50 يوم عند الشامل !؟ بيصلها ولا بيعيد تجميعها

موضوعك يبغاله شويه تركيز فخلك معى و أترك عنك القلق .. ماشي
1- اذا بغيت الفكه من كل الصداع .. بيع السياره ( ووضح المشكلة للي يبغا يشتريها علشان ربي يبارك لك بفلوسها )

2- باقي فيك حيل للمناحله .. تروح لتويوتا الفرع الرئيسي و تخلي المسؤول يطلع معاك السياره و يسوقها و يستقبلها رسمي , يا إنهم صلحوها يا إنهم على الأقل يظهرو لك المشكله من وين

3- موضوع الصدمه تراه وارد - لاتزعل من كلامى - لي اصحاب بالميناء ذكرو لى كيف بتنصدم السيارات و تتصلح عندهم بالميناء و تنباع على إنها جديده فيمكن تكون وحده من الضحايا ( والله ماهو قصدي أخوفك ,, بس احتمال ولازم تحطه براسك ) ... علشان تتأكد إن كانت مصدومه أو لأ شف لك سمكري يعرفه أحد من خوياك .. يفك الرفرف اللى فوق الكفر اللى بيحذف و خلف اللديتر و جهة البطارية أو عكس مكانها وال T اللى ماسك الواجهه راح يبين لو إنها أتسمكرت ولا لأ .. و كل الكلام هذا و الكاميرا شغاله تصوير علشان لو ظهر معاك شئ غلط يصير عندك مستند قانوني تقدر تشتكي .

لو طلعت ماهى مصدومه - و بإذن الله ما راح تكون - شيك على :
- الأذرعه
- العكوس الداخليه
- المقصات
- الجوزات
- الجلود بأنواعها
هاذي احسن جربتهم مع التويوتا الصف اللى عند الفحص .. دور على واحد إسمه جبريل نيجيري شغله ممتاز و سعره مهاود و يساعدك لو لقى عندك قطعه تالفه سعرها غالي

لين تبغا تعمل ميزان شف لك ميزان إلكتروني " عندك فروع يوكوهاما أو بريللي " هاذول جربتهم و سكينتهم حاده حبه بس ما رجعت لهم بنفس الشغل و اللى خلانى اجرب بريللي فرق السعر بينهم و بين يوكوهاما " حوالى ال 50 " و الزحمه عنده أخف من الأول

و نصيحتى : خلى الشكوى آخر حاجه و إن نويت دبر لك سياره ثانيه

و الله يوفقك