ايه هين زين مايسوون نظام جديد زي ساهر يلهف جيوبنا

قال اسقاط قروض المواطنين قال!!

يا سلام يا ليت والله


خالي متسلف منه 150 من شهر 10 وإلا اليوم ما قدرت أوفيه

راعي المغسلة يطلبني 24 ريال

البقالة 52 ريال

البنشري 10 ريال عشان اللستك عندي كفر مرقوع كله من وين اجيب كفر جديد اسرق مثلا



ساهر بعد التدبيل 1200 ريال مع تسديد بعضها والمخالفات ثنتين بشارع الاحساء بالرياض على 300 ريال بسرعة 76 والثانيه 81 والمخالفة الثالثة بطريق الملك خالد بسرعة 78والسرعه المحدده 70 لو فيه مرونة زي العالم والناس كان علي مخالفه وحده



وأمس المرور معطيني مخالفة وقوف خاطئ ليه هو فيه مواقف متوفرة أو فيه وسيلة نقل أخرى افتك من هم الموقف ويقول ايش احمد ربك ما سحبناها يا رجال لو مانني موقف ملحم بالجدار ولاف الكفر ما تركتني وسحبت غيري ومواقفهم معقولة شوي



يا ناس أنا عمري 20 وطالب بدون مكافأة وديوني الخاصة 1604ريال


بالله كيف بعيش والحمد لله متسلف من خالي لو غيره توهقت ولازم اردها ولو ما رضى


الحين اذا جت بيدي 150 اوفي خالي والا المرور عشان ما تتدبل 300


الله يعين يا رب العالمين بهذي الليلة المباركة أصلح حالي وحال المسلمين

نسيت ابوي الله يحفضه مسدد عني مخالفات 1600 ريال وحده ساهر 500 ريال

ووحده قطع اشارة بالظلم ورى الاشارة نقطة وبعدين ما فيه توقيت عشان اعرف يعني اسحب الجلنط واخلي الهيكل يطير من محله عشان اوقف ووحده عدم حمل رخصة والاخيرة عدم ربط حزام مدبلة


ونسيت خويي دافع عني 100 قطة الاستراحة ههههههههههههههههههه يلعن الوهقة صايره 1704 ريال


ارفع راسك انت سعودي غيرك ينقص وانت تزودي


اييه هين

كل على همه سرى وانا على همي سريت

النفط لهم ما قلنا شيء

بس نبي قطعة ارض اليست المملكه اكبر دول الخليج مساحه
لماذا المواطن لا يمتلك ارض قبل ان يمتلكها .....؟؟؟

والله أحس كأنهم يتفننون كيف يخترعوا أشياء تشفط جيوب المواطن

والمواطن موب ناقص شفط .


















والحين..

كملت في وجود ساهر