لابد ذكر اسباب مقنعه للقارئ عن المقاطعه شي يجعلهم يقفون صف واحد ضد التمادي على المستهلك ام مسألة رفع ريال فالبعض راح يقول ياحبيبي ماراح اقاطع عشان ريال اتمنى يكون قصدي مفهوم.

حبيبي احب اقولك انك مافهمت ولا شيء من الموضوع

وبعدين تعال !!!
شو ريال ما ريال

معاك ريال تسوى ريال ما معاك ماتسوى ريال , لا تنسى انه ريال على ريال يقوم امه بحالها ويحط براسها
بس احنى يالسعوديين من فضل الله علينا بالمال صار الواحد يطالع الريال من نص عين مدري على شو ؟!!!

حبيبي !!
اذا انا وانت وفلان وعلان معهم !! غيرك ما معاه حق يومه !!! , ولاّ صار همنا انفسنا نفسي نفسي
اذا انت تبغى سبب مقنع يشد من المقاطعة فالسبب واضح وقدام عينك ومايبيلها تفكير !!

زيادة الأسعار !!
موضوع عصرنا الحالي
وهذا هو هدفنا الرئيسي الغير مباشر !! ليس هاتين الشركتين بالتحديد !!!

وأغلب الشعب السعودي للأسف وانا منهم صار من الخير الي معاه متبلد الإحساس
كل ما ترتفع الأسعار لاحس ولا خبر .. ندفع وبس !!!
احنى لو شادين اظهرنا من زمان كان ما حد لعب فينا وزاد بالسعر

شوف ايطاليا العاشقة للمعكرونة !!! احدى شركاتها الصانعة للمعكرونة قامت بالزيادة في اسعارها
وكان ردة فعل الشعب غير متوقعه منهم بحكم انهم لايمكن يمر يوم من غير الوجبة الرئيسية ( الإسبقتي - المكرونة )
حيث قام اغلب الشعب وقد يكون الكل !! بمقاطعة الشركة مما ادى من تخفيض السعر في ظرف يوم الى يومين

وتذكر ! :
شركة المراعي والصافي راح تكون عضة وعبرة لكل الشركات الي مالقت من يوقفها عند حدها
وهذا هو الي نبغاه !!! انه يصير الشعب واعي ويحد من المهزلة الي احنى فيها

واتمنى من كل شخص انه يفتح عقله ويدور السلك العطلان ويغيره !!! ويقوم بشراء البديل
ولو البديل قام برفع السعر راح نقاطعهم ولو اسبوع واحد !!! وراح تشوف الخسائر الي ما تدش العقل في اسبوع واحد

واذا عن خسارة الشركة احنى مانرضى تنكب نعمة الله في الدرام
بس شو نسوي !
لابد من التضحية في سبيل العدول للطرق الصحيح ! وان شاء الله بتكون كل الشركات تحت حكم الشعب
ان ارادها خذها , وان مارادها رماها !!!

وتذكر مرة اخرى اخي العزيز
نحن لا نريد الضرر لأي جهة كائن من كان
اتمنى الفكرة وصلت لك اخوي رفيع الشان

دمتم بود