السلام عليكم ورحمة الله وبركاته

أخواني: أبي منكم النصيحه وأول خطوة فقط والباقي خلوه علي ( أن شاء الله )
أنا طلعت مدين لشركه النصب والأحتيال ( الاتصالات السعودية )
دقوا علي وما رديت( إلا مره عن طريق الهاتف) وأرسلوا رسائل وطنشت وفي الأخير طلعت مشترك معهم في الشهرين المجانية وبعدها الحسابه صارت تحسب وأنا ما حتى شغلته لو ثانيه وحده
والحين أن معلق السداد حتى بطاقه جود معلق سدادها وأكثر من مره أدق على رقم 8002444455
وأخر نكته أني قلت للموظف ( الله يعطيك العافية وجزاك الله خير ) <<< هذي طلب الخدمة
لو أني سابه مو أحسن
أنا أبي أول الطريق .. وين أودي الشكوى .. للشرطه أم لهيئه الاتصالات <<< فاضي وما وراي شيء

رساله لمسئولي الاتصالات السعودية

" إذا كانكم أذكياء ... فتأكدوا أني بعد ذكي " الحق ما يضيع عند ربي
تحياتي ،،،

سام 6 ممكن توضح شوي
افهم انهم كلموك بخصوص اشتراك بخدمة ورديت عليهم بـ
"الله يعطيك العافية وجزاك الله خير"
وبعدها فعلوا لك الخدمة ظنا منهم انك وافقت ؟
============
اي مشكلة مع اي شركة اتصالات أو مزود خدمة هيئة الإتصالات هي الجهة المسؤولة .. لكن ان حلوا مشكلتك فهي من العجائب ..
لكن عليكم بهم لا تترك حق لك

المشاركة الأصلية كتبت بواسطة جمرة غضا

افهم انهم كلموك بخصوص اشتراك بخدمة ورديت عليهم بـ
"الله يعطيك العافية وجزاك الله خير"
وبعدها فعلوا لك الخدمة ظنا منهم انك وافقت ؟
نعم صحيح
============
اي مشكلة مع اي شركة اتصالات أو مزود خدمة هيئة الإتصالات هي الجهة المسؤولة .. لكن ان حلوا مشكلتك فهي من العجائب ..
ومن إلي قال أني أبيهم يحلون مشكلتي ..!! أصلاً أنا معتبرهم هم ساس البلاء في هالبلد .. وأحنا ما ذبحنا إلا حب الخشوم والمعارف وتجمعات الاستراحات (الواسطه)
أنا بس أبي أمشي حسب النظام خطوه خطوه وبعدين لكل حادث حديث ... يعني مطول معهم أن شاء الله بس ودي بهم جميع (( حسب رغبته )) وما أنسى ديوان المظالم
لكن عليكم بهم لا تترك حق لك

بس أول خطوه هل هي هيئة ( الانفصامات ) الاتصالات؟
أن شاء الله خير ...