وصلني إيميل فيه صورة إلتقطها أخونا الأستاذ عبدالعزيز الخضيري فيه تحذير يبدوا انه من إدارة مغسلة ملابس.

التحذير ينبه العملاء لرفض المغسلة إستلام أشمغة جيفينشي بسبب رداءة صناعتها و تلفها مع الغسيل.




لذلك وجب التنبيه.

طيب على ايش السعر المرتفع جداً

كذوبين .. نصف اشمغتنا جيفنشي ، ودايم نغسلها بالمغاسل . وما جاها الا كل خير .

الا يمكن هم اللي شارين غسالاتهم من حراج بن قاسم ، وما فيها خيار (غسيل ديليكت) .

شكل راعي المغسله اخذ له كم طراق الين حرم يغسل شمغ
بصراحة اغلب الشمغ قلت جودتها عن السابق ..
-------------------------------
لكن حتى لو المغسله تحافظ على الشمغ و الملابس
انتم وش يضركم لو غسلتم الشمغ ببيوتكم
انظف لكم واصح ..
تعرفون وش بروس الناس قشر ولا قمل ولا بلا

المشاركة الأصلية كتبت بواسطة prime

الا يمكن انتم اللي شارين غسالاتكم من حراج بت قاسم ، وما فيها خيار (غسيل ديليكت) .

بت قاسم !وين هو بوه ذا السوق ؟

من كثر مايتابعون احداث مصر ,, صاروا يحسون مصري

يمكن فيه كمية مقلدة نزلت الأسواق و سببت مشاكل لهم.

في هذه الأيام كل شيء جائز.

المشاركة الأصلية كتبت بواسطة جمرة غضا التميمية

لكن حتى لو المغسله تحافظ على الشمغ و الملابس
انتم وش يضركم لو غسلتم الشمغ ببيوتكم

من ؟ حنا ؟؟

ولا انتم ؟

الشمغ هذي ما يعرف لها الا الغسال . لأن يبي لها اسلوب خاص والا تتلف .

بت قاسم !وين هو بوه ذا السوق ؟

من كثر مايتابعون احداث مصر ,, صاروا يحسون مصري

والله صرنا نِحسّ مصر !!

مهوب بس نحسي

من ؟ حنا ؟؟

ولا انتم ؟

الشمغ هذي ما يعرف لها الا الغسال . لأن يبي لها اسلوب خاص والا تتلف

لاهي بالحرير الطبيعي ولا بهي الصوف الكشمير
الشمغ تغسل باليد و بصابون سائل عشان ما يبهت اللون .. وتعصر ولا تنشف بنشافه .. النشافه هي الي تنتف خيوط الشمغ وتعدمها ..

المشاركة الأصلية كتبت بواسطة abuhisham

يمكن فيه كمية مقلدة نزلت الأسواق و سببت مشاكل لهم.

في هذه الأيام كل شيء جائز.

ممكن يا ابو هشام
وتلاحظون كل جمعه عند اغلب الجوامع تباع شمغ مقلده او مغشوشه بـ 10 و20 ريال ..
لكن ياهي جيده لتمسيح المرايات تخليها تبرق

يمكن فيه كمية مقلدة نزلت الأسواق و سببت مشاكل لهم.

هنا دور المتابعه في الشركة
ليه مايتابعون الاسواق وفي حال وجود مغشوش او مقلد لمنتجاتهم .. لما لا يعلنون ذلك ..
ويوضحون للعملاء الفوارق مابين المنتج الاصلي والمقلد ..

المشاركة الأصلية كتبت بواسطة جمرة غضا التميمية

لاهي بالحرير الطبيعي ولا بهي الصوف الكشمير
الشمغ تغسل باليد و بصابون سائل عشان ما يبهت اللون .. وتعصر ولا تنشف بنشافه .. النشافه هي الي تنتف خيوط الشمغ وتعدمها ..

يا سلام عليك ، نعم هنا المشكلة ، تمازج الألوان في الشماغ وهذا يخرب لونها وشكلها، والتنتيش اللي يدمر الشماغ . مثل العبي لازم شامبو احمر وغسيل يد .

غسيل اليد وصابون سائل ، لكن من اللي فاضي من الحريم او الشغالات يغسل باليد هالوقت / هلحين يالله غسالات اوتوماتيك ، ينتظرون الغسالة توقف عشان يجون ينشرون الغسيل شوي .

وصعبة على كل السعوديين يتزوجون وحدة مثل نانسي عجرم ، مغير جالسة على الطشت تفرك بيديها هالغسيل الله ياجرها ، وتقول : ما فيش حاجة تيجي كده ، اهدى حبيبي كده

هنا دور المتابعه في الشركة
ليه مايتابعون الاسواق وفي حال وجود مغشوش او مقلد لمنتجاتهم .. لما لا يعلنون ذلك ..
ويوضحون للعملاء الفوارق مابين المنتج الاصلي والمقلد ..

ايهيهي ... من هم اللي يتابعون المنتج المقلد والاصلي؟
لا أبد ، كان علينا ، حنا متنازلين عن المتابعة بالنسبة للشمغ !

خلوهم يتابعون ما ناكل ونشرب ، ونكون ممتنين ليوم الدين .