تضجرت كثيراً كما تضجر غيري من رفع قيمة الوجبات الرئيسئة للمطاعم الشعبية الأخيرة بعد إتفاق المطاعم على رفع الأسعار مع بعضهم البعض إبتداءً من يوم السبت 26\08\1428هـ.
وبزيارتي لمطعم الهدوج بحي الروابي وجدت أسعارهم لم تتغير وبسؤالي هل سترتفع الأسعار لديهم ؟ فقالوا لا
أمل دعم هذا المطعم لعدم رفعه للأسعار وتركه للطمع والإسغلال كما هو الحال للمطاعم الإخرى
علماً بأن المطعم يقوم بإدارته والإشراف علية إخوة سعوديين

جزاهم الله خير يستاهلوا الدعم

بحكم أني أسكن قريب من مطعم الهدوج.. فالشهاده لله أنه مطعم راقي بكل ماتعنيه الكلمه من معنى وصاحبه يتواجد أحيانا للإشراف وهو من الأخوه الملتزمين ولا أزكي على الله أحد.. دمتم بخير,,,

حتى لو سيرفع الأسعار سيقول لك لن يتم رفع الأسعار ..

وستكون مفاجأة لك ..

اذا تغيرت حساباتهم .. وقلة الأرباح حتماً سيرفع الأسعار ..

انت ياصاحب الموضوع قاعد تلمع وتسوي دعاية للمطعم يكون بعلمك اول من رفع الاسعار هو مطاعم الهدوج ،وكل اللي بالمطعم نصابين اجانبهم وسعوديينهم وانت شكلك شغال بالمطعم او لك مصلحة من التلميع

مطاعم الهدوج اللي بحي الروابي بالرياض نفر اللحم من خمس وثلاثين لاربعين ريال ويقولك اذا تبي رز شعبي بـ 40 شوفوا وشو الرز الشعبي ما حددوا وش نوعه واذا بشاور بخمس واربعين ريال

مقاطعه له ولامثاله

مع احترامي للجميع

مطاعم الهدوج اكله رائع ولكنه نصاب حرامي

مره عندنا عزيمه وراح الوالد الله يطول بعمره يجيب ذبيحه

وودها للهدوج لاول مره وفشلوووونا بالعشا الله يفشلهم مبدلين الذبيحه بوحده ثانيه

ويوم راح الوالد لهم اليوم الثاني وتلاسن معهم اعترفو له ولكن بررو الخطاء انها غلطه لاااكثر؟؟؟؟

**حرر
كفى اشاعات ورمي كلام بدون فائدة

غوزي أفضل منه بكثير وجميع انواع الرز واحد عنده البشاور والمزه ،،،

غوزي بعد ادارته الجديده افضل من أول

نفر المندي عنده ب37 رز شعبي او بشاور

يوم كنت اتعامل مع الهدوج يزود 5 ريال للبشاور ليه ما ادري ،،،

اليوم رفعو الاسعار مثلهم مثل غيرهم من المطاعم

لاتلمع للمطعم يابو الشباب من قالك انهم ما رفعوا الاسعار رح شف نفر اللحم عندهم بكم 42بــ ريال قبل امس زادو ريالين وقبل كذا كان بــ40 ريال