مرحبا
اعذروني اول مره اشن هجوم على دائره شبه رسميه <<< يقصد جمعيه حمايه المستهلك
قبل كنت ادافع عنها لأني تصورت انها منا وفينا والحين بخربها .
شوفوا الجمعيه لها سنه الان ولاحس ولاخبر اللهم مناوشات اعلاميه من بعيد لبعيد تقل مستحين من أحد والا حضور اجتماعات كلاميه واعني بكلامي اجتماع وامسك المايك واهرج الين تقول بس المهم بالنهايه يطلع حكي بحكي ولا ينفذ منه شي .
الحين أبي واحد يقول لي وش فايده هالجمعيه دامها مسويه صديقه للسلحفاة وتمشي على خطاها !!!
انا اتوقع والعلم عند الله بأن الجميعة أتت لتسكب الماء على النار وتكون هي الواجهه بينما الاطراف الاقوى تتحرك على راحتها. يعني انتي ياجمعيه هدي ثورة المستهلك وقولي له ابشر وابشر وحنا حاسين فيك وطبطب على كتفه الين ربك يحلها . لأن المستهلك حبيب بسرعه يصدق الوعود ونيته طيبه .
الان سنه والتجاره ماسكه فلوس الدعم اللي اقرتها الدوله للجمعيه . والاخوان ساكتين مايطالبون بمبلغ هالدعم . بالله كيف تبونها تطالب بحقوق المستهلك وهي ماهي قادره تطالب بحقها ؟؟
بصراحه انا ما ادري علي أساس حاطين لنا جمعيه ورئيس ومجموعه صغيره من الموظفين .
وكم هائل هائل من اعضاء الجمعيه من اعضاء الـ vip
بصراحه الواحد يستغرب ويحط قدامه مليون استفهام لا شاف اسم للجمعيه بخبر منا او مناك
طيب ادخلوا موقعهم اللي رازينه على الويب سايت وشوفوا وش يجني المستهلك من اخبار كان فيه اجتماع وانتهي الاجتماع وابشركم طالعين بطلعه جديده وهي نشر اخبار ناشرتها الصحف
المفروض فيها كجمعيه على حد ماسمعنا انها مستقله بذاتها أن يكون موقعها فيه محتوى يخدم المستهلك .
مااخفيكم سر انا حضرت بفتره سابقه كذا محاضره للجمعيه حصلتها كلها كلام انشائي لا اكثر يعني المستهلك ماراح يستفيد شي . المفروض فلوسهم هاللي استأجرو فيها القاعه يوفرونها للأهم .
فأغلب محاضراتهم عن توعيه المستهلك طيب المستهلك يبي مع هالتوعيه تحرررك قوي
مافيها شي لو الجمعيه تبنت قضيه رافعها مستهلك على شركة من الشركات واعلنت انها ستتحرك لرد اعتباره واخذ حقه بقوة القانون اذا كان هناك فعلا قوانين تصب بمصلحه المستهلك اولاً .
لأن العيار اللي مايصيب يدووش .
والله اني مقابل لبناني بطياره وانا رايح الامارات شكله ماسك شركه عندنا وجلست اسولف معه قال احلى استثمار ويجيب مردود سريع وقوي في بلدكم وربي اني اطالع عيونه فيها بتسامه استغفاااااااااااااااااااااال واستحقاااااااااااار يعني يق العب ومحد حووولك . بخشم الريال تمشي كل امورك
وااااااااااااااتسبدييه بس >>>>> هاالكلمه لأهل نجد تعني انفعت مرارتي من اللي اشوفه


المهم انا اطالب بشن حمله مقرؤه على الجمعيه ككيان وليست كأشخاص يا نهم يتعدلون ويسنعون امورهم والا بنقاطعهم وما احنا ملتفتين لهم خير شي يعني جمعيه مستهلك بدون مستهلك
شغل السلحفاه ماعاد ينفع ولا عاد يفيد نبي شي على الارض .
واعذروني على ركاكه الاسلوب تعرفون منذو مبطي ماكتبت شي

هلا ..سعودي غير
معذور ... وخذ راحتك فيهم .
جمعية نايمة ولا رايح تصحى من النوم // حتى يتم فصلها عن وزارة التجارة .

هلا بك سعودي غير
قد ظلمت السلحفاة
السلحفاة على بطء سيرها إلا أنها تضع لها هدف تسعى إليه !
الجمعية لا تعرف ما تريد ! وأخشى أن من بها لا يعرف ماهي الجمعية
هل من رشح إليها جاهل ماهو دور الجمعيه ؟ او من رشح إليها عرف ان الأمر أكبر منه
والاهم كيف رشحوا ؟ وكيف انتخبوا ؟ و vip لماذا دخلوا بها
---------
وبكل تأكيد عندما نتحدث عن الجمعية فنحن لا نوجه كلامنا على الشخوص الموجودة بها بل على منهجيتهم التي حولت الجمعية إلى خيال ماته !
بالسابق كنا نسعى بأن تكون لنا جمعية حماية كالموجودة بالدول الأخرى ..
لا أقول كــالدول الغربية بل الأقرب من ذلك
نريد جمعية كمصر والأردن .. نريد جمعية نهرب لها لا نهرب منها ..
-------------------
البعض يقول أن ضعف الجمعية وعدم تفعيل دورها سببه يرجع الأمور المادية للجمعية !
ونرد عليهم بأن هذه حجة واهية وعضوا عليها بأضراسهم ...
كم اتمنى أن تتحدث الجمعية عن المستهلك بقدر ما تكلموا عن الدعم المادي لهم !؟
فـــإخراج تصريح بالجرائد يساند المستهلك لا يكلف ريال واحد
وإخراج تصريح بالجرائد او على موقعهم يساند حملة خلوها تصدي لا يكلف ريال واحد
وإخراج شكوى من مستهلك بإسمهم لا يكلف ريال واحد

وبين قوسين وتحتها ألف خط منتدى المقاطعة قدم خدمات للمستهلك وهو لا يدعم من أي جهة
إذًا من اراد تفعيل دوره يعرف الطريقة .. ومن اردا أن يخمد صوته يعرف ذلك ايضًا

--------------------
بعد فترة ستبدأ الإنتخابات الجديدة للجمعية ..
ومن الآن أقول لكم سنسمع الكثير يقول انه مهتم بالمستهلك !!!!
وأخشى أن يكون هدفه من ترشيح نفسه هو الإمساك بالخيال الماتة فقط لا غير
لكن نحن المستهلكين نقول لهم: بلوها واشربوا مويتها
الجمعية نسيناها وبالأصح لا نحتاج لها ,,,,
فقد وجدنا في منتدى مقاطعة الملاذ الآمن من التجار
وللعلم التجار مبحلقين عيونهم على المنتدى فاي شكوى على اي تاجر تجدهم يرسلون لبريد المنتدى يطالبون بحذف الموضوع الموثق المكتوب عنهم !
عدلوا من من أوضاعكم واحترموا المستهلك وبلاش غش وتلاعب
وبعدها بكل تأكد لن تجدوا أي عميل يكتب موضوع عنكم

على فكرة ، ترى الجمعية حسب ماعندي من معلومات ، هي فقط جمعية توعوية فقط فقط فقط
تثقيف
و
توعية
بسسسسسسسسسسسس
تخصصها التوعية
وليس من اختصاصها اتخاذ القرارات
وهي ليست جهة تنفيذية

تخصصها التوعية
وليس من اختصاصها اتخاذ القرارات
وهي ليست جهة تنفيذية

صحيح هي جمعية توعية وتثقيف
لكن حتى بهذا لم تحقق نجاح
أين هي من السلع الموجوده بالأسواق بها غش وتلاعب أو من مكوناتها مواد خطرة !
لا نريد منهم فعل المعجزات .. يكفي ان يعلنوا أن هناك سلعه" ما " احذروها !
--------------
أين سعيهم لخفض الأسعار !؟؟؟؟
جمعية الاردن من فترة أعلنت مقاطعة اللحوم بسبب إرتفاع ثمنها .. ومع إعلانهم للمقاطعة فعلوا دورهم التثقيفي للاسر .. النتيجة المقاطعة نجحت وخفضت الأسعار...

هنا بالسعودية المستهلك هو من يعلن المقاطعات .. وجمعية حماية المستهلك تحذر من المقاطعة !
من سنة تقريبًا بنات الرياض اعلنوا مقاطعة "الكوافيرات ومشاغل الغالية " من بعد إعلان هذه المقاطعة
خرج لنا رئيس الجمعية يستنكر هذا المقاطعة !
يعني لا خيرهم ولا كفاية شرهم ...

صدقني من هنا الى عام 2500 م لن يكون هناك شيء اسمه حماية مستهلك ..
لماذا نحن ننتظر دور حماية المستهلك .. صدقوني لن تنفعنا بشيء ،، مثل وزارة التجارة ، التي ليس لها دور فعال
يجب على المواطن هو من يحمي نفسه ،، وهو من يدافع عن حقه . وهو الذي يستطيع ان يؤثر في السوق
تستطيع اخي المواطن أن تحارب الغلاء والشجع بنفسك
لا تنتظر احد يخدمك في هذا الزمن ،، زمن الرشاوي والكذب
حماية المستهلك نامي في العسل ، لن ننتظرك بعد اليوم
والسلام خير ختام

جهاز حمايه المستهلك بمصر
http://www.cpa.gov.eg/index.htm

بالله قارنوه مع موقع بالجمعيه اللي عندنا

بنظري الجمعية يجب أن تكون مستقله ومرجعها رئاسة الوزراء
وذات صلاحيات واسعه
وتظم كوادر كافيه لتغطية مهامها ومسئولياتها
ولها ميزانية مستقلة وكافيه
لكي تكون فعلا اسم على مسمى
حماية المستهلك

بلا حماية المستهلك بلا وجع راس وفلوس

منتدا المقاطعة الله يخلية لنا ويرفع شانه