رد ممتع و مضحك جدا في أحد المواقع

**روح الشرق** · 20-08-2010, 03:32 AM

في أحد المواقع كتب أحدهم موضوعا عن غلاء الأراضي وقلة الوظائف ... ألخ
ما أضحكني ليس الموضوع وإنما أحد الردود التي قامت بالرد على الموضوع فأحببت أن أنقله إليكم لإنه ممتع ومضحك جدا في نفس الوقت وإليكم الرد ....

__________________
اعتقد ان ارتفاع العقار بكل مناطق المملكه ...
بس عرعر حدث ولا حرج شريطية العقار يتسابقون على شراء الاراضي قبل نزول صكها .. واذا تعب فيها يشتريها بـ60 او 80 كاحد اقصى بالنسبة للاراضي الي منحوها باخر مره ... رغم ماهو مشتريها بكذا سعر يبيعها لك بـ 130الف ع الاقل .. يعني اقل مربح له على الارض الوحده 50 الف تقريبا !!!! << حلالهم ماقلنا شي .. بس نسو قول الرسول (المسلم للمسلم ) الطمع والجشع وحب الريال طغى على كل شي بالدنيا ..تجار عقار تجار قماش تجار غذاء مايفكر الا بالمربح وراس المال ...
:::::::::

والله انا لو على كيفي أأجر بيتنا الدورين الي بعرعر , وطلع من عرعر لا اطلع من السعوديه كلها ..
وشوف لي دولة موعربيه واهم شي تكون موعربيه و الريال السعودي له قيمة فيها وافتح حساب بأحد بنوك ذالدولة وخلي ايجار البيت ويصلني عليه واسكن باحد مناطق هالدولة الطبيعيه .. ورررررررررتاح من الطمع والحسد والخبث , والمشاكل الي تنعم فيها بلادي ...
... حتى زواج مابي اتزوج , يمكن المره تدبل التسبد في بعض تصرفاتها , وتعكر مزاجك ..

الزبده وش لك بطولت الهرج لو يحصلي مثل هذا مابي بلا

ولا مثل هذا

رااااااااحه نفسيه وجسديه واجتماعيه واقتصاديه ووووو الخ , وتدور على هايدي بذالمروج
... فكر بالموضوع وعطني خبر ونهاجر سوا ..وترتاح من غثا عالمنا السامج مع اني احب اعيش لحالي بس اخليك تسكن معي مؤقت لين ماتدبر وضعك بديرة الي نبي نسكنها , وعلوم عرعر واخبارها نقراها بالمنتدى ونعلق من بعيد لبعيد

**مـ قـ ا طـ ع** · 20-08-2010, 06:41 AM

**جمرة غضا** · 20-08-2010, 02:22 PM

لو ديرتنا خضرة وبراد , العقاريين يوصلون اسعار العقار فيها الى كم

**عبدالله بن علي** · 20-08-2010, 06:05 PM

نسأل الله من فضله
وياحول اللي ماعنده بريدة

**خالد 1** · 22-08-2010, 08:30 PM

تعليق ررررررررررهيب
ههههههههههههههههههههه

**مواطنه عايشه** · 23-08-2010, 12:33 AM

آخر رووووووووووووقان بس مخه نظيف وفكرة معقولة

**أبوخالد** · 05-09-2010, 11:55 PM

كثيرين مسوينها من زمان، نص شيابنا مهاجرين لأندونيسيا والفلبين وتايلند وأعرف ناس
هجوا لنيوزيلندا، لا وعندهم مكاتب عقار يبيعون ويشترون (الشريطي مايخلي طبعه)، أحيانآ
يجون برمضان يصومون ويسلمون ويهجون.

أسأل الله الكريم من فضله، يهودنا مارحمونا وهي صحراء قاحلة !! كيف لو مثل الصور ؟؟!.

**صرخة مستهلك عربي** · 06-09-2010, 09:31 PM

إي و الله يقولون فيه شمامره في نيوزلندا بعد عندهم حلال و فيه منهم عمدة مدينة و دكاترة جامعة

**جمرة غضا** · 06-09-2010, 09:49 PM

اقتباس:

المشاركة الأصلية كتبت بواسطة صرخة مستهلك عربي

إي و الله يقولون فيه شمامره في نيوزلندا بعد عندهم حلال و فيه منهم عمدة مدينة و دكاترة جامعة

الشمري اللي في استراليا له 32 سنه وعمده , يقرب للي بنيوزلندا؟

**naser alsane3** · 18-02-2011, 05:30 PM

هالاجواء الخضراء مافيه فرق كبير عن السعودية خاصة السحاب اللي في فوق الكوخ يوميا نشوفه في الدايري ...صحيح انه من شكامين الونيتات بس اهم الشي انه مثل السحاب