اسعد الله مساكم
ياإخواني هذه قصتي مع توكيلات الجزيره:
اشتريت من عندهم كراون فيكتوريا 2010 زيرو يوم مشيت 20000الف كيلو شب سقف السياره من الداخل وطفيته في البدايه وكل شوي ينزل علي دخان من السقف ولمبات السقف ماتشتغل ولمبات الريوس شغاله ولمبات الطبلون كلها والعه والسياره مطفيه شكيت ان السياره فيها ماس كهربائي وفكيت علبة الافيوزات وحصلت افيوز ذائب ونزلته ورميته ووديت السياره لوكيل توكيلات الجزيره في الطايف(الثمالي)الزفت وقابلت في الاستقبال موظف سعودي لابس ثوب ملون له سنه ماغيره وشرحت له المشكله وقالي خلي السياره عندنا ونكشف عليها ونرفع للفرع الرئيسي في جده ونتصل عليك جلست السياره عندهم خمسه ايام ولااتصل عليه المعفن ويوم جيتهم قال جانا الرد من جده قبل يومين قلت ليش مااتصلت بي قال والله اتصلت مارديت علينا الكذاب ماحبيت اطول الكلام قالي السياره فيها ماس كهربائي خطير والفرع الرئيسي بجده يقولون ان الضمان لايشمل الماس اللي حصل في سيارتي وسألته ليش مايضمنها الضمان ؟قال ماأدري؟وتهاوشت معهم لان الماس سببه عيب في التصنيع وانا ماقد غيرت اي شي في الكهربا ولاحتى زينون والمفروض منهم انهم يرضوني بأي طريقه بسبب عيب التصنيع وكمان المفروض منهم ان يعوضوني بسياره جديده بدل من السياره حقتهم الله لايوفقهم ولا يعوضوني بسياره مؤقتاً حتى يتم اصلاح خردتهم وعندما اشتد الجدل اتى المدير وقال ابشر خلي السياره عندنا وحنا نصلحها قلت طيب والان السياره عندهم لها 12 يوم ولافكوا فيها مسمار واحد ويقولون زحمه والسياره بتاخذ وقت عندنا قمت اتصلت على الشركه في دبي وشرحت اللي حصل معاي وقالوا انهم بيتابعون مع توكيلات النصب في جده مع العلم اني اتصلت اكثر من الف مره على الصيانه في جده ويرد عليه مأمور السنترال ويحولني على تحويلات ماحد يرد عليها وكمان اتصلت على الرياض وما عندك احد ولا احد يعبر مادري انا فين اروح؟ غلطتي اني ماخليت السياره تولع الين تصير فحمه واطالب شركة التأمين بالتعويض بالقيمه او سياره جديده بس خفت انهم يمكن يكونون نصابين وانا الضحيه في جميع الحلول, ايش اسوي يااخواني مع هذا الحظ الطايح؟؟؟؟؟؟؟؟؟؟؟؟

السلام عليكم ورحمة الله وبركاته

كل عام وانتم بخير

اليوم الصبح جالس مع واحد من الشباب وحكى لي قصه حصلت

مع صاحبه

صاحبه الله يسلمكم شراء جمس جديد وعمل صيانه مرتين في الوكالة

حسب الجدول وبعد بفتره وقف ولا راح للصيانه بعدها خربت السيارة

وداها الوكاله قالوا له المكينته تحتاج تغيير قال طيب بدلوها على الضمان

قالوا له لا انت ما مشيت على جدول الصيانة بالتالي سيارت حتى لو

ما عدت 100 الف كيلو او 3 سنوات يعتبر الضمان لاغي!!

قال لهم عندكم غير الكلام هذا .. قالوا له لا

راح البيت شغل الكمبيوتر وراسل الشركة في دبي

رجعت الوكالة هي اللي تطرد وراه

غيروا له المكينه واصبح من الناس اللي اذا دخل

الوكالة يهزها هز

الشغلة بسيطة جدا مجرد ايميل او اتصال

وبس ..