حتى اسواق الاندلس اللي سلعها كلها سوريه وصينيه وتركية
وكان الواحد يتقضى لعائلته كامله لمناسبة عيد وخلافه (5 افراد مثلا )بمبلغ لا يزيد عن 500 الى 700 تضاعفت اسعارها 500 % عجبا ( الحين قطعتين تكلفك 300 او 250 اذا جلست ساعة تفاصلهم ( تشحذهم )
وابو يمن يقولك اعجبك السعر ولا فيه غيرك ؟؟؟؟؟؟؟؟؟؟؟؟؟؟؟؟؟؟
بالنسبه لي باقاطعهم دامني دافع دافع بروح للماركات وشي غالي بس سعره فيه
بدال ما يضحكون علينا.... عليهم ما يستحقون

لا والمشكلة كل المحلات بضاعتها وحدددددة يعني طقــم ..

أخوي الآن فيه تخفيضات بالاسواق لحق و اشتر منهم للعيد ..
ومع البحث الجيد راح تلاقي قطع حلوه وباسعار ممتازه
وهذا اللي سويناه انا و خواتي صراحه جهزنا ملابس العيد كامله من الآن..

على فكره فيه طريقه اسويها لاخواتي الصغار و هالطريقه يعملونها الاجانب (يعجبني تفكيرهم توفير ذكي) مثلا الآن احنا بآخر الصيف وملابس التخفيضات صيفيه يقومون يشترون ملابس لاولادهم بمقاسات اكبر وتحطها في الدولاب عشان تكون تناسبهم اذا الله عطانا عمر في العام القادم.. أنا اسوي هلطريقه اذا كان فيه قطع تسوى و تخفيضاتها مجزيه وتحديدا ملابس الطلعات و كذا..
اتمنى تفيدك فكرتي

القهر بضاعتهم تلقى نفسها في البطحا يعني الشاطر اللي اذا بغى الرخيص يروح للمحلات الشعبيه والماركات معروف مكانها
.. اجل يبونا نسدد عنهم اجار المحل والكهرباء وهي ماتسوى ؟

للعلم اغلب البضائع الموجودة في هذا السوق تحصلها في سوق حجاب واسواق مكه والبطحاء وبعض الاسواق الشعبية والاعجب من ذلك ان السعر احيانا ينقص 60% للمفرد وليس الجمله يمكن ما تصدق
لكن لعلمك كله مستورد من نفس البلدان اللي ذكرت يعني بالفصيح اسواق الاندلس مثلها مثل غيرها لاتصنع ولاتخيط

تحياتي للجميع
عزيزي صاحب الموظوع انت تطرقت لموظوع خطير جدا في نظري ويحتاج وقفه كبيره من الجميع
مثل ماتفظلت في السابق تكلفك قطع ملابس لخمسه اشخاص مبلغ لايتعدي 700 ريال تقريبا.الان مبالغ
تجيب لك اطنان ملابس من المصنع الرتيسي في بلد المنتج.
رغم وفرة انتاج الملابس علي مستوي العالم وتعدد الاشكال والالون
بختصار جميع الخيارات موجوده وبجميع الاذواق وفي متناول اليد للجميع
وتصدرها لك الصين والهند وتركيا وسوريا بئسعار زهيده
ايش الي حصل الان؟
العامل اليماني هو السبب الرئيسي في ارتفاع اسعار الملابس بشكل كبير جدا
حسب ماسمعت من اكثر من شخص انهم يجتمعون ويستاجرون محلات الملابس بمبالغ كبيره في السنه
وتفرج علي الاحتكار والتلاعب في الأسعار

اسمح لي ياخويا
انا واهلي مانشتري الا ماركات اضمن كفاية سعرها ثابت بكل الدول وخامة مضمونة
مو تشتري من محل قطعة لابنك وتلاقيها بمحل ثاني ربع سعرها
استغل الماركات وقت التخفيض انا اشتري تيشيرتات للاستراحات والبيت ومن محلات ماركة بثلاثين ريال من المملكة كمان بس استغل وقت التخفيض
وفيه محلات تبيع الباقي من الماركات وبسعر جدا قليل بس ماعرف فينها بالضبط يعني ممكن تلقى جينزات لاطفالك ماركة وبعشرين وثلاثين

يجب تدخل حكومي عاجل وفوري ... بسبب رفع الاسعار وغلاء المعيشة .. بشكل لا يعقل ..!!


والا قول على المواطن الضعيف يارحمن يارحيم ..


وباطن الارض خير له من ظاهرها ..



تحياتي ...

مقاطعون ولو كنت لوحدي

حسبي الله ونعم الوكيل