تويوتا والوكيل عبداللطيف.

**xaymans** · 09-05-2011, 01:57 PM

السلام عليكم ورحمة الله وبركاته

طبعا كلنا عارفين الكامري عندنا في السعوديه وشكلها المتواضع, والوكيل عبداللطيف اللي كل يوم يطلع لأنها فئه جديده ( يركب انوار زينون ويغير الجنط ) ويقول هذي فئة جي ال ليميتد, واسعارهم النااااار وصيانتهم اللي ماعمري دخلتها بس اسمع الكثيرين يذمونها.

المهم ياجماعه اننا شعب مضحوك عليه من بعض التجار اللي مايخافون الله, والسبب إني قبل فترة رحت لماليزيا وشفت عندهم كامري بس الكامري اللي عندهم مختلف عن اللي عندنا, تفضلو الرابط وشوفوا الكامري حقهم.

http://www.toyota.com.my/camry/gallery/

اتوقع كل من شاف الصوره انقهر من هالشي وخاصة اللي شاريين كامري هالفتره !

وتفضلو هذا رابط موقع الوكيل عبداللطيف جميل وصورة الكامري حقته

http://www.toyota.com.sa/mh4.asp?model_id=4

شفتم الكامري كيف ؟ انوار زينون ! وجنوط وجناح وحركات !!

شايفين كيف التجار يلعبوا على الشعب ! شايفين الاوريون ( كامري ماليزيا ) اللي هي اصلا كامري وتنباع عندنا بسعر اعلى والكامري اللي عندنا اللي شكلهم مجمعينها في المستودعات وكل يوم يركبو اضافات ويقولوا موديل 2011 !!

احنا مشكلتنا شعب كسول مافيه حس بالمسؤوليه كل همه يجيه راتب ويتزوج ويرقد
المفروض نوقفه عند حده هذا ونقاطعه
والله لو الناس تقاطعه يعني لو لفتره, صدقوني راح يتأدب وتشوفون احلى عروض وافضل سيارات وافضل خدمات.. وفي جميع النواحي.. لكن شعبنا كل واحد همه نفسه للأسف !

صراحه شي يقهر وعبداللطيف هذا كيف يرضى يسوي كذا !

**Sa3uD** · 09-05-2011, 03:50 PM

صدقت والله ؛ حتى الموقع الإلكتروني للوكيل السعودي والماليزي يفترقان !

والله أنك تشعر بأن الأول تجاري ! حتى في موقعه الإلكتروني !

حسبنا الله ونعم الوكيل ...

**رفيع المقام** · 09-05-2011, 06:49 PM

http://www.toyota.com/camry/

@_@ أنا صحيح ما أقرب من وكالته ولا أشجعه
بس هذا الموقع الرسمي لتويوتا و الكامري نفس احس انه الشي @_@
صحيح اللي عندنا ماعنده سالفه عند اللي في الموقع
و أنه مايسوى داخليته حتى
لك خالص تقديري

**سلمان الجميري** · 09-05-2011, 09:22 PM

والله من الي فرعنك يا فرعون قال مالقيت احد يردني
عموما ابو جميل من الاعمدة الرئيسية بالبلد ولا ابن امه يقوله ثلث الثلاثة كم لانه يعرف قدره ولا يرفع راسه على اسياده علشان كذا لاعب بالبلد صح

**أسلوب 100** · 10-05-2011, 10:23 AM

اتوقع الكل يعرف أن اريون الموجوده بسوقنا هي سيارة الكامري المفروض تكون

والسياره الي يقولن عنها كامري هي سيارة ديهاتسون

**xaymans** · 10-05-2011, 01:05 PM

رساله للأدار
احب ابلغكم بأني لم انقل الموضوع !

**xaymans** · 10-05-2011, 02:09 PM

احنا دول عالم ثالث اكيد الشي الزايد يصرفونه عندنا