السلام عليكم ورحمة الله وبركاته
والله يااخواني ويااخواتي رحلتي خلال العشرين سنه الي راحت كان لها العجب وماتوقعت في يوم اشارك فيها احد بس كل ماطرت على بالي ماادري اضحك ولا ابكي بس الله يعطينا طولة العمر والصبر والى الان مازال عندي امل ... قولوا ماشاء الله
والله يااخواني اتوقع اني من يوم اتولدت وانا حلمي في الهذه الدنيا اني اتملك منزل وللامانه ماودي اي منزل يعني موشقه احشر نفسي فيها وعيالي على الاقل دور شرح تدخله الشمس ومو لازم طراز ملكي بس على الاقل يليق بالقيمه الثقافيه والمكانه الاجتماعيه والانسانيه اولا واخير وبدت رحلتي من مصروفي الدراسي وصرت اجمع من شيكات الجامعه واقتصد في المأكل والمشرب مع العلم اني سيده ولي احتياجات وصرت ادرس واشتغل اترجم للطالبات اعطيهم دروس اكتب بحوث ومابين تجميعي وصرفي على احتياجات اهلي واخواني احيانا للامانه ومابين سندويشات الجبنه والزيتون طبعا اكل مطاعم مافي والوجبة الرئيسيه والوحيده هي وجبة الغدا في البيت وطبعا تغربلنا من ايجار لأيجار والحق كل واحد من اخواني لاهي بتعليمه ومتطلباته بس نرجع ونقول احسن من غيرنا طبعا الشيكات تجمعت تقريبا نصف المده الدراسيه تدرون وش يعني مراهق او مراهقه يحرمون نفسهم من المتع البسيطه بس عشان حلم العمر يعني معاناة بمعنى الكلمه المهم تخرجت وتوظفت براتب لاباس طبعا مازالت الخطه وهي التحويش والتجويع مستمره وتزوجت للأسف مع انه هذه الخطوه رجعتني عن خطتي عشرة سنوات ورا المهم ربكم كريم ماينسى احد الله رزقني بااربعة اطفال وجاب رزقهم معهم بس العقار في ارتفاع واحس انه الهدف كل ماله يبعد لكنى مازلت على الخطى اسير بايمان وثبات قدر الله لي بظروف صحيه اجبرتني على الاستقاله وللاسف هذا الشي بيعطل مسيرتي لتحقيق حلمي لكنى لم اتخلى عن الامل وصرت اشتغل على خفيف يعني اعطي دروس اكتب بحوث طبعا ماكان لأبو العيال اي دور في تحقيق املي على العكس تماما والمهم بلغت من العمر عتيا وكل الي قدرت اجمعه 300000 فقط لاغير وطبعا هذا المبلغ بالكاد يجيب شقه صغيره جدا بدون تكيف ولا اثاث ولا مطبخ لاحظوا هذا المبلغ كان ممكن يكون اكبر خلال هذه الفترة لكن ظروف المعيشه صعبه وغاليه يعني الواحد اذا مرض مستحيل يدفع اقل من 300 ريال بين كشف وادويه واذا بيقضي للبيت الضروريات فقط( سكر رز دجاج شاي خبز وجبن كاسات) مستحيل اقل من 500 ريال طبعا غير الغاز وقوارير المويه ومواد التظيف ةاقصد فيها صابون غسيل الملابس لانها صار لكل شي للاستحمام وغسيل الشعر والملابس والمواعين طبعا الملابس يالله لك الحمد من الكبير للي يجيه وراة يلبس بعده طبعا العيد حرام لازم جديد للكل هذا غير الاجار والكهربا والمويه طبعا للامانه لازم اذكر اني سعوديه ومن عائله طيبه والحمدلله وكلنا كدينا وشقينا بحكم اننا يتامى من صغرنا ولا سألنا احد او احتجنا احد ولله الحمد والمنه بس هذا مامنعنا من التحصيل العلمي والعمل منذ الصغر ... سؤالي يااخوان هل ترون انه من الحكمه اني اكمل في خطة التحويش ولا اهون دام الراس شاب ولا تقولوا افتحي مشروع الفكرة مرفوضه لأسباب كثيرة منها وهي الي درسناه لا تغامر براس مالك بذات في مجالات المراءة في بلدنا هنا صعبه وغير مضمونه الا اذا كانت مدعومه ... يمكن لو كنت رجال كان ممكن بس امراة ما اظن ... واخيرا ارجوا الا اكون محبطه وهذه اولا واخيرا ارزاق وأسأل الله الحي القيوم يرزق كل محتاج ويملك كل مستأجر ويديم علينا نعمة الايمان والصحه والصبر >
من منتدى عقار ستي

والله نموذج مشرف جدا وأسأل الله أن يحقق للأخت أمنيتها