيارة للبنشري
واذا كان هذا الحل غير مجدي اشتري مكينة شفط للزيت عشان تشفط الزيت من فوق وما في داعي لفك السرة والمجازفة بحياة السرة

8- لاتنسى تجيب برميل كبير او تحفر خزان كبير عشان ترمي الزيت المحروق فيه بعد التغيير
وبعد ما يمتلي اتصل على راعي وايت يشفطه لك ولا تنسى تعطيه حقه
غصبا عنك والا راح تجيك البلدية وتغرمك هذا اذا ما قفلت لك الحفرة

9- طبعا راح تجيك البلدية طال عمرها وتعطيك نصائح حول النظافة وتقول لك لازم تجيب
برميل خاص بالحفرة عشان ترمي علب الزيت الفارغة
وراح تقولك في شرك متخصصة بهذا المجال والبرميل من عندها مقابل 200 او اكثر في الشهر
حسب نظام الشركة
وياويلك لو جات البلدية والبرميل مليان

10- لازم لك تصريح من البلدية لانشاء الحفرة ولازم لوحة تكتب فيها اسم الحفرة وتعلقها فوق الحفرة
وبعد شهر راح تجيك البلدية وتأخذ مقاس اللوحة مثلا 3*5 وتقول لك
رسوم اللوحة 1300 او حسب مزاجهم
وكل سنتين او ثلاث جدد ترخيص البلدية وادفع حق اللوحة


وبعد ما تفتتح الحفرة روح واشتري لك كرتون أو كرتونين زيت من عند محلات الجملة
وأحرق قلب اصحاب البناشر


انشاء الله يكون المشروع الصغير ( الحفرة ) حل لمشكلة ارتفاع أسعار الزيوت


ملاحظات:

بالنسبة للمراعي ومشتقاته و الخضرة نسوي مزرعة في الحوش ونشتري بقرتين وكم ماعز وتركتر ( حراث ) او جاموسه طلبيه من الصعيد و العدة المطلوبة

والكهرباء نكسر العداد ونجيب ألواح الطاقة الشمسية ونركبها فوق البيت


الصباح اركب التركتر واحرث الارض وفي المساء روح غير زيت للتركتر على الحفرة


وهكذا حتى نتغلب على جميع المشاكل لأنه مافي مشكلة الا ولها حل


واي مشكلة تواجهنا يكون هذا الموقع الرائع هو الحل


اللهم اغفر للمسلمين و المسلمات والمؤمنين والمؤمنات
وارفع عنا الغلا

شاكر ومقدر لطرحكم المميز

محتاج الى نقاش وتداول لمعرفة فعالية هذه الافكار وهل لها تأثير على البيئة وغيرة

مجرد تفكير بصوت عالى

وقد تكون بالفعل الحل المثالى ,,

دمتم