الأخ أحمد الصبان....احب ان اشكرك على المداخلة. واتفق معك بأن العمل خير من ان يصبح الشخص عالة على اهله

تمسك وظيفة ب 1500 ريال وتواصل البحث عن وظيفة ترى انها تليق بمؤهلك وشهاداتك؟

اذا انت تتفق معي بأن دخل هذه الوظيفة غير كافي

ولهذا ان وجدت على سبيل المثال وظيفة براتب 2000 فانا لا اعتقد ان هذا ظلم او عيب لان البديل هو صفر ريال في الشهر وعطالة وعدم اكتساب خبرة

الظلم الذي اتحدث عنه هو اتهام الشباب بالكسل وعدم الرغبة في العمل بسبب رفض وظيفة بمرتب اتفقنا على انه غير كافي وليس بأسباب العادات أو العيب

الاخوان
المرن
ابن الوطن
الدمام
v2
ابو هشام
أحمد الصبان
شكرا لكم على مروركم وتعقيباتكم

اول شي انت بادي متحمس فما ادري هل انت أجنبي أو مقيم كما يقولون ام انك سعودي تاكل بملعقه من ذهب

يهمك هالشي؟؟؟؟؟؟؟؟ تعتقد ان هالشي مفيد في النقاش في موضوعي ؟؟؟؟

فروق بالتفكير مافيه ولا بالعقل ولا بالمسؤوليه بل بالعكس الانجازات التي حققها السعوديين في كثير من المجالات كثير جدا جدا لم يحلم بتحقيقها الاخوه المقيمون

يعني السعوديين بس اللي يحققوا انجازات وباقي الدول كلها مسكينه تجلس منتظره ابداعاتنا وش رايك نتكلم بالعقل وبلاش نعلق على كلمة السعودي وصل للمريخ والسعودي نزل لقاع البحر ونتفق انه في كل بلد في ناس تنجز وناس تكسر وناس ماهمها الا لعب البرجون

ثانيا نحن قوم لنا عادات وتقاليد مانتركها ولن نتركها واهمها الكرم والضيافه
يعني يجيك ضيف تذبح له دجاحه او فرخ ؟؟ خلوكم واقعيين
والاتقوله اعذرني انت جيت في وقت بايخ وراتبي 2000 مايكفي حق ذبيحه؟

اول شي الذبايح بالذات 95% من التجار فيها سعوديين ( اللي يقولوا الاجانب هم اللي يرفعون السعر لايتكلموا في هالنقطه بالذات ) بعدين انت اذا مصمم على اكرام الضيف ( الجود من الموجود ) هذا اكبر اكرام والا اشتري كيلو لحم وخلي المدام تكثر الرز وتسوي كبسه واذا مرهـ مصمم انك تذبح وتكرم ضيفك محد مانعك بس لاتقول ياحكومه انتي السبب ليه ماتعطيني راتب 10 الاف ريال حتى اكرم ضيفي ترى محد مسئول عن ضيوفك .

ثالثا ايضا عاداتنا وتقاليدنا لو انا شديت حيلي وقلت يالله من بكره بصير سباك او معلم شاورما

تعتقد ان في احد بيزوجني ؟؟

البنت ترفض واهلها ومو بس عشان الشغل عيب ومدري ايش لا

معلم شاورما بيدفع مهر؟؟ وتعرفون المهور كم الحين

والله الشغل مو عيب واذا بنت عمك ترفضك وهذا الشي من صميم قبيلتكم خل بنات القبيله في كبود ابائهم وتزوجلك اجنبيه ( رغم اني اعرف الكثير من الاسر السعوديه حاليا صايره تدور على ستر بناتها والمهور بسيطه ) والا عندك السعوديات المتجنسات ( يمنيات في الغالب ) مهورهم مهي غاليه ولاتنسى اهم شي الدين والاخلاق.

الاجنبي يقدر يعيش بـ1000 ريال لاعزايم ولاجوال ولاثابت والمستشفى اصدقاءه مايقصرون ولايدفع مهر غالي ولايشتري بيت ولايتمشى وغيره وغيره وغيره

طيب اتمشى روح البر والا اجلس على البحر وجيب قهوتك من البيت والعزايم على قدك ياخي ايش انت تبي كل الشعب غني لابد في اغنياء وفقراء والمستشفيات الحكومه ماقصرت كل شي مجاني والبيت مو لازم كل واحد يملك وبرضه ممكن تقدم وتنتظر تجيك بيت منحه من الحكومه.

انا توظفت بـ 1500 ريال يوميا 25 ريال عشان الليموزين لمده شهر
25 * 30 = 750ريال الناتج اضربه في 2 فترتين دوام صباحيه ومسائيه
750 * 2 = 1500 ريال سعودي

هذا الراتب راح بس على ليموزين

ليه ماتركب باصات ( الحاجه ام الاختراع ) وبتوفر ويصير مشوارك مايزيد على 10 ريالات والا دور سكن قريب من العمل وتوفر حق المواصلات.

ثانيا ياعزيزي القطاع الخاص يبي واحد يقول ياعمي سم ابشر على راسي من عيوني ولايهمك لو تخرب مالطا
السعودي مايقدر يقول ياعمي عشان كذا هو غير مرغوب فيه

وليه مايقول سم طال عمرك يقولوا في الامثال ( اذا لك عند الكـلب حاجه قله ياسيدي ) وهذي من اخلاقيات العمل مو بس في السعوديه لكن في كل محل حتى في امريكا واوروبا لابد في تملق للمدراء ولو بطريقه غير مباشره.

بكل صدق اجلس عند اهلي استر لي من هالوظيفه

طيب خلك مستور لكن لاتجي تقول الحكومه مقصره بحقي دامك للحين بتمسك في العادات والتقاليد القديمه خلك عليها جايز تنفعك.

معاك حق ولكن الكرم والضيافه تختلف من بلد لبلد يعني في بلدان اذا جاهم ضيف يجيبون له فروجه من اقرب مطعم بـ 10 ريال وبلدان تعرف حق الضيف تذبح له شي يليق فيه وفي مقامه بتقول هذا اسراف هاذي وجهة نظرك انا اشوفها كرم ورجوله وهذا اللي تعودنا عليه من الله خلقنا
والجود من الموجود هذا ياخوي كلام مثالي خلك واقعي افضل ولو جاك ضيف اتحداك تعشيه بخاري
بـ10 ريال ..

والله بالنسبه لي حسب الضيف اذا هو يمون اقله جيب معاك عشاء تراني مطفر واذا هو بعيد شوي اعطيها كاش بوجهه واقله الجود من الموجود واعشيه ولو فول المهم اعشيه ولو مايبي ( صحبته ماتلزمني ) اجل اتظاهر بشي انا مني قده ( مابتقتلنا الا هالمظاهر ).

لكن انك تشوف شخص من جنسيه ثانيه عربي ولا اي شي موظف بوظيفه انت احق منه فيها وراتبه انت يا ابن البلد ماتحلم فيه فهاذي طامه كبرى ..

اذا وجد السعودي اللي يقوم بالمهمه بنفس الكفاءة صدقني محد بيوظف الاجنبي وان كنت احس في كلامك حسد وغيره وزي اللي تقول هذي البلد بلدي ومحد ياخذ اي قرش منها غيري انا سواء كنت اعرف والا ما اعرف المهم انا اخذ فلوس ماحسبت حساب تعليم الاجنبي ومدى مقدرته وكفائته في العمل كل ذا مايهمك اهم شي ليه الاجنبي ياخذ فلوس وهو موظف وانا لا ( ناظر في نفسك وانت ترفض تشتغل وظيفه ابو 1500 وتصبر سنه وتصير مدير هم تلقاه اشتغل 4 سنين براتب الف ريال وبعدين صار مدير واخذ محلك اللي انت منت راضي تصبر سنه حتى تاخذه )

تم فتح الموضوع مره أخرى ... أرجو التزام آداب النقاش الحر والبعد عن التجريح الشخصي ...

شكرا اخي كاش

الاخ صاحب الموضوع وُفق في صياغة العنوان

لكن لم يوفق في طريقة الطرح ،،،

اولا اخي الكريم انت وين ساكن بأي منطقه ؟

ثانيا لو تتجول في مدن المملكه لوجدت العامل السعودي

اذهب الي المنطقة الشرقيه وتجد بعض السعوديين يعملون في مغاسل السيارات والورش

اذهب الي المنطقة الجنوبيه وتحديدا في محافظة بارق ومحايل عسير وتجد عمال النظافه سعوديون


محافظة الطائف شباب سعوديون يعملون في السوبر ماركتات الكبيره محاسبين وتجدهم يقوموا بحمل الاغراض

لتوصيلها الي السياره ،،،

تجدهم في بعض مطاعم مكه وجده مباشرين ومحاسبين والهايبرات ومحلات العطور والملابس

في فترة الحج في مكه وجده تجد اغلب الشباب السعودي يعمل في اي شغلة توكل اليه عن طريق مكتب العمل

في هذه الفتره وهي كفيله بأن يتعلم .




مع احترامي لك كلامك هذا مثل كلام التجار او اصحاب المؤسسات ان السعودي يبي وظيفه مريحه ،،،

اخي الكريم قريب لي يعمل لدي قزاز ورئيسه مصري ويقول والله ان هذا الرئيس يعملني معاملة
الكلب ،، عشان يضيق عليه ويترك شغلته وفعلا تركها ،،

المشاركة الأصلية كتبت بواسطة kemos

لازم نعترف ان العيب فينا احنا لازم نعترف ان السعوديين انفسهم تعودوا على الترف والدلع الزايد وهذا الشي اللي خلانا نوصل لهالمستوى ( معقول المطاعم اللي يشتغلوا فيها سعوديين بشكل كامل يعني طباخين ومباشرين واستقبال وحساب ونظافه سعوديين = صفر في المملكه كلها )
.

اعتقد اللي تعود علي الترف والدلع اصلا ما يفكر انه يشتغل هالشغلات
وصدقني العيب في صاحب المؤسسه او المطعم وخاصة اذا كان رئيس العامل السعودي اجنبي

يا حبيبي فتح عقلك شوي ،،،

تدري ليه اخي العزيز ما تشوف عمال سعوديين ؟

او بالاصح ليه السعوديين ما يشتغلوا هالشغلات اللي ذكرت ؟

بالله كيف تجد عمال سعوديين والآف الفيز تباع بعشرات الآف من الريالات من هو المسئول عن استخراج الآف الفيز اليوميه في مختلف مناطق المملكه

وتبغي السعودي يعمل والبلد مليانه اجانب ،،

ترا هذا رد مختصر

ثانيا لو تتجول في مدن المملكه لوجدت العامل السعودي

اذهب الي المنطقة الشرقيه وتجد بعض السعوديين يعملون في مغاسل السيارات والورش

اذهب الي المنطقة الجنوبيه وتحديدا في محافظة بارق ومحايل عسير وتجد عمال النظافه سعوديون

بالله عليك بعض السعوديين يعملون في مغاسل السيارات والورش مدري سعوديين اصل وفصل والا مجرد مجنسين ليه نسمع بكلمه بعض ( والبعض هذا في الغالب لو حبينا نقارنه بسوق العمل بنقول 0.01% من العماله في هذا السوق سعوديين ) ليه مانقدر نقول السعوديين هم الاساس وبعض الاجانب يشاركونهم العمل دائما الاجنبي هو العنصر الرئيسي والسعودي هو العنصر القليل جدا الا في الوظائف الحكوميه سعودة ارامكو وسعودة قطاع الاتصالات وسعودة المواصلات وسعودة كبائن الاتصالات ومدري لوين بنوصل بالسعوده كأن السعودي مايقدر يشتغل نهائيا الا لو جات الحكومه وشغلته بالغصب



هذي الصوره اللي غثتنا بها الوزاره والمواطنين وكل واحد يبي يفتح فمه ويقول شوفوا المواطن السعودي كيف يقبل بكل الوظائف احلى شي الالوان موظفين وكل واحد لابس لون مختلف وكلهم متلثمين الا واحد كاشف وجهه ( وجهه عريض مهوب يهتم لكلام الناس ) ومصيبه معد شفناهم الا في هذي الصوره للدرجه اللي صرنا نعتبر الصوره هذي من الصور النادره رغم انه المفروض ان هذي الصور وغيرها مفروض تكون مألوفه لنا في حياتنا العاديه.

محافظة الطائف شباب سعوديون يعملون في السوبر ماركتات الكبيره محاسبين وتجدهم يقوموا بحمل الاغراض

لتوصيلها الي السياره ،،،

تجدهم في بعض مطاعم مكه وجده مباشرين ومحاسبين والهايبرات ومحلات العطور والملابس

ودي اشوف واحد فيهم يثبت جدارته بنفسه مايكون مفروض فرض من وزارة العمل والعمال ( رغم اني اقولها للمره المليون لو شبابنا نفض عنه غبار الكسل واعطي المجال بيبدع ) وبالنسبه لي هذا مايعتبر مقياس وبسألك بذمة وضمير اذا كنت تروح تتسوق شهريا من نفس السوبر ماركت شيك على قائمة المحاسبين (بتلقى كل شهر وجوه جديده ) وهذا دليل على عدم استمراريه شبابنا في هذه الاعمال

مع احترامي لك كلامك هذا مثل كلام التجار او اصحاب المؤسسات ان السعودي يبي وظيفه مريحه ،،،

اخي الكريم قريب لي يعمل لدي قزاز ورئيسه مصري ويقول والله ان هذا الرئيس يعملني معاملة
الكلب ،، عشان يضيق عليه ويترك شغلته وفعلا تركها ،،

وهذا كلام الشباب العاطل عن العمل اللي جالس يحلم ويحلم وناسي العمل الجدي وتاركه لغيره يقوم فيه

تدري ليه اخي العزيز ما تشوف عمال سعوديين ؟

او بالاصح ليه السعوديين ما يشتغلوا هالشغلات اللي ذكرت ؟

بالله كيف تجد عمال سعوديين والآف الفيز تباع بعشرات الآف من الريالات من هو المسئول عن استخراج الآف الفيز اليوميه في مختلف مناطق المملكه

وتبغي السعودي يعمل والبلد مليانه اجانب ،،

اتفق معاك في هالنقطه تماما بس يبيلنا انظمه وقوانين تحدد وجود الاجنبي وتوقف استقدام المزيد.

المشاركة الأصلية كتبت بواسطة kemos

بالله عليك بعض السعوديين يعملون في مغاسل السيارات والورش مدري سعوديين اصل وفصل والا مجرد مجنسين ليه نسمع بكلمه بعض ( والبعض هذا في الغالب لو حبينا نقارنه بسوق العمل بنقول 0.01% من العماله في هذا السوق سعوديين ) ليه مانقدر نقول السعوديين هم الاساس وبعض الاجانب يشاركونهم العمل دائما الاجنبي هو العنصر الرئيسي والسعودي هو العنصر القليل جدا الا في الوظائف الحكوميه سعودة ارامكو وسعودة قطاع الاتصالات وسعودة المواصلات وسعودة كبائن الاتصالات ومدري لوين بنوصل بالسعوده كأن السعودي مايقدر يشتغل نهائيا الا لو جات الحكومه وشغلته بالغصب

.

نعم اخي الكريم سعوديين من ابناء البلد

بالنسبه للمقارنتك بأن نسبة السعوديين في سوق العمل هي 0.01% ترا مره ظلمت نفسك

وقولك انو المفترض يكون السعوديين هم الاساس نعم انا اتفق معك المفروض كذا

لكن تعرف في الفتره السابقه الحمد لله الدولة وفرت وظائف كثير لأبناء البلد ،، وتقلصت في الفتره الاخيره .
عشان كذا اصبح البلد فيه اجانب يعملوا بشغلات السعودي في غنا ان يقوم بعملها .
الحقيقه الوضع اختلف ولابد من سعودة حقيقيه وفعاله مع وضع رواتب تناسب عصرنا هذا

المشاركة الأصلية كتبت بواسطة kemos

هذي الصوره اللي غثتنا بها الوزاره والمواطنين وكل واحد يبي يفتح فمه ويقول شوفوا المواطن السعودي كيف يقبل بكل الوظائف احلى شي الالوان موظفين وكل واحد لابس لون مختلف وكلهم متلثمين الا واحد كاشف وجهه ( وجهه عريض مهوب يهتم لكلام الناس ) ومصيبه معد شفناهم الا في هذي الصوره للدرجه اللي صرنا نعتبر الصوره هذي من الصور النادره رغم انه المفروض ان هذي الصور وغيرها مفروض تكون مألوفه لنا في حياتنا العاديه.

.

المفروض انك ما تستهبل في موضوعك وتقول وجهه عريض الله يهديك بس

اتمني تكون مالوفه هالصورة

المشاركة الأصلية كتبت بواسطة kemos

ودي اشوف واحد فيهم يثبت جدارته بنفسه مايكون مفروض فرض من وزارة العمل والعمال ( رغم اني اقولها للمره المليون لو شبابنا نفض عنه غبار الكسل واعطي المجال بيبدع ) وبالنسبه لي هذا مايعتبر مقياس وبسألك بذمة وضمير اذا كنت تروح تتسوق شهريا من نفس السوبر ماركت شيك على قائمة المحاسبين (بتلقى كل شهر وجوه جديده ) وهذا دليل على عدم استمراريه شبابنا في هذه الاعمال

.

ياخي هذولا مو مفروضين من وزارة العمل ،، يقدموا علي الوزارة والوزارة توجههم لاماكن عملهم
وعشان نكون جادين ومنصفين الوزارة ما قصرت عندما اصدرت قرار بدفع نص الراتب للسعودي والراتب الاخر من الشركة او المؤسسة ،،، وهذا تشجيع بحد ذاته دافع

قولك ان اغلب المحاسبين يتغيرون هذه نسبه 0.01 ونادرة

كل الود

تحياتي لك

مبارك للاخ كيموسفتح الموضوع وعقبال الفتوحات والانتصارات

هل القبول بوظيفة براتب ضئيل يتبخر على اخر الشهر افضل , ام العطالة والجلوس في المنزل وانتظار الوظيفة المناسبة؟

بامكانك السخرية من وزير العمل ووصفه بالغافي , الرجل ياخذ راتبه اخر الشهر ويتمتع باجازته مع اسرته ولن يهتم لا بي ولا بك

بامكانك التشكي من ضعف الرواتب , رد التجار جاهز : هذا هو الموجود واذا ما عجبك فلدينا البديل من غير المواطنين



بامكانك ترديد القصايد تحت ضوء القمر عن معاناتك وطموحك والخ , من سيهتم غير بعض الضبان والجرابيع الذين سيزعجهم صوتك

وايضا هذه الوظيفة التي تركتها سياتي لها عامل اجنبي وبعد 6 اشهر سياتي ابن عمه وجاره وصديقه وسينشا عائلة تجارية

بالمقابل

لو اخذت الوظيفة , هناك جهد وتعب والنفس البشرية بطبعها تحب الكسل , فحاول ان تخالف نفسك

ستتعرض لاهانات من رب العمل الاجنبي , رسول الله عليه الصلاة والسلام وهو خير مني ومنك اهين وشتم , فخذ الاهانات من اليمين وخرجها من الشمال ولست انت باكرم من رسوا الله

الراتب سيتبخر على المواصلات والنتيجة صفر , العطالة ايضا نتيجتها صفر

بالمقابل انت سددت الطريق على العامل الاجنبي

اكتسبت خبرة واحتكاك

ابعدت نفسك عن وقت الفراغ الذي يسبب - لا سمح الله - الانحراف

قدمت دعما معنويا لزملاءك السعوديين في بيئة العمل

اضفت خبرة لسيرتك الذاتية تساعدك اثناء البحث عن وظيفة افضل

الف شاب سعودي في كل منطقة = قطع الطريق على 13000 عامل اجنبي

__________________________________________________ __________________

ننتقل الى موضوع الكرم

في بيئة صحراوية مثل بيئة الجزيرة العربية كان خلق الكرم من محاسن الاخلاق لان المسافر ان لم يجد من يضيفه مات جوعا ولاستحال السفر وطلب الرزق وتحصيل المعيشة ولهذا كان الكرم بالطعام والشراب امرا حسنا , لم تكن هناك مطاعم ولا اسواق غذاء ولامواد محفوظة , بل هناك الابل والضان والبانها ولحومها ولا ثالث لهما

ثم جاء الاسلام وهذب هذا الخلق حتى يمنع ما يشوبه من اسراف ولان النفس البشرية بطبعها تحب التفاخر وقبيلتنا اكرم من قبيلتكم وفلان ذبح 100 في عرسه ومحنا باقل منه والخ
واحد هذه التوجيهات النبوية الكريمة (( ما ملأ ابن آدم وعاءً شرّاً من بطنه، بحسب ابن آدم لقيمات يقمن صلبه، فإن كان لا محالة فثلث لطعامه، وثلث لشرابه، وثلث لنفسه )) صححه الألباني في صحيح الجامع:5674

فهل اسمع لقول رسول الله او اتبع عادات وتقاليد كانت في الماضي حسنا واصبحت الان مرضا واسرافا..

اذا كنت تزعم ان الذبح من الكرم وحسن الخلق فرسول الله اعلم واكرم , وكبر المائدة وتعدد الاصناف ووجود الذبيحة ليس هو الكرم

وان كنت تفعله خوفا من القدح وكلام الناس فانت وشانك ولا يكلف الله نفسا الا وسعها والله يستر علينا وعليك , ولكن لا تتفاخر على غيرك بكلام مثل هذا
((معاك حق ولكن الكرم والضيافه تختلف من بلد لبلد يعني في بلدان اذا جاهم ضيف يجيبون له فروجه من اقرب مطعم بـ 10 ريال وبلدان تعرف حق الضيف تذبح له شي يليق فيه وفي مقامه بتقول هذا اسراف هاذي وجهة نظرك انا اشوفها كرم ورجوله وهذا اللي تعودنا عليه من الله خلقنا))

وكان الكرم والرجولة فيكم وغيركم ما يعرف الكرم والرجولة !!!

سبحان الله , الحمدلله على سلامة العقل

وكلمة تعودنا كاتبها باللون الاحمر!!

هذا عدا ان في ما تفعله ايذاء للفقراء الذين لا يمكنهم ان يقوموا بما تقوم به وبالتالي فهم في نظرك القاصر ما قاموا بحق الضيف!!

نظرة الاسلام الشاملة تحفظ مشاعر الفقراء

الكرم شيء وان تملأ بطن ضيفك شيء اخر

احمد الصبان

لو بيدي وعندي الصلاحيه بحط لك ميزه تحت اسمك وهي ( قلم ناضج يجب الاستماع اليه )
لك كل الشكر