الأخوة أعضاء هذا المنتدى المبارك :
السلام عليكم ورحمة الله وبركاته
أحببت أن أنقل لكم معاناتي مع مركز الغامدي لصيانة السيارات بحي النسيم ، وما حدث لي فيه من معاناة ونصب من عمال لا يخافون الله ، ولا يوجد من يردعهم ، للأسف الشديد .
قصتي حدثت يوم السبت الماضي الموافق 8 / 8 / 1432هـ ، حصل مشكلة لسيارتي من كابرس 2005 في الماكينة حيث ولعت عندي علامة التشييك على الزيت ، وصرت أسمع معها صوت في الماكينة ، قدر الله علي وذهبت الى ذلك المركز وهو مركز الغامدي والذي يقع في حي النسيم ووصفه شارع المعارض باتجاه الجنوب الإشارة الثانية تقاطع مع شارع أحمد بن حنبل يسار تتجه شرق يأتيك المركز على اليمين بعد مئة متر تقريبا . استقبلني نصاب سوداني يدعى أحمد وقال خبرتي 24 سنة في المكانيكا ووالله أنها في النصب والاحتيال وقال المشكلة في طربمة الزيت وسوف انظف لك الصفايات وأعمل وأكلني بالكلام المعسول قفلت يا ولد وين الله جاب لي (هاالنشمي الشقردي )
متى تخلص السيارة يا أحمد ؟ قال الثلاثاء مساءاً وسيارتك معك . اتفقنا . المبلغ 600 ريال .
مريت يوم الأثنين وسيارتي ما عملوا فيها شيء ، فمشيت وقلت هم أبخص .
جاء يوم الثلاثاء والسيارة تغير مكانها فقلت أكيد أنها في التشييك النهائي ، فقابلت أحمد ..هاه أحمد عسى الموتر خلص . قال والله الى الآن إنشاء نتصل عليك الليلة . ولا أتصل . فقلت لعلهم بكرا وكل تأخيرة فيها خيرة . الاربعاء ما فيه شيء لا إتصال ولا غيره جاء يوم الخميس مريت ، قال جالسين نربط فيها الليلة نتصل عليك على الساعة 9 . ماشي
لاأتصل ولا هم يحزنون ، جاء يوم الجمعة العصر وذهبت وقالوا السيارة جاهزة . قلت الحمد لله . وين أحمد ؟ قالوا اليوم إجازة . وعندما شاهدت سيارتي فإذا فيها أشياء متغيرة ، مثل عفطة في زاوية الكبوت ، قلت أيش هذي ؟ قالوا بكرا يجي أحمد وأسأله . قلت خير إنشاء الله ، ويوم شغلت الموتر إلا فيه تغير بدقة السلف . اللهم طولك يا روح . ويوم حركت الموتر للخلف وقدام إلا موتري ثقيل .
عموما ما أطول عليكم طلعت من عندهم ولا أعطيتهم ولا ريال ، وقلت خلهم هم الي يشتكون
، وأنا ماشي شغلت المكيف ، فوجدته حار !! مريت الصناعية على أقرب محل تصلح فريون ، فعمل كشف ووجد الليات مقطوعة ، وقبل ما ادخل الموتر عند النصاب أحمد كان المكيف بارد وشغال .عموما صلحته بــ 200 ريال .
رحت لمحل توضيب قير فقال عندك الحساسات خربانة ، وعداد السرعة لا يتحرك ، وش الي صار ، كلها من النصاب أحمد .
وهذي معاناتي مع هذا المركز ، والذي أحذر الأخوة الكرام بعدم التعامل معهم وخصوصا في فحص السيارات عند البيع والشراء ، لأن سعرهم أرخص من غيرهم ولكنهم دجالين نصابين ، فالحذر الحذر منهم .
وعسى الله يعوضنا خير .

الحمدلله على السلامة يالغالي تأكد لايكون المندس احمد نايم في المرتبه الخلفيه ؟؟

بعدين انتبه يماني / سوداني لاتعطيه حلالك الا اذا هو مجرب ومعروف والواجب تمر

على اكثر من ورشه قبل التصليح لتحديد العطل ,, تحياتي

الله يعينك لكن نصيحة مجرب في صيانة السيارات ابعد عن السوداني واليمني والسوري الخبرة عندهم ضعيفة جداً والبعض منهم ذمته واسعة .

الهندي والفلبيني والبنجلاديشي هم الأفضل .

الأخ الفاضل :

عضو في المنتدى

شكرا على تعليقك ، واسعدني مرورك .

أنا مثلك لعب في سيارتي سوري .. في الصناعية القديمة يصلح مكيفات .. واسمه مصطفى .. غشاش رقم واحد ..
ويأخذك بالكلام المعسول ..

فعلا لا تسلم سيارتك لمثل هالأشكال اللي ما تخاف الله ..

كان الله في عونكـ ..

اخي عبق الماضي

شكرا على النصيحة ، وأسعدني مرورك الرائع.

في المدينه عندي هندي

شئ مو خربان مايسويه

يحاول يصلح الضرووري فقط

وسعره رخيص وعنده اربع عمال

فيه اجانب عندهم امانه لاكن قله

السلام عليكم ورحمة الله وبركاته

أستاذي الكريم : أولاً وقعت أنت في خطأ كبير حينما خرجت من الورشة وهي في هذه الحالة
فكان من المُفترض بك إحضار هذا السوداني أو محاولة إيقاف سيارة الشرطة أو ترك السيارة ورفع شكوى في قسم الشرطة وسوف يتم إحضار هذا الشخص وشرح المشكلة كاملة من أضرار لحقت بسيارتك ...

ثانياً أنت بهذا التصرف لم تضر نفسك فقط ولكنك ستضر غيرك بعدم مُطالبتك بحقك وكشف التلاعب من قبل هذه الورشة , لأن من أمن العقوبة أساء الأدب فكيف بالله عليك تتأدب هذه الورشة دون أن يقدم أحد شكوى ضدها رسمية

عموماً حمد لله على سلامتك وخذها قاعدة من الأن عندما تذهب إلى ورشة قم بعمل فاتورة وضع النقاط على الحروف بتشييك سيارتك من المكيف إلى الصدامات وغيرها إنها سليمة حين تسليم السيارة بهذا تضمن حقك إن شاءالله

طبعاً ردي هذا إن كان فعلاً ما حدث في هذه الورشة من تفاصيل حقيقي لآننا لم نسمع من الطرف الأخر

السوداني هذا شكله هو الكسبان لانه شلح سيارتك تأكد من بعض القطع بسيارتك من الكبمرسور وغيره تراهم ياعالم مجرمين يسرقون الكبمرسور والدينمو والسلف وغيره ويركب مكانه واحد عنده تعبان يمشيك كم يوم بس
بعدين وشلون من اول ورشه تمر عليه تصلح سيارتك عنده شيك على اكثر من واحد ولا تستعجل وشغلتك بسيطه يعني ماتحتاج تخلي السياره عندهم
انا سيارتي ددسن وماعمري خليته عند ورشه الا يوم احتاجت توضيب
كل شي اخليه يصلحه قدامي لاانهم حراميه
الله لايوفقه الزول انا ساكن حوله وكل مامريت من عنده القاه جالس يفحص سياره
فيه ورشه سوري رجل خلوق وكبير بالعمر وقنوع مره يشتغل هو واخوانه واذا ماعرف المشكله يقولك ماعرف اسمه علي ورشته بالنسيم شارع النخيل

أنا قاعدتي في تصليح السيارة أصير لصقه عنده إنش اء الله تسكر الورشة وأرجع له اليوم الثاني
طرمبة زيت = ساعة ونصف فقط شغلها

وش اللي تعال بعدين

نصيحة يا أخوان سيارتك صلحها من بداية اليوم الصباح = 8صباحا مهما تطول الشغله راح يمديك وأنت عنده