ارشدوني تكفووووووووووووون !!!(بخصوص تاخر مكتب استقدام)

**ام عبودوحمود** · 04-05-2011, 03:51 PM

بسم الله الرحمن الرحيم
يا اخواني وربي ميته قهر
مقدمه على شغاله لي تقريبا 8 شهورالا شي بسيط
من مكتب عالم الخبره اللي بالدمام
اول شي قالو ماتطول احنا نجيب خدم يتراوح وقتهم من 3 اسابيع لشهرين واكيد بنجيبها لكم قبل000000
وسحبو فيينااااا بالاخير قبل شهر ونص طلبو منا زياده 1500 عشان اندنونيسيا مو راضيه سكتنا وقلنا ما بندفع
وبعد 3 اسابيع قالو تبونها تجي بسرعه ادفعوا ماتبون بكيفكم الخيار بيدكم
طبعا راح زوجي ومعاه ال1500 تفاجئ الا والمحترم صاحب المكتب يقول تو اليوم الصباح صار المبلغ2000 يعني صار المبلغ كااااااااااااااامل10000 ريال
يعنيييييييييييييييييي شوف القهر ولا000 الشرط الجزائي الغاه اللي بالعقد وطلع لنا ورقه من الغرفه التجاريه انه اي واحد استقدم بفتره حددها خلال سته شهور يلغى الشرط الجزائي اللي هو ان المكتب يدفع لنا عن كل يوم تاخير مبلغ وقدره(30 ريال ) لحد اليوم اكلمهم يقولون الاسبوع الجاي الاسبوع الجاي وربي قرررررررررررررررفت منهم
ابي طريقه امرمطهم فيهااااااااااااااااا تكفوووووووووووووووون
ابي طريقة اشتكيهم وين اروح وش

المطلوب تكفووووووون

وربي يفرج عليكم جميعا ويفرحكم وينولكم اللي تتمنونه

**كرامة انسان** · 04-05-2011, 04:28 PM

مفروض الله يطول بعمرك من يتعدى الشهرين تطالبون بحقكم وماتسمعون لتصريفاته اما الحين بعد 8 شهور عساك بس تستردين الي دفعتيه وبعدين على اي اساس تدفعون زيادة ماهي مضمنة من العقد؟

**ام عبودوحمود** · 04-05-2011, 06:10 PM

تسلم على الرد ما اقدر اقول للزمن ارجع
عشان اعدل بالغلط
الحين ابي شي يبهذلهم حتى لو جابوا لي الخدامه ابيهم يتشرشحون0000 لان المماطله تقهر
لو قالو بعد سنه نجيبها بصدق
ترى اهون من انهم يقولون بعد اسبوع- بعد اسبوع-بعد اسبوع لحد بعد فتره ونصير سنه
بس تو الحين يقولون باختصار تبون تشتكونا روحوا اشتكوا
فيه احلى من هذا الرد
عارفين انهم ما رح يتضررون ابد

تكفون الحححححححححححححل

**جمرة غضا** · 04-05-2011, 06:26 PM

حياك أختي ويرزقكم بعاملة بنت حلال تخاف الله بكم ..
اغلب من قدم على اندونيسيا يعانون من تاخر خداماتهم .. أعرف ناس من شهر رمضان الماضي مقدمين , ولا جت لهم إلا من شهر تقريبًا , ومثلك أختي دفعوا زيادة 1500 ريال .. ولكن المتسبب بالأغلب هو الجانب الاندونيسي
(مستقوين جعلهم للضعفه )
لكن عند حدوث مماطلة من مكاتب الاستقدام أو مشاكل فمكتب العمل يكون الحاسم بينهم بامكان العميل تقديم شكوى على مكتب الاستقدام عند مكتب العمل..
أعضاء عندنا بالمقاطعة واجهوا مشاكل مع بعض المكاتب وتوجهوا لمكتب العمل وحسم امرهم بإسترداد أموالهم وبعضهم استلموا مبلغ غرامة التأخير بعد
امثله
https://www.mqataa.co/vb/showthread.php?t=9455

وهنا أيضًاhttps://www.mqataa.co/vb/showthread.php?t=24962

**جمرة غضا** · 04-05-2011, 06:31 PM

عذرا منك اختي اضفت عبارة (بخصوص تاخر مكتب استقدام)

**ابو عزوز وحمود** · 09-05-2011, 07:03 PM

ولا يهون مكتب الامباط الي مقابل مدينة الملك فهد الطبية مقدم على سيرلانيكية من 5 شهور واول ما قدمت يقول شهرين ثلاثة بالكثير والى الان لا حس ولا خبر

**l Dr.X l** · 02-07-2011, 06:12 AM

وأيضا أحب أحذركم من ( مكتب البسام )

الرياض مقابل أسواق صحارى بوابة 4

خمس شهور مماطلة وتسحيب وآخرتها سحبت فلوسي بالقوة بعد أن أغلقنا باب المكتب على المدير وحلفنا بالله مانطلع إلا بفلوسنا أو بإقرار يبصم عليه المدير بإيداعه في حسابنا خلال يومين

قلعهم الله