أهلين اخوي سراب الذكرايات


الله يعينك ويعننا صدقني لو كان في الشركة هذي
أحد عنده ذمه او ضمير او خوف من الله كان أستجابوا
للشكاوي اللي تطرح مشكلتهم انهم مايردون علينا بالرفض او القبول
ومافيه اي تجاوب وحتى هيئة الاتصالات ماترد عليناا

يعني حنى شعب مغلوب على امره , بس صدقني شركة جديدة
وهذي بدايتها ماريح تستمر ..؛؛

والله يوفقك إن شاءالله

تم نشره بموقع مقاطعه على الفيس بوك

و الله يا أخي أنا مريت بكل التجارب ديه في شهرين بس زيك اشتركت على سرعة 2 ميجا وبالفعل اشتغلت السرعة 2 ميجا والداونلود 250 مرتاح وبعدين حوالى 5 أو 6 أيام ونزلت السرعة ل 1ميجا قلت عادي عطل فني بس استمرت اكتر من اسبوع اتصلت بخدمة العملاء واحد قالي اعمل ريست للمودم عملت الريست وكلمتهم رد علي جهبذ تاني وقالي انت عندك فايروس عملت اسكان وكلمتهم واحد تالت قالي جرب المودم في مكان تاني ( وبصراحة كل البهدلة ديه أنا اللي جبتها لنفسي لأني دايما كنت باصر على ان المشكلة عندهم من السيستم وقلتلهم السيستم بتاعكم نزلي السرعة ) فكانوا طبعا كل مرة بيأكدوا ان السيستم بتاعهم سليم وانا اللي حمار صحيح ايش فهمني أنا لانه كلامهم مظبوط لو كنت بافهم ما كنتش اتعاملت مع الاشكال ديه
وبعدين واحد قالي روح للي باعلك المودم يشفهولك روحت قالي المودم سليم وشغال للحظ تاني يوم كان اول يوم في الشهر الجديد يعني كان بقالي شهر مشترك وصلني ايميل منهم بيقول انهم رفعوا السعة بتاعتي ل 50 جيجا ورجعوا سرعتي 2 ميجا تاني طبعا أنا في اللحظة ديه اتأكدت انهم نصابين لان يوم ما اشتريت المودم سألت عندكم استخدام عادل قالي بص كلم خدمة العملاء واسألهم على اللي انت عايزه اتصلت وسألت موظف خدمة العملاء قلتله عندكم استخدام عادل قالي لا قلتله ولا اي ليميت على اي حاجة قالي لا قولتله خد بالك أنا هافتح داونلود هيخلص بعد 8 شهور مدة اشتراكي قالي الله يعطيك العافية وقالي كمان ان التغطية في المكان اللي أنا فيه تعتبر أحسن تغطية في جدة وديه كانت الكلمة الصدق الوحيدة في كلامه و أنا حاليا نزلولي السرعة ل 512 وعدى الشهر وكلمتهم قالولي نعملك ايه يعني السيستم لا يقبل لازم تستنى اول الشهر الجديد يعني انا بقالي حوالي 3 شهور مشترك سرعة 2 ميجا منهم حوالي شهر و نص بسرعة 512 وغالبا هاكمل الخمس شهور الجايين بنفس السرعة
أنا اسف على الاطالة بس فيه حاجة أنا مش فاهمها أنا من مصر وكنت باتعامل مع شركة تي اي داتا اكيد بتشوفوه اعلاناتها المهم الشركة ديه تابعة للمصرية للإتصالات والمصرية للاتصالات تابعة لوزارة الاتصالات يعني شركة حكومية يعني كلامهم قوانين ولو اقلكم ان تي اي داتا هي منفذ مصر الوحيد تقريبا على الانترنت 70% من سعة الانترنت في مصر الباقي مملوك لشركة فودافون يعني شركة بالوضع ده وو الله لو اللانترنت قطع عندك دقيقة واحدة اولا مش بيحاسبوك على فترة انقطاع الانترنت ومافيش مصاريف تأسيس وسعر الاشتراك تقريبا اقل من نص سعرالاشتراك هنا
القصد شركة زي تي اي داتا هي اللي المفروض تبتز عملائها ولا اتحاد عذيب الخاصة اللاجنبية ( كويتية )الاصل انا مش فاهم بصراحة نعمل معاهم في مصر تروح ترفع عليهم قضية وعلى توافه لكن اعتقد اتحاد عذيب لو كانت في مصر ورفعنا عليهم قضية كانوا اخدوا فيها اعدام
هنا بقى في السعودية نعمل ايه حسبنا الله ونعم الوكيل وبعدين أنا طول عمري معجب بالحكومة السعودية و بصراحة انا مصدوم و مظلوم
احنا مش ممكن نشتكيهم في الهيئة بتهمة التطفيف في الموازين هي مش نفس الوضع تقريبا هما بيغشوا في موازين المعلومات زي بالظبط اللي بغشوا في اي موازين تانية
او ممكن زي مصر نرفع عليهم قضية
أنا بصراحة اللي مزعلني في كل الموضوع في الموضوع هو خدمة العملاء لانهم بيستخفوا بينا انا لو رد عليا واحد من خدمة العملاء وقالي معلش بس في ضغط على الشبكة عندك اعذرنا والله كنت فصلت الانترنت وقلتله وانا هاتحملكم لكن اللف و الدوران وبعدين يقولي استخدام عادل و اللي يقولي الشركات التانية مالي انا ومال الشركات التانية ولما سألت كل الناس اللي كلموني من خدمة العملاء طيب الاستخدام العدل بيقولك ان الدوانلود له حدمعين مثلا 10 جيجا بمجرد ما تعديهم تنزل السرعة او يوقف الداونلود او الاتنين مع بعض على حسب فسألت الحد كام كلهم قالولي ان هما مايقدروش يقلولي على الحد ده لحد ما موظفة وقعت في الكلام وقاليتلي ما فيش حد بمعنى نقلا عنها ان لما يحصل ضغط على الشبكة تنزل كل السرعات الى الربع او النص على حسب فرديت وقولتلها ده مش استخدام عادل على الاقل لما الضغط يقل رجعوا للناس سرعاتهم مش معقول الضغط يبقى 24 ساعة
أنا اسف على الاطالة بس بجد انا حاسس اني مضروب على قفايا و مضحوك عليا
وأنا معاكم في اي حل تتفقوا عليه للموضوع