السلام عليكم ورحمة الله وبركاتة


أخواني أنا من ملاك نيسان وبالاخص ألتيما 2010 سمعت عن عرض نيسان الخياااااالي استخدمها ثلاث سنوات واستمتع بنصف القيمة ( أو شيء زي كذا ) وبصراحة بمجرد التفكير به العرض خيالي ولاكن كان معي قريب لي وقال : ياخي مستحيل العرض يكون كذا بدون شروط لانه الحمراني هو الخسران في هالحالة ..

وكنا نلف في الرياض .. قال : عندك شيء .. قلت : لا والله قال خلنا نمر الحمراني ونشوف وش السالفة ..


دخلنا وبعد ما سأل الموظف عن العرض وقال له : أنا بأشتري ألتيما ستاندر بكم تطلع علي ..

قال : تدفع دفعة أولى ما يقارب الـ 17000 وتقسط 820 شهريا لمدة ثلاث سنوات .. حسابيا تطلع عليك السيارة بـ 46500 ريال ولاكن ترجع السيارة لهم ( وهنا الزبدة ) فية شرط موب مذكور للعلن وهو أنه تكون السيارة ما تعدت الـ 90.000 كيلو وهو شيء شبة مستحيل للشخص الطبيعي وكل كيلو زيادة يحسب بـ 0,25 ريال .. وعليك الحساب ..

أو تدفع دفعة 38000 ريال وتأخذ السيارة ..

بالحساب الشخص الطبيعي راحي تعدى الـ 90.000 كيلو بكثييير فراح يقرر انه يشتريها لانه حرام يدفع فلوس ويعطيهم السيارة بعد ولاكنه بينصدم بالدفعة الاخيرة الكبيرة وهي 38000 ريال وحتى لو دفعت لهم الدفعة الاخيرة راح يكون سعرها 84500 ريال وهو بالظبط مثل سعر الالتيما بالتقسيط لمدة خمس سنوات ..




خلاصة القول إذا أنت راح تشتري السيارة وما راح تمشي كثير .. يعني اقل من 30000 كيلو في السنة يعني 82 كيلو في اليوم (بس ) .. العرض بيكون حلو لك ..

( وما أتوقع فيه أحد ما يتعدى الثلاثين الف في السنة ) << أنا مثلا لي شاري السيارة ما يقارب اربع شهور وطبلوني 17500 كيلو ..

وإذا أنت تتوقع تتعدى الـ 30000 كيلو في السنة اببببعد عن العرض ولا تخدعك كلمة نصف القيمة ..



ووالله ويعلم الله اني ماني حاقد على شركة الحمراني ولا الجبر أو سمسار لشكرة ثانية كل ما في الامر اني ابي النصح لأخواني المسلمين ولا ابي احد ينخدع بجشع التجار والي يبي يتأكد من كلامي يمر أقرب وكالة أو يدق عليهم ..

وأسف على الإطالة ولا تنسوني من صالح دعائكم ..


أخوكم / أمجد السعيد

أرجوا نشر الموضوع لكل إخوانك المسلمين ..

احسنت بارك الله فيك على النصيحة

وكنت هارف انه في الموضوع انا

والله يااخي رحت لشركة بالبيد ابي يوكن صغير كاش 12800 تقسيط يصل 18400 الدنياء مولعه كلهم حراميه

فكرة شركة نيسان رائعة وحلوة وفي نفس الوقت إستغلالي

إيجابي وسلبي

لماذا نحن دائما ننظر إلي جانب السلبي ولا ننظر إلي الجانب الايجابي

الجانب السلبي ... بعد 3 سنوات وعدم تجاوز 90,000 كيلو متر سهل تتطبيقه لأننا نحن سلبيين
في أستخدام سياراتنا ... في حياتنا اليومية ....
نجد الأغلب أوقات الصلاة نجد تزاحم السيارات عند أبواب المساجد أو حول المساجد وعندما نلاحظ
المصلي يسكن قريبا لا يتعدى مابين 300 400 متر ... لو حسبنا المسافة وعند كل صلاة يوميا
كم قطعنا من الكيلومترات .
أبنائنا يجوبون الشوارع بصفة يومية وأصدقائه دوران في الشوارع وفي الأحياء كم من الكيلومترات قطعناها .........
لماذا نذهب للأسواق والمراكز الكبيرة والبعيدة ... بالرغم هناك مراكز قريبة لا يوجد فرق في الاسعار .......

مشاوير بدون دراسة وإنما طفش وتضييع للوقت بالسيارة كم كيلوا قطعنا .............

الجانب الايجابي .. تقليل من استخدام السيارة لحسب الحاجة والضروريات وتقليل إزدحام

السيارات في الشوارع لو طبق كل شخص هذه الفكرة يستطيع تغيير السيارة كل 3 ثلاث سنوات ... ويرجع الفلوس ويشترى سيارة جديدة .

قبل كل شيء الحكم الشرعي لهذا العرض ارجو ان لا يغفله من اراد ان يشتري ؟
ثانيا دائم نقول احذروا من فنون التسويق اللي يسوقونها التجار ..يجمل يجذب يحلي ليسهل التصريف ليخرج التاجر كسبان.. لا تفكر انك راح تكسب يا مستهلك اكثر من التاجر..

فية شرط موب مذكور للعلن وهو أنه تكون السيارة ما تعدت الـ 90.000 كيلو وهو شيء شبة مستحيل للشخص الطبيعي وكل كيلو زيادة يحسب بـ 0,25 ريال .. وعليك الحساب ..

أو تدفع دفعة 38000 ريال وتأخذ السيارة ..

بالحساب الشخص الطبيعي راحي تعدى الـ 90.000 كيلو بكثييير فراح يقرر انه يشتريها لانه حرام يدفع فلوس ويعطيهم السيارة بعد ولاكنه بينصدم بالدفعة الاخيرة الكبيرة وهي 38000 ريال وحتى لو دفعت لهم الدفعة الاخيرة راح يكون سعرها 84500 ريال وهو بالظبط مثل سعر الالتيما بالتقسيط لمدة خمس سنوات ..

شكرا اخوي على الايضاح وفضح العرض .. ما اعتقد ان احد في الرياض فقط يستهلك 30الف في السنه !
كمدنيه كبيرة يسكن بالشمال اهله بالشرق عمله بوسط الرياض !

يعيطيك العافيه على التنبيه

جزاك الله خير

انا مقاطع للابد يعني مافيه امل اشتري

بس حلوه للي يفصل العداد ويمشيها مليون واذا يبي يرجعها يشبك العداد قبل التسليم بشهرين ويحذف المفتاح

في وجه الموظف وهو مبسوط

هذي لعبه وانا كنت ابي اروح لهم بس دام هذي سوالفهم مانبي منهم شي

ملعوبة ويازين الموظف اذا استعجلك على توقيع العقد بدون ما تقرأه

الكيلو ب 25 هلله ما ادري ليه يذكرني بشركات الاتصالات

شوف كيف الشركات تتفنن في النصب هذا يدل على الا تثق بأي وكيل أو شركه ثقه عمياء

وهذا صور من العرض

فصل الطبلون