آآهن على باريس العرب

**لاتدف** · 18-03-2012, 09:51 AM

يوم الجمعه الماضي صحيت والجو كان كئيب مغبر بغبار لونه ابيض صليت الجمعه ومريت الوالد سمحت خاطره ثم حركت للرياض مريت في طريقي لعنيزة اللي سماها الريحاني باريس نجد الا هي غير اللي تعودت عليها ولا تلام فالغبار اخفي وجهها الجميل

مدخل عنيزة من جهة الغرب

بعد ثاني اشارة تجينا
مؤسسة العلامة ابن عثيمين رحمه الله

سوق الخضار علي اليسار واذا تتذكرون اننا قلنا ان هذا السوق الوحيد في المملكة اللي صار الاهالي يفحصون اكلهم بنفسهم من خلال اقامة مختبر في السوق وعي كبير

مدري هاذي رسمه ثلاثي الابعاد ولا حقيقي
جمال معماري أخاذ

بيت القصيد امام ميدان باب الخلا سوق المسوكف واللي سبق اعتقد ياجمرة او يالذويخ كتب عنه تقرير
مفصل ماتذكر وآخر مرة جيته كان رائع اليوم جيته وحصلته بائس كئيب نزلت وصورت رغم الغبار وصوت الهواء وللاسف ماحد يرد الصوت لعيون خلي

كراسي وطاولات يبدو لها فترة بمكانها
وانا اشوف هالمنظر اتذكر كيف الغرب يحافظون على تراثهم من نسيم الهواء
وحنا ياخلاف

انتهى التقرير السريع

**جمرة غضا** · 18-03-2012, 10:07 AM

الذويخ كتب عنه تقرير مفصل هنا

زيارة خاطفة لسوق المسوكف التراثي بـ عنيزة ‏(

1 2)

ياليتك صورت سوق الخضار ..

اقتباس:

وانا اشوف هالمنظر اتذكر كيف الغرب يحافظون على تراثهم

ماعندهم عج يطيرهم مع قشهم

.. لاتخف لعنيزة عيال لن يهملونه ..

**لاتدف** · 18-03-2012, 02:26 PM

اقتباس:

المشاركة الأصلية كتبت بواسطة جمرة غضا

الذويخ كتب عنه تقرير مفصل هنا

زيارة خاطفة لسوق المسوكف التراثي بـ عنيزة ‏(

1 2)

ياليتك صورت سوق الخضار ..

ماعندهم عج يطيرهم مع قشهم

.. لاتخف لعنيزة عيال لن يهملونه ..

عارف والله ان في عنيزة رجال وقت الشدايد يصلبون الرس
والله التقرير في الاصل ماكان مرتب له ابدا ولا انا مريت من عند سوق الخضار بس غاب عن بالي
مهب الغبار دخل على شرائح الذاكرة اللي بالدماغ