سيارة جميلة لكن مشكلتها طيحة السعر على طول

طيب ياجمره غضا هذا المنتدى للمقاطعه وودي افهم كيف ناويه توصلي للمقاطعه؟؟
يعني نقاطع كل الشركات حق السيارات ؟؟ طيب اللي محتاج سياره ضروري وش يسوي يجلس تكاسي والا يستأجر بالقرشين اللي معاه ( على افتراض عنده شي ) والا يشتري سياره مستعمله ( على افتراض عنده قيمتها اصلا ) والا وش يسوي بالضبط حتى يقدر كل الشعب يقاطع....

انا شخصيا الان لي اكثر من 3 شهور من دون سياره ومرمطه وسلتحه على خلق الله تكفى وصلني تعال ودني هات سيارتك اوصل اهلي دقيقه ياحرمه نشوف لنا ليموزين والا اروح استأجر اقل سياره في اليوم بـ 80 ريال....

اذا لقيت فرصه شخص يعطيني سياره ويحسب علي بالشهر 1500 مباشره بطلعها لاني متورط ومتبهدل اما لو عندي سياره ولو موديل 95 وتمشي اموري فأكيد بقدر اقاطع وامشي اموري...

نبي المقاطعه تكون سليمه وقويه اذا لازم نشوف الاسعار اللي تناسبنا ونشجع الناس عليها ونوضح العرض وتفاصيله الدقيقه واذا في انسان متورط مثلي وناسبه اي عرض مثلا ممكن يروح يشتري وانا شخصيا بشجع على هالشيء....

وياليت لو يفتح منتدى للعروض المتميزه من شركات السيارات وغالبا الشركات المهمله سواء اليابانيه او الاوروبيه ( سوزوكي وميتسوبيشي ومازدا وبيجو وسيتروين واوبل وغيرها ) بتنزل عروض تصفيه وبتكون اسعارها مخفضه وقد تكون مناسبه لأحد مننا...

الان تخفيض لقيمه السياره من 112 الف الى 95 الف للكاش والتقسيط بنفس سعر الكاش والتأجير مع تأمين شامل ومن دون دفعه اولى ولا رسوم اداريه بفائده اقل من 12% مايعتبر عرض مغري للناس المتورطين مثلي ؟؟
حتى لو السياره موديل 2008 يكفي كونها على الزيرو والشركه ضامنتها لي لمدة 4 سنين بدل ما اتمرمط اكثر عند الناس على افتراض ان الاسعار جايز بتنزل بيوم من الايام ؟؟؟

كيموس
المقاطعة قوية ولا تشكك بها
والمقاطعين واصلوا الحملة على 2009 والان على 2010
والمنتدى يسمح بوضع مواضيع بها عروض وأسعار ....
لكن لن ولن نسمح بأي موضوع به تطيبل وتلميع وتشجيع على الشراء .. حذفت ردك لأنه تسويقي وليس مقارنه بالأسعار
وسيتكرر ذلك لو عدت للتسويق من جديد ...
بخصوص أمر الشراء فنحن لا نجبر احد على المقاطعة وأمر الشراء بيدهم ..
و أعتقد إن ردي السابق بحاجة لقراته جيدًا كم مرة من قبلكم حتى تفهمه

الشيء الاخر
وضع الرسائل الخاصه في المواضيع غير مرغوب به في المنتدى
بامكانك الرد على العضو برساله خاصة ..

نحن معك ياجمرة
المقاطعة
هي الحل الأمثل

قاطعوهم احرقوهم

السلام عليكم
لا اختلف معكم في ان الميتسوبيشي جبار في بعض سياراته

الباجيرو جيد نوعا ماء ولكن لا يقارن بغيره من الياباني من خلال المجربين فهو يتفكك ( يهرقل قليلا )
عيب الميتشوبيشي وكيله العيسائي رحم الله عليه وخصوصا بعد وفاته يوجد تخبطات من قبل الاداره
قطع الغيارغاليه وتسويق السياره سيئ واخيرا معامله الوكاله وللاسف زفت من خلال جوله قريبه على الاسعار

انا من مجربي الميتسوبيشي فقد اشتريت سياره بيك اب للمنزل واستخدمناها بشكل قوي جدا سفريات واستخدام رحلات البر جيده وتتحمل ولكن يوجد تفكك قليل او ما يسمى بالهرقله عرفيا لدينا ولكن عند القيام بصيانه دوريه لكل عشرين الف كيلو اتكلف كثيرا خصوصا البريك وتصفيه الماكينه اما صيانه 100 الف كيلو فتتجاوز 3000 الاف ريال لقطع الجنزير الداخلي وجزء من تصفيه الماكينه واخيرا نزول سعرها بشكل ملفت للنظر بعد الشراء ولست نادما على شرائه فقد كان مثيله بالنيسان يتجاوز 68 الف والتويوتا يتجاوز 75 الف بينما الميتشوبيشي 51 الف ؟؟؟؟
ولكن عزائنا الوحيد انها تضل افضل بالصيانه من وكيل مازدا وسوبارو للاسف سيارات يابانيه قويه وافظل من تويوتا لمن لا يعرف لكن للاسف وكلاء سيئون

هل في مقارنة بين الباجيرو وبين الفورتشن ؟؟؟؟
وش الفورتشن ما اعرفله
وش هوي من تاتا ولا ايش

الآن الميتسوبيشي صناعة أسترالية

وتجميع هندي

اخواني

الباجيرو للإمانة جبار وقوي

لكن مثل ماقالوا الاخوان عيبة الوكيل

اللهم اصعقهم ياقوي ياعزيز