كنت أتصفح لأحد مواقع بيع السيارات فوجدت هذه التعليقات التي تدل على مرارة التجربة وكل هذه التعليقات كانت على موضوع شكل الفورتشنر الجديد 2012

نتابع التعليقات :


خلوها تصدي شعار الشعب هذا اكبر شركة ابتزازية تاكل اموال الناس بالباطل السيارات شغل استرالي ممعفن انا اخذت سياره من عبد اللطيف ونصيحه يا اخوان لا احد ياخذ كلفتني 106000الف ريال وممشاي 30الف وكل يوم عطلانه وقسط 2000ريال على الفاضي وما تقدر تسترجع السياره بظهرك لين تخلص وتخلص روحك = من القهر تهريبات زيت خربات كهربائية والعذر عيب تصنيع طيب اذا السياره عيب تصنيع ليش ما ترجوعوها للمصنع ويتحملها المصنع وهذا كله تدليس وكذب واحتيال من ابو جميل الله لا يرحمة ما رحم الناس ولا الى محتاج سياره يدبسك ويتعذر بأعذار واهيه ممضلله بالمواطن المسكين الى ما وراه سند ولا طهر ووزارت التجاره نايمة ولا هي ترتشي ومتتكلم على النصاب ابو جميل اكل مال الناس بالسحت روح وشوف سيارات السودان وتعال قارن ولا فيه مقارنه رغم انها دولة حنا احسن منهم في التطور ليش النصاب هذا ما يوقفوه عند حدة ويلزموه بالجوده والمعايير (وعلى فكره دفرنس الكامري الخلفي 8مساميرمقاس اربعة عشر14 ولو تنفك عليك وانت مسرع رحت والله يرحمك اربع من اليمين وابع من اليسار ولى مومصدق يقدر يفحص السيارة ويعلموه ويشوف على الطبيعه وكم حادث صار بسببها وتتطاير الكفرات الخلفيه )وعذرهم المصنع العيب التصنيعي والدول المتقدمه تمنع دخول اي منتج من السيارات ما يتوافق مع انظمة السلامة والمعايير فأنتبهو يا اهل القلوب السليمه الي على نيتها والله يحفظكم
///////////////////////////////////////////////////////////

للي يشري من تويوتا مسكين مع احترامي للشركة تويوتا الأم اليابانية
اقصد من النصابين الموزعين والا اليابانين ارحم من هالمشافيح
////////////////////////////////////////////////////////////

على شكله ذا راح يلعب لعبته ابو جميل ويصك الناس بمبلغ لايتجاوز 135000الف ريال وماراح ينزل كميه كبيره على شان يقولون ان المصانع ماتغطي لبقية الدول وماجانا الا كمية بسيطه الله يخلف علينا كنا رحنا لعبة بيدين التجار وحسبي الله ونعم الوكيل على من كان السبب ورا زيادة الاسعار وعلى الشريطيه اللي مايخافون الله >>>>>>>> يتكلم عن الفورنتشنر 2012
/////////////////////////////////////////////////

على فكره انا صارلي موقف في احدى معارض الرياض بحي النسيم دخلت معرض وسئلت عن جيب كان واقف عندهم من نوع برادو موديل 2008 فل كامل ولونه ابيض ماشي 28000الف كم المهم قلت بكم الجيب تتوقعون وش قالي احد الشريطيه عاد الشريطيه مجتمعين بالمعرض يتقهوون ونقز واحد وقالي هذا 130000الف ريال عاد رديت عليه وقلتله سلامات يا الاخو تراه 2008 قال ايه ادري بس المصانع باليابان مقفله وماراح ينزل موديل 2012 قلت انا وش دخل ذا وبذا قال والله هذا سعره قلت انا اقول طقله برواز وحطه عندك بالمكتب وتحضنه حسبي الله ونعم الوكيل والشله اللي جالسه يضحكون ضحك موب طبيعي انا ما قول الا حسبي الله ونعم الوكيل صاروا الشريطيه يقفلون المصانع اللي باليابان ويفتحونها على كيفهم
//////////////////////////////////////////////////////////////

يا اخوان انا انصح ان الي يفكر ياخذ القرمبع ذا يوخر عنه هاذا هايلوكس مهب جيب
والله اني طلعت واحد وكالة 2011 الاربعاء وصدمت عليه السبت وكان توه ماوصل الف كيلو الموتر كل الواجها راحت والارباقات طلعت وماعاد ينبغى بريال انا بحياتي ماصار لي حادث الحمدلله لاكن الموتر خرااابيط مافيه انظمت اماااان زفت لاخر درجه حتى الايبي اس مافيه
///////////////////////////////////////////////////////////


تحياتي
جمع وإعداد قاعدلهم

نشر بصفحة مقاطعة على الفيس بوك