سلام

بدخل بالموضوع على طوول

انا كنت من ضحايا شركة النصب شركة ابو قبيح لاني اشتريت منهم سيارةة اول ما نزلت موديلات 2007 وكنت مستمر معاهم زي العسل في السداد

المهم صار على السيارة حادث ووديتها لهم عشان التامين يغطيها وقعدت عندهم السيارة شهر كامل وطبعا انا ما سددت لهم اجرة ذاك الشهر لاني ما انتفعت بها ولا امنوا لي بديل

صار بيننا شد وجذب اني لازم اسدد القسط لذاك الشهر وطبعا انا رضخت في النهاية لحاجتي للسيارة

بعدها بفترة صارت علي ظروف وتاخرت عليهم لمدة اربعة شهور متفرقه وكانوا يكلموني وكنت اقولهم اني بمر واسددهم

الحاصل واعدتهم اني اسددهم يوم الاحد وقالوا اوكي ويوم الخميس سبقوني وسحبوا السيارة من قدام البيت؟؟؟؟

رحت لهم وقلت لهم اني اتفقت معاكم على السداد يوم الاحد ليش سحبتوا السيارة؟؟
قالوا هاذي الشؤون القانوينة اللي سحبت السيارة ( مش احنا)

قلت طيب هاتوا اغراضي وامر عليكم الاحد اسددكم قالوا مش عارفين مكان الحوش اللي سيارتك فيه؟؟؟؟؟؟؟؟؟

طيب واغراضي وبطاقاتي؟؟

قالوا ((معلهش)) سدد واحنا نجيب السيارة لغاية عندك

صار شد وجذب بيني وبينهم وقلت اني راح ابلغ فيكم انكم ساحبين السيارة وهو على حد علمي ممنوع بقرار من وزير الداخلية رد المصري بكل بجاحة اثبت ان احنا اللي سحبناها؟؟؟؟؟؟

عن طريق احد معارفي عرفت مكان الحوش ورحت واخذت اغراضي من السيارة وخلاص النفس عافتها والله يعوض علي في اللي دفعته فيها

اتفاجا انهم يكلموني ثانية ويقولون تعال سدد وخذ السيارة قلت ما ابيها والدفعة الاولى والقسطين اللي الزمتوني فيها حلال على قلوبكم + الشهر اللي الزمتوني فيه وانا ما انتفعت بالسيارة

قالوا ( معلهش) يبقى لازم تدفع رسوم فسخ عقد وهي مبلغ وقدره..........

سؤالي هو // وش الاجراء االلي يقدرون يسوونه ضدي وهل يعرضني للسجن على قولتهم؟؟

هل يعتبر العقد لاغي لان من شروط العقد سحب السيارة وهو ما الغاه وزير الداخلية لاحقا بقراره؟؟

ارجو افادتي بالرد وما هي الخطوات اللي اقدر اخارج نفسي منهم باللتي هي احسن

مشكورين مقدما

والله شركة تويوتا مسوية حكومة ومحد مسكتها ولها علاقات قوية ونفوذ في الدوائر الحكومية .
مشاكلهم وامورهم المادية مع المواطن في الحقوق وشركات التامين ,,,, دأئمآ لصالحهم

لكن أول مره أسمع رسوم فسخ عقد .. أكيد أنت متزوج من عندهم ويقصدون مؤخر طلاق .
لو أخذت بنت كيا ولاهونداي .. صحيح دمها ثقيل لكن تعاملهم أفضل شوي والمهر أرخص .
واذأ رجعت بنتهم لهم لاسمح الله مايطلبون منك مؤخر طلاق .وكل واحد يروح في حالة .

مع تحياتي والله يعينك .

انا اعرف الوكيل الشرعي حق ابو ........ يقول هذي حركات والمحكمة في حال سحبهم للسيارة يبطل العقد

المشاركة الأصلية كتبت بواسطة خالد 1

لكن أول مره أسمع رسوم فسخ عقد .. أكيد أنت متزوج من عندهم ويقصدون مؤخر طلاق .

هههههههههههههههههههههههههههه




الله يعينك يا صاحب الموضوع

وانا راح اسئل لك مستشار قانوني >>> نسيبي