المجال هنا مفتوح لكل من تعرض لأسلوب من اساليب العمالة المختلفة للخداع وذلك من أجل أن تعم الفائدة وأنا أولكم وسأبدأ بما يحضرني الآن وسأوافيكم بالجديد بين الفترة والأخرى
1- كثير من البائعين في البقالات يزيد في سعر السلعة ريال أو ريالين وخصوصا في الأشياء الكبيره ولا تستهين بهذا المبلغ فكم يشتري من البقالة خلال اليوم الواحد واضرب في ريالين واضرب في 30 يوم واذا شافك تدقق في السعر قالك (كل شي غالي ذالحين) واذا قلت له لكن انا حصلت السلعة ذي بمبلغ أقل عند محل ثاني ادخلك في دوامه من الألغاز(الموزع-التاريخ-الإيجار-الكهرب-الإقامه-جدته -الخ الخ
2-اذا ارسلت ولدك للبقالة بفلوس غير محددة لشيء معين وبسعر تعرفه سابقا فالله يخلف عليك هذا إذا ما أخذ الفلوس من الولد ونفخ فيه وقال انت مايعطي فلوس وهذا حصل مع واحد من اولادي ومن حسن الحض انه طلع ذيب ونطل بضاعته في وجهه وقال رجع الفلوس والا ارجع ذلحين لأبوي واقوله قال العامل الثاني له رجع الفلوس (احسن بعدين مشكلة) ورجعله الفلوس وترك المقاضي وشرا من بقاله ثانيه وما علمني الا بعد اسبوع
3-لاتشتري شامبو إلا من الصيدلية فكثير من الشامبوات مقلده ومعبأه يدويا والمسألة سهله خذ صابون غسيل اليدين بأي لون مطابق للون الشامبو المطلوب من الأحجام الكبيرة 10 لتر و20 لتر واضف لها كم علبة شامبو اصلي حتى تاخذ الريحة ثم عبي و وبع وبع وبع (لاتقلي من فين علب شامبو فاضيه فلهم ايادي خفيه لإيجادها لايتسع المجال لذكرها)
4-والبقية قادمة

مسأله الشامبو صحيحه اخوي



انا مره اشتريت شامبو من بقاله لقيته خفيف جدا جدا جدا كأنه مويه

شامبو برت بلس




الظاهر يستخدم منه ويعبيه مويه


بس رجعت له وصارت مشاكل وكان عنده كفيله ومارجع حقي الا بعد السب والشتم

صدقت، وبعد عند تعبئة البنزين على الطرق السريعة، انتبه للباقي.

ماحولك احد يالله المستعان

طيب ما أحد جرب طريقة أخرى



أخذت أو بمعنى أصح سرقت سيارة خالي حقت الأمانه ددسن غمارتين



المهم رحت لابوزكي وانا احب اناظر كيف يسوي المهم جيت بحاسب قال لي على حسابنا هالمره



ركبت السيارة ورجعت ولقيت خالي عند الباب يبي يروح الدوام ويحسبها انسرقت



وببالاخير قلت له الرد منه






وبالاخير ترقبوا الفيلم في د.كيف بشتري طلب على اني مصري وبرجع اشتري بالزي السعودي


عاد الشكل واللهجة بتضبط وبشوف هم يبيعون للاجنبي بسعر والسعودي بسعر والا لا

صحيح هالملاحظة معروفة انهم يبيعون لبني جلدتهم بسعر اقل وماخفي كان اعظم

قرأت مرة أنهم ينقصون من صندوق البرتقال بحيث مايبين النقص ويبيعون أقل من جارهم والكيلو اللي نقصوه يبيعونه لحاله وبكذا مايخسرون بل مكسب زيادة ولو ريال.

أيضاً : البيع بنص القيمة للأجنبي أيا كان وللسعودي المغضوب عليه عندهم الضعف الله لا يبارك لهم.

اليوم رحت المكتبة واسمع عامل يقول لآخر أنا أحمل له بالدباب بعشرة ريال !! قلت فقلبي الله وأكبر عليكم أنا يوم اطلبهم للتحميل مايقل عن 30 ريال لا والدباب صغير..

وغير ذلك كثير..الله لا يربحهم بيعلمونا على الشك وعدم حسن الظن .

فيه نقطة مهمة أثرتها وهي موضوع الشامبو المقلد فعلاً الشامبو ومعاجين الاسنان والصابون بل قل كل شيء تجده بالسوبرماركات والأسواق فهو مقلد وعندي طريقة اكتشفت فيها انه هذه الأشياء مقلدة بالنظر لها فقط . الله لا يربحهم

شكراً على الموضوع المهم.

ارجوا من الجميع أن يعرض أساليب الخداع في كل المواضيع(سيارات-أدوات كهربائية-مطاعم-منادي(جمع كلمة مندي)- مخابز-ملابس وأقمشه-اكسسوارات-عطور-قطع غيار....الخ

ماتلاحظون ياشباب انه اذا كان بالمحل اثنين هنود أو بنغاله وسألت واحد منهم عن سعر شيء يجاوبك واذا شافك رحت عند خويه (برجم عليه)من بعيد ,,,,,وانا اقول اول مايسوون الحركة ذي اعرف انهم نصبوا عليك ويبغون يوحدون السعر حتى لا تكشفهم لأن هناك فائدة يجنيها فوق المكسب الحقيقي تخش جيبه هو وخويه
وعلشان مايكررونها معاك هذي الحركة اترك بضاعتهم وقل مره ثانيه انا ما أشتري منكم صدقني المرة الجاية تجي عندهم مايسوون هذي الحركة

لان السبب ... وببساطة تامة ...

“من أمِن العقوبة «أساء الأدب»”.

السلام عليكم،

ستشفى صدوركم ايها الأعزاء وتطيب انفسكم بالتالي، فانتم عملتم بالأسباب ويبقى التنفيذ على المسؤولين سواء كانوا اصحاب اموال او حكومات، وبعد ذلك سيأتي الحساب فقد توعد الله العدل عز وجل المطففين بالهلاك والبوار في الدنيا والآخرة ، ويتمثل العقاب بالدنيا الخسران المبين في التجارة ، وفقد ثقة الناس بالمطفف ، وعقاب الآخرة أشد وطأة من عذاب الدنيا ، فيوم الحساب العظيم يحاسب فيه الإنسان على مثاقيل الذر ، وكفى الله حاسبا وعادلا .

تدبروا الآيات:

يقول الله العزيز الحكيم جل جلاله :

{ وَيْلٌ لِلْمُطَفِّفِينَ (1) الَّذِينَ إِذَا اكْتَالُوا عَلَى النَّاسِ يَسْتَوْفُونَ (2) وَإِذَا كَالُوهُمْ أَوْ وَزَنُوهُمْ يُخْسِرُونَ (3) أَلَا يَظُنُّ أُولَئِكَ أَنَّهُمْ مَبْعُوثُونَ (4) لِيَوْمٍ عَظِيمٍ (5)} (المطففين).

{ وَأَوْفُوا الْكَيْلَ إِذَا كِلْتُمْ وَزِنُوا بِالْقِسْطَاسِ الْمُسْتَقِيمِ ذَلِكَ خَيْرٌ وَأَحْسَنُ تَأْوِيلًا (35) وَلَا تَقْفُ مَا لَيْسَ لَكَ بِهِ عِلْمٌ إِنَّ السَّمْعَ وَالْبَصَرَ وَالْفُؤَادَ كُلُّ أُولَئِكَ كَانَ عَنْهُ مَسْئُولًا (36) وَلَا تَمْشِ فِي الْأَرْضِ مَرَحًا إِنَّكَ لَنْ تَخْرِقَ الْأَرْضَ وَلَنْ تَبْلُغَ الْجِبَالَ طُولًا (37) كُلُّ ذَلِكَ كَانَ سَيِّئُهُ عِنْدَ رَبِّكَ مَكْرُوهًا (38) }( الإسراء ) .

{ وَإِلَى مَدْيَنَ أَخَاهُمْ شُعَيْبًا قَالَ يَا قَوْمِ اعْبُدُوا اللَّهَ مَا لَكُمْ مِنْ إِلَهٍ غَيْرُهُ وَلَا تَنْقُصُوا الْمِكْيَالَ وَالْمِيزَانَ إِنِّي أَرَاكُمْ بِخَيْرٍ وَإِنِّي أَخَافُ عَلَيْكُمْ عَذَابَ يَوْمٍ مُحِيطٍ (84) وَيَا قَوْمِ أَوْفُوا الْمِكْيَالَ وَالْمِيزَانَ بِالْقِسْطِ وَلَا تَبْخَسُوا النَّاسَ أَشْيَاءَهُمْ وَلَا تَعْثَوْا فِي الْأَرْضِ مُفْسِدِينَ (85) بَقِيَّةُ اللَّهِ خَيْرٌ لَكُمْ إِنْ كُنْتُمْ مُؤْمِنِينَ وَمَا أَنَا عَلَيْكُمْ بِحَفِيظٍ (86)}( هود ) .

المصدر للمزيد:
http://www.israj.net/vb/t4771/