منطق غريب صراحه

يعني ماتبون لا حراسه ولا شي ؟؟

هذا رئيس اعظم قوه في العالم من الطبيعي ان تكون له حمايه وبعدين هو جاي لبلد الأمن والامان

كلنا نكرهه بس خلوكم واقعيين شوي هذا رئيس دوله عظمى مو راعي مطعم

ولو صار له شي ربكم العالم وش يصير بعدها

اتركوا منطق الكلام بالعواطف

ويز ماقال الأخ قبلي

الأجراءات الأمنيه صائبه لحماية بلادنا وليس لحماية ( بوش )

ماقلنا اي شيء هذا أمر يخص الدوله
لكن الرجال بيروح للثمامة
لكن ليه سيارة الدفاع والشرطة والحرس ووووو تقف في المسار ألايسر من الطريق الدائري اللي بجانب السفارات وتسبب زحمة
الله يحفظ بلادنا من كل شر ...ويرخص الاسعار

المشاركة الأصلية كتبت بواسطة القاصي

ماقلنا اي شيء هذا أمر يخص الدوله

لكن الرجال بيروح للثمامة
لكن ليه سيارة الدفاع والشرطة والحرس ووووو تقف في المسار ألايسر من الطريق الدائري اللي بجانب السفارات وتسبب زحمة

الله يحفظ بلادنا من كل شر ...ويرخص الاسعار

اخي الكريم

في بعض الناس تستغل اي زيارة رسميه لإثارة البلبله والشوشره على الزيارة مثل عمل تفجيرات في اماكن معينه متزامنه مع الزيارة

راح فيها

ههههههههههههههههههههههههههه

حلوه

ياخوان وشفيكم قلبتوا الموضوع اني انتقد الاجراءات الامنيه المشدده عشان زيارة اللي مايتسماش .. اصلا تدرون اني كنت ادعي ربي انه مايجي وان جاء يذلف بسرعه بسلام عشان نفتك منه ومن شره والاجراءات هي مثل ماقال الاخ سعود انها لمصلحة البلد وكانت طبيعيه خاصة في ضل كراهية العلم كله لهذا الشخص

يافيه صورة لإستقبال الفلسطينيين له في الشوارع... بصراحة فاصلين الريوس.

أثناء مرور الموكب أصطفوا على جانبي الطريق و هم رافعين أيديهم و ضامين أصابعهم (على شكل قبضة) ورافعين الإصبع الأوسط فقط (حركة بجيحة بالعامي).

أعتذر على الوصف بس مافيه طريقة أوصل لكم الصفة بدون ما أحط الصورة .. وماتنفع هنا.

يارب يتنعنقل برجله ويطيح ويموووت..



قولوا امين....

والله لو كان الاستنفار دائما كذا

كان انام وانا مشغل السيارة عند الباب

ولا تسمع ان فلان خطف منه جواله وهو في الشارع


وان فلان سرق بيته بعد ماراح للاستراحه يوم الاربعاء
و
ان علان ضربوا عامله شباب وخذوا منه كل اللي معه
وان الجرايد معاد تلقى حوادث سرقه او خطف حتى حوادث المرور بتخف كثير
يارب يصير كل يوم كذا

ياشيخ زحمة عطلوا اعمال الناس
لو سووا اجازة احسن من هالقروشة للشعب غير كذا لو حطوه بموعد غير موعد الذروة للناس

ولكن مع هذا لابد لهذه الاجراءات الامنية ومعروف اهميتها
ولكن التوقيت غير مناسب
انا طلعت الساعة 1.30 ولقيت الزحمة وكنت مستعجل جدا ..يعني لو خلوا المواعيد مختلفة عن مواعيد الدوام الرسمي للشعب لكان افضل
وتعرفون ان الموظفين مايطلعون 2 يطلعون 1.30 وقبل بعد