عروض الجميح احتيال واضح وبيع غرر وجهالة

( يوجد صورة للعقد )

انتبهوا!!!!!
فيه عرض عند الجميح يبيع سيارات بسعر رخيص جدا

السيارات هذي غرقت في الفيضانات الاخيرة في جدة وبعد ما استلم الوكيل تعويضاته من التامين قام يصرفها!!!!!!

والمشكلة انه يقول ماعليها ضمان!!!!

خذواا الحذر .....وخصوصا ان المعروض يشمل موديلات 2006 يعني فيه منها شي من اللي لحقه حريق

وهذ صور المستودعات بعد السيول

الحذر ثم الحذر ثم الحذر

=======

كلام أحد المواطنين اللي كانوا بيشترون من هالعروض :

امس فتحت الجريدة واشوف عرض شركة الجميح قلت يا ولد فرصه تبيع هالخرده اللي معك وتزيدها شي بسيط وتطق لك موتر جديد !!

بما ان عروضهم كانت مغريه نوعا ما اللومينا مخزنه طبعا من موديل 2005 الى 2008 ب 35 الف ريال فقط
طبعا حسب الاعلان المعروض

لعلي رحت امس لمعرض الجميح بالرياض طريق خريص وقابلت حدى الموظفين قال لي ان السيارات جايه بالطريق من جده تعال لنا بعد اسبوع او قبل بكم يوم قلت طيب اقدر احجز؟؟ قال لا ! قلت طيب السيارات عليها ضمان؟؟ قال ايه اكيد !!

قعدت اقلبها يمين ويسار قلت بيسير فيها واسطات وما واسطات قلت خل الحق عمري ادور لي احد اعرفه عشان احجز لي سيارة

كلمت الوالد اذا يعرف له احد بالجميح قال ايه اعرف !! ويتصل على هاك المسئول طبعا من المسئولين الكبار بشركة الجميح !!

طبعا المسئول يقول للوالد السيارة لك ؟؟ قال لا !!
قال طيب شخص يعز عليك ؟؟ قال ايه لولدي السيارة !!

قال ما انصحك !! طيب ليه ؟؟

قال كل هالسيارات اللي بالعرض جايه من مخازن جده ولاعب فيها السيل لعب !! وتم تظبيطها وتبي تباع بهالعرض !! قال طيب عليها ضمان ؟؟ قال لا ما فيها ضمان
هذا اللي صار معي امس والله شاهد على كل حرف كتبته .....

وعلى حسب ما سمعت أن اغلب الوكالات متأثرة بسيول قويزه وخصوصا عبداللطيف جميل

فعلى كل من بيشري سيارة جديده الانتباه لهالنقطه

============================

كلام مواطن آخر كان بيشتري من هالعروض أيضاً :

كلنا سمعنا عروض الجميح

ركضت وحجزت خمس سيارات ( يوكن وتاهو وكابريس ولومينا وابيكا ) في فرع عنيزة , لأني واثق ان شركة مثل الجميح لايمكن تحتال على الناس بل ستمكن الناس من المشاهدة قبل البيع .

في اليوم الثاني جيت ومعي دفتر الشيكات عشان أسدد

قال المصري ان العروض اللي بالجريدة يوجد لكل نوع حبة وحدة وخلصت من أول لحظة ( أول احتيال )

قلت دور لي موديلات ثانية , دور مالقالي إلا تاهو وابيكا 2006 بـ 36000 واللي كانت موجودة بالعرض 2005 بـ 20 ألف

قلت ماعندي مشكلة , قال خذ وقع على التعهد

قريته كالتالي :

بالاشارة إلى حملة التصفية المعلنة لديكم نأمل البحث والحجز لسيارة من السيارات المشار إليها بعرضكم بتاريخ 9/12/2009 والتي أرغب شراء سيارة منها وعليه أرجو منكم افادتي خلال 48 ساعة من تاريخه بإمكانية السيارة التالية :

نوع السيارة

اللون
الموديل

السعر

دون أدنى مسئولية على شركة الجميح للسيارات في حال عدم توفرها نظرا للإقبال الكبير على تلك السيارات علماً أنني أعلم جيداً أن تلك السيارات المعلن عنها هي سيارات مخزنة وليس عليها ضمان وأرغب بشرائها بحالتها الراهنة دون تجهيز أو مطالبتكم بالمشاكل المترتبة على التخزين من كفرات أو بطاريات وخلافه ... وهذا بعلم مني .

قلت للمصري مامعنى وخلافه ؟

قال لو تجيك السيارة تشليح ماراح تحصل فلوسك لأنك وقعت بالعلم .

وهذي صورة من العقد

ودور محامي بخمسين ألف يطلع فلوسك اذا تورطت

===================

المشاركة الأصلية كتبت بواسطة خالد 1

قلت للمصري مامعنى وخلافه ؟

وخلافه: حوش وسييييع تحط فيه سيارتك لو ماتنفع يلعبوا بيها العيال .....
عقد مكتوب بمثل هذه الطريقة فيه ضحك ومخرج وتملص من أي إلتزام على الشركة في حالة وجود مشاكل وأعطال لاتظهر على المدى القصير .

حياك خالد 1
توضيح بسيط الصور الخاصة بالسيارات
هي صور سيارات تويوتا وليست شفر او جنرال التابعة للجميح
وفعلا سيارات تويوتا تعرضت للسيارات وتضرر بعضها كما هو واضح بالصور وذكرت هنا
صور مستودعات أبو جميل (بقرب حي قويزة) بعد السيل ‏( 123)





اما عروض الجميح .. مثل ما قال ابو جنى اخشى ان يكون الحوش هو مصير السيارة

عروض الجميح احتيال واضح وبيع غرر وجهالة ( يوجد صورة للعقد ) ‏( 123)
كلنا سمعنا ........عروض الجميح شيخ الحرامية

مشكور خالد 1

ويبق الدور الرقابي ضائع ، او صامت وراض بالوضع الحالي