السلام عليكم ورحمة الله وبركاته
أولاًُ هذي أول مشاركة لي وبعلمكم بأسمي لو تبون الصدقي ماعندي أي مانع والرزاق بالسماء والحاسد بالارض
اخواني الكرام
اسمي زي ماهو واضح من ايميلي الشوق بالانجليزي
واظاهر بغيرة إلى
رهين كاونتر الشركة السعودية للكهرباء
اخواني الكرام
انا زي ما فهمتوا من الاسم موظف بسيط
توظفت زي ما توظف معظم الشركة بالواسطة وحب الخشوم
ولو أني ادري ان هذا مصيري كان والله ما سعيت بالموضوع
عموماً هالكلام له سبع سنين للاسف

ياجماعة تخيلوا وهذا اسميه تعقيب على هالموضوع وليست المسألة مسأله شخصية بس خذوني عينه من هشركة الي من اكبر شركات الشرق الاوسط
تخيلوا
بعد ثالث سنة لي وانا متعين فهمت اخيراً ان الدنيا شهادات وياليتني لم أفهم ذلك
رحت وتكبدت الخسائر رغم ان راتبي بذاك الوقت 3700
ورحت ودرست على حسابي الخاص وقلت كل شي في سبيل العلم يهون وبعد كذا وبقدرة قادر اخذ شهادة دبلوم شبكات والله الحمد بجدارة والله الحمد
وبكل صراحة واقولها لكم والله رغم انه معهد خاص وما ابي اسوي له داعية واقول اسمه مع انه داج صراحه
الا اني ماخذ الوضع بجدية اطلع 3 من الدوام والساعة 4 العصر وانا عندهم احضر المحاضرات ولا اغيب رغم اني عانيت من هالموضوع
وبعد سنيتن من الشقى والتعب
اجيب للشركة السعودية للكهرباء الشهادة ويقولون لي ان عندك مشكلة ولا نقدر نرقيك
قلت افا كل شي له حل قالوا لي للأسف صادفة السنة الي اخذت فيها شهادة دبلوم شبكات أنه صار لك 3 سنوات في الشركة
وتستحق مرتبه
قلت وهذا شي عارفة
قالوا عشان كذا ما نقدر نرقيك مرتبتين ولا شي
تاخذ هالمرتبه الي جايتك وتضف وجهك

الله واكبر
الله حسبي عليكم مثل ما حطمتوني
وهكذا صار أمري
فقبل أن اذهب الصبحهم بدعوة مني إلى رب العباد ان يكتب عليهم الخسائر ويبتلي كبار موظفيها من نواب واتباع النواب والمدراء بالامراض والإفلاس والفقرء
اللهم امين اللهم استجب ياكريم
للمعلومية لمن يتسأل عن راتبي تراني
انسان ما امدح روحي
ولكن الحق حق كنت مثالي والحين والله لك علي شوي ساعات اقالبها تطنيش مثلي مثل الي اشوفهم
للأسف كنت اطمح لتقدير ممتاز ولكن بعد ما عرفت أن فيه فئة من من القذرين واذناب النواب او رؤساء القطاعات
واقفين لي وياخذون الممتاز للي يعرفونهم بصراحة ماعاد عندي أي ولاء
كل الموضوع وربي يشهد على كذا اني اتذكر اني اخذ منهم فلوس ولا ابي يدخل جيبي شي بس
والله قهر ترا انك تكرف وغيرك نايم وياخذ ما تستحق
للمعلومية لم يزيد براتبي سواء 950 ريال منذ عام 2001 إلى الأن
ولو تبون اسمي انا ماعندي مانع بس اصبرو لين ما القا لي وظيفة واعطيهم ركبه مع دعوة مني لهم
ان الله لا يربحهم ولا يوفقهم مثل ما لعبوا فيني
والله اني اشقى واتعب إلى هذه اللحظة ولا عمري قلت ثلث الثلاثه كم لهم ولكن مع ذلك والله ياجماعة الخير انهم جيدين يحطوني موظف مثالي
وياكرمهم كرماه
تخيلوا جائزة الموظف المثالي وش تتوقعون همر؟؟
والا لكزس ؟؟
والا شيك براتب اضافي ؟
والا تتوقعون يخلون فاتورة بيت ابوك ببلاش لمدة سنة ؟؟
هههههههه
ياجماعة والله انها فشيلة
تخيلوا الجائزة
قسيمة مشتريات
بمائة ريال فقط لا غير
الله يمحاكم ولا يوفقكم
واخر الكرف مية ريال جعلها حريقها والمشكلة الأماكن الي تقدر تشتري منها بهذي القسيمة اكثر من قيمتها
ماعاد بقى محل ما دخلوه
وكل الموضوع مية ريال
وكله كوم ودفاتر الشاهي كوم ثاني جعلكم للفقر يوزعون علينا دفاتر صغيرة فيها 30 ورقه مختوم عليها ومكتوب فيها
الشركة السعودية للكهرباء 50 هلله
يعني تقدر تشرب شاهي واحد يومياً بسسسسسسسس
مهوب لازم موية لان الموية بريال يعني لو تبي تشرب موية لا لازم تدفع لعامل البوفية الداخلي ورقتين
جعلكم للفقرء

للمعلومية انا موظف واقابل جمهور
واتعب واشقى ما بين واحد يسب والثاني يهوش واحياناً توصل لأن بعض الاشخاص هداهم الله يتلفض بألفاظ والله ياجماعة تستغربون منها
وبالنهاية
وش يعطوني على جلسه 8 ساعات اقابل هالعالم فيها واتحمل نفسياتهم وغير هذا احصل منهم مبالغ عن طريقة قسائم ايداع اذا ضاعة واحدة من هالقسائم عقب ما ادخله في النظام انا ادفعه غصب عن عين الي جابوني
وش احصل منهم
تقدير جيد
وان كانوا كرماء والممتاز واجد هاك السنة ومديرك ماله احد يقدره في قسمك يخلون الممتاز بالدور انت واخوياك يعني كل سنه لواحد والي يشتغل والي ما يشتغل كلهم واحد
انا ما قلت لا بس ياجماعة خلوا الزيادة تجي للجميع ولكم مني اكرف عادي ولا يهمني لاني خلاص تبلد الاحساس فيني

كل الي ابيه لكل شخص يقراء هذه الرسالة يدعوا لي بالرزق وبأن أجد وظيفة احسن من هالوظيفة

من الإيميل نقلته

الله يوسع برزقك ورزق المسلمين
مستقويه مادمها شركه وحده تتحكم بالسعوديه ماصه دم الشعب ودم موظفينها ومنغنغه مديرينها
اما الترقيه اعتقد ان النظام هذا معمول فيه حتى بوزاره الخدمه المدنيه بس راح اتأكد

معاناة الصراحة

كان الله بعونه وبعون الشباب السعودي اللي مثله

الله يعينه و يعين أمثاله من المهضومة حقوقهم من موظفي جميع القطاعات خاصة كانت ام عامة.